Benito Lertxundik igandean (29) Barakaldo Antzokian eskainiko duen kontzertuak jarriko du abian Topagunea elkarteak antolatutako Udagoieneko Ostera egitasmoaren egitaraua. 40 urtez ikasten egonak zuzeneko diskoa aurkeztuko du oriotarrak emanaldi horretan. Abenduaren 3a bitartean, ekitaldi bana izango da Bizkaiko beste zazpi herritan. Egitaraua Hortzmuga taldeak itxiko du, Zirko iluna antzezlanarekin.