Berdeguneek eta eraikin dentsitate baxuak ondorio positiboak dituzte osasunarengan, arkitekto talde baten ikerketaren arabera.
Britainiar Arkitektoen Institutuak burutu du txostena, Ingalaterran gehien populatutako bederatzi hirietako biztanleria aztertuz: jarduera psikikoa, umeen obesitatea eta diabete kasuen kopuruak alderatu dituzte. Emaitza: belardi gehiago eta etxe dentsitate baxuagoa duten tokietan jendeak osasun hobea dauka.
Aberatsenak, osasuntsuago
Irabazi handiagoak dituzten lagunek osasun egoera hobea dutela frogatu dute ikerlariek. Izan ere, orokorrean auzo garestiagoetan bizi dira. Espazio horiek gainera, zaindutako bide eta parke gehiago izaten dituzte. Baina horrez gain, maila ekonomiko handiak bestelako abantailak ere ahalbidetzen dizkie: besteak beste, kirol instalakuntzetako sarrerak ordaintzeko diru gehiago dute, baita jakiak erosteko ere.
Aktibitate fisikoa, osasunaren oinarri
Ezberdintasunak ezberdintasun, kirola egitea da “osasunaren gakoa” ikerlarien irudiko. Hala, jakinarazi dute aztertutako bederatzi hirietako herritarren %75ak astean 150 minutu baino gutxiago pasatzen dituela kirola egiten.
Eta zein da konponbidea?
Arazoa mahaiaren gainean ipintzeaz gain, konpontzeko aholku sorta ere jarri dute agintarien eskura.
Besteak beste, berdeguneetan paseoan ateratzeko ibilbideak egitea proposatu diete, argiztapen egokia, zakarrontziak jartzea eta landaredia zaintzea.Hartara, herritarrek hirian oinez ibiltzeko joera haziko litzatekeela uste dute. Horrek eragin positiboa luke osasun publikoan.
Hiriak nola elikatu? Horra Egonarria saioan Eli Pagolak Audrey Hoc laborariari luzatu dion galdera. Hoc-ek, bere lagun Aimar Rodriguezekin batera, fruitu arbolak ekoizten ditu, Etxalarren baso jangarria dauka eta Biriatuko udalarekin elikadura burujabetzaren estrategia martxan... [+]
Hiru urteko lanaren emaitza jaso du Iruñeko Udalak sinatutako dekretuak. Auzotik sortutako ekimenari esker, zazpi kale eta hiru plaza izendatuko dituzte.
Txina, 1417 urte inguruan. Zheng He almiranteak, Ming dinastiako enperadoreen soldatapeko esploratzaileak esan zuen posible zela “mundu osoa ibiltzea Txinatik irten gabe”. Ordurako Indiako Ozeanoan, Itsaso Gorrian eta Asiako hego-ekialdean zabaltzen hasia zen kolonia... [+]
Uliako auzo elkarteak eta SOS Manteo plataformak herri galdeketa egin dute asteburuan. 6.948 lagunek hartu dute parte, eta 6.486 parkeak babestearen alde agertu dira.
Gipuzkoa Nafarroako Erresumatik aterarazi eta Gaztelarentzat konkistatu zuen Alfonso VIII. erregearen omenezko kaleari izena aldatuko diote. Horren partez, “17 emakume" deituko da kale hori, frankismoaren lege matxisten aurka borroka egin zuten herriko emakume batzuen... [+]