Berpiztu dute Trebiņuko Moraza

  • Hutsik egotetik, web-orri bat duen Trebiñuko herri bakarra izatera pasatu da Moraza, bizilagunen ekimenari esker.

Arabako Alea @ArabakoALEA
2017ko ekainaren 23a
Nerea Alzaga eta Luis Angel Arroyo, Morazako bizilagunek bultzatu dituzte herria berpizteko lanak. PHOT.OK |

Morazako eragileak bi lagun dira: Nerea Alzaga eta Luis Angel Arroyo. Biek bultzatu dute herriaren berpiztea, eta, haren ondotik, herriari buruzko blog bat sortu dute, ingurukoen artean lehenetarikoa. Halaber, itxita zegoen San Juan elizaren teilatua konpontzeko diru-laguntzak lortu dituzte. Horretan ere aitzindariak dira.

XII. mendeko eliza erromanikoa da Morazako San Juan, Trebiñuko zaharrenetako bat, eta hogei urtez itxita egon da, erortzear. Alzagak azaldu duenez, iaz hasi ziren konpontzeko saiakera egiten: "Lehen aldia da diru-laguntza bat eskatzen dugula, traba asko jarri dizkigute, eta askok esaten ziguten ez zuela pena merezi, ez zigutela emango; gogoa kendu ziguten". Baina sekulako sorpresa hartu zuten urtarrilean, Burgosko Diputazioak %70eko laguntza onartu zuenean, eta Gasteizko Gotzaindegiak gainerakoa. "Martxoan esan genien bizilagunei, eta ez zuten sinesten; orain sinestu dute, aldamioak jartzen hasi direnean. Oso-oso pozik daude, eta gauza gehiago egiteko gogoa piztu da. Herria batzeko balio izan du ekimenak", esan du Arroyok. Elizaren erabileraren inguruan Gotzaindegiarekin hitz egin behar dute, baina nahiko lukete gutxienez herria biltzeko toki bat izatea.

Morazako bizilagunak, eliza ingurua garbitzen.PHOT.OK

Herrian gertatutakoak kontatzeko asmoz, bloga ere sortu dute, ondoan duten Urizaharrakoen antzera: "Administratiboki Trebiñun gaude, baina harremanak eta ekimenak Urizaharrarekin egiten ditugu, eta haiek blog bat dute; guk ere sortu dugu herrian gertatzen diren gauzak kontatzeko, gutxi dira, baina merezi du". 

Hustutako herria

Arroyoren eta Alzagaren belaunaldiari egokitu zaio komuneko zerbitzuak konpontzeko eta zaintzeko lana. "Gurasoak herrira iritsi ziren duela 40 bat urte –azaldu du Arroyok–. Garai horretan Moraza hustuta zegoen, eta pixkanaka hasi ziren etxeak konpontzen". Egun, etxe gehienak okupatuta daude.  Neguan bost etxe zabalik daude, eta hamar lagun daude erroldatuta bertan. "Uda partean jende gehiago etortzen da, 25 bat bilduko gara", gogoratu du Alzagak. Hartara, herriak bizia berreskuratu du, eta hasi dira umeak dituzten bikote gazteak ere Morazara joaten.

Auzolanak egiten dituzte, urtean bitan, eta beste ekimen batzuetan ere parte hartzen dute; martxoan, adibidez, Korrikan. "Jendea asko inplikatzen da. Aste honetan elizaren zelaia txukuntzeko geratu ginen lau lagun, eta biztanleen erdia agertu da". Garbitzen ari diren zelaian ospakizun bikoitza egingo dute asteburu honetan: Herriko jaiak eta San Juan  elizaren teilatuaren konponketa ospatuko dituzte morazatarrek. 

Artikulu hau Arabako Aleak argitaratu du eta Creative Commons lizentziari esker ekarri dugu.

Kanal honetan artxibatua: Trebiņuko konderria

Trebiņuko konderria kanaletik interesatuko zaizu...
Trebiņuren eskutitza gurasoei

Arabaren bihotza. Mapetako hutsunea. Zulo beltza. Zortzigarrena. Salbuespena. Nahi eta ezina. Ahal eta nahi eza. Finean, Trebiñu.


2017-11-29 | Arabako Alea
Araba Euskaraz baliatuko dute Argantzun Ikastolan lehen hezkuntza bultzatzeko

Ekainaren 17an ospatuko dute Araba Euskaraz Argantzunen. Bertako ikastolak Manzanosen duen Lehen Hezkuntzako eraikina ordaintzen laguntzeko baliatuko dute jaia.


2017-09-15 | Arabako Alea
Mintzalagun talde bat sortu nahi dute ikasturte berrian Trebiņun

Irailaren 22ra arte eman dezakete programarako izena udaletako euskara zerbitzuan.


2017-01-31 | Ainhoa Bretos
Trebiņuko biztanleen bizi baldintzak hobetzeko hitzarmena adostu dute Arabak eta Burgosek

Akordioa otsailerako egon daiteke prest. Horren arabera, Trebiñuko zerbitzu publikoak hobetzeko elkarlanean arituko dira Arabako Foru Aldundia eta Burgosko Diputazioa.


2016-07-01 | Arabako Alea
Udal zergak kudeatzen hasiko da Trebiņuko Udala

Orain arte Burgosera edo Briviescara joan behar zuten bizilagunek edozein tramite egiteko, aurrerantzean Trebiñutik bertatik egingo dituzte.


2016-05-06 | Arabako Alea
Hondakin organiko dena konpostatzeko plana proposatu du Gutxisolo Elkarteak Trebiņun

Ekimenarekin bat egiten duten Trebiñuko bizilagunen babesak jasotzen ari dira une honetan, eta aurki proposamena aurkeztuko dute udalbatzan.


2016-03-09 | ARGIA
Trebiņuk berriro eskatuko du Arabarekin bat egiteko

Trebiñuko Udalak berriro luzatuko du Arabarekin bat egiteko eskaera Espainiako Diputatuen Kongresuan, 2014an egin bezala. Eskaerak ez zuen aurrera egin orduan, baina emaitza bestelakoa izateko esperantza dute orain trebiñuarrek, Kongresuko gehiengoak aldatu egin diren heinean.


2016-02-24 | Arabako Alea
Trebiņuren erabakiak baliogabetu nahi ditu Gaztelak

Nekazaritza, elurteak, garraioa eta zergen inguruan Konderriak egindako eskaerak "legez kanpokotzat" hartu ditu Juntak.


2015-03-25 | Iure Eizagirre
Trebiņuko konderrian barna doa euskara

Korrikak urratsak ditu oinarri, milaka euskal herritarrek batak bestearen ondoan eta jarraian emanak. Euskarak ere oinarri bera du, hitz baten ostean bestea egitea. Eta edozein herritarren urratsak dira ekarpen, baita –edo bereziki– kokapen edo egoera administratiboagatik are zailagoak diruditen eremuetan. Gogora datorkigu Trebiñuko Konderria; euskara ikasleak badira han ere, eta batzuk hutsetik hasteko prest daude aurten.


2014-12-01 | Malen Aldalur
Trebiņu zortzigarren koadrilatzat hartuko dute Arabako Batzar Nagusiek

PPk izan ezik, ordezkaritza duten gainerako alderdi politiko guztiek –EAJ, EH Bildu, PSE eta EB– berretsi dute Trebiñu Arabako koadrilatzat hartzearen aldeko mozioa eta Javier de Andres Arabako Ahaldun Nagusiaren eta Espainiako Kongresuaren jarrera kritikatu dute.


Azkenak
EGILEA
Eguneraketa berriak daude