Ertzaintzako 157 bururi justifikaziorik gabeko gastuak ordaindu dizkiete

  • Ertzaintzako 157 bururi onartu egin dizkiete urte luzez otorduetako menuen eta justifikaziorik gabeko bidaien ticketak gastu modura. Hori jaso du Eusko Jaurlaritzaren txosten batek, eta Interviú aldizkariak argitaratu du.

Ane Urkola Agirrezabala @irrikaz
2016ko maiatzaren 26a

Eusko Jaurlaritza murrizketa ugari egiten ari den garai hauetan, EAEko poliziaren goi-karguei gastuak ordaindu dizkiete inolako kontrolik gabe.

Hainbat gastu ordaindu dizkiete erreportajean ikus daitezkeen dokumentuek egiaztatzen dutenez: justifikatu gabeko kilometroak, ibilbideetatik kanpoko bidesariak, kamisetetan eta zapatiletan gastatutako dirua, besteak beste.

Lanera joateko ibilbideetan 0,29 euro ordaintzen diete kilometro bakoitzeko. Ikerketak, ordea, irregulartasunak salatu ditu. Arabako buru batek, esate baterako, ez ditu bidesarien ticketak entregatu, eta bidaiengatik 10.000 euro kobratu ditu urtero.

Otorduei dagozkien neurriz gaineko ordainketak ere agerian utzi ditu erreportajeak. Ertzaintzek 21 euro gasta ditzakete gehienez bazkari edo afarietan. Erreportajean ikus daitezkeen faktura guztietan 21 euro ordaindu dituzte eguneko menuak. Nolanahi ere, jatetxe horietako menuak 10-15 euro artean balio dute, inolaz ere ez 21.

Ikerketa martxan Bilboko auzitegian

Ertzaintza-Fepolen Sindikatu Profesionalak egin zuen salaketa. Juan Carlos Sáenz sindikatuko idazkariak adierazi duenez, "ohartu ginen indemnizazio gehienak ez zizkiotela Ogasunari aitortzen, eta susmoak piztu zizkigun horrek".

Jose Maria Eguia Baltellas Bilboko auzitegiko epailea aztertzen ari da txosten hori, Ertzaintzaren barnean prebarikazioa, dokumentuen faltsutzea eta iruzur fiskala egin dituzten erabakitzeko.

Ikerketaren protagonistak 157 ertzain buru dira eta bakoitzari 40.000 euroko isuna jar diezaiekete. Txosten horren arabera, horietako batzuk 20.000 euro ere kobratu dituzte dietetan, eta Kontu Auzitegia ere hori aztertzen ari da.

Irabazi duten dirua –20.000 euroko ustezko gainsoldatak urtean– ez diote deklaratuari Estatuari, ez ezta Gizarte Segurantzari ere.

Orain arteko auziperatu bakarra Miren Karmele Arias da, Ertzaintzaren Giza Baliabideetako burua, eta ondasun publikoak bidegabe erabiltzea egotzi diote.

Kanal honetan artxibatua: Ertzaintza

Ertzaintza kanaletik interesatuko zaizu...
2017-10-03 | Axier Lopez
Euskaraz mintzo ziren bi polizia kanporatu zituzten Bartzelonako eskola batetik

Bartzelonako El Ravall auzoko Collaso i Gil eskolatik euskaraz mintzo ziren kalez jantzitako bi polizia kanporatu zituzten urriaren 1ean. Euskaldunen lana zelatatzen ari zirela salatu dute eskola horretako Erreferendumaren Defentsarako Komiteko (CDR) kideek.


2017-08-25 | Uriola.eus
Hontzak Konpartsak Bilboko txosna ikusgarrienaren Kanpaia saria irabazi du

Bosgarren urtez irabazi du konpartsa anarkistak txosnen dekorazio dotorenaren saria. Eulia saria Sinkuartelentzat izan da, txosna guztien artean apainketa eskasena izateagatik.


2017-08-25 | Axier Lopez
Jaurlaritzak Mozal Legea aplikatu die sei laguni etxegabetze baten aurkako protestan parte hartzeagatik

Iazko irailean Anastasia eta bere bi semeak etxegabetu zituen Ertzaintzak, Alokabidek Eusko Jaurlaritzaren sozietate publikoak hala aginduta. Hainbat lagun etxe atarian bildu ziren etxegabetzea eragozteko eta, urtebete ostean, protesta horretan parte hartu zuten Arabako Kaleratzeak Stop taldeko sei kideri 602 euroko isun bana ezarri diete Mozal Legea aplikatuz.


2017-08-07 | Hala Bedi
Ertzaintzak preso politikoen argazkiak kendu ditu Gasteizko bi txosnetan

Igandean Kalera Kalera ekimeneko gunetik eta Gazte Karpatik kendu dituzte argazkiak. Bi txosnetako mugimenduek iragarri dute berriro ere jarriko dituztela.


2017-07-27 | Axier Lopez
Mozal Legea erabiliz kazetari bat zigortu du lehen aldiz Ertzaintzak, Hala Bedikoa

Maiatzaren 18an Gasteizko Errekaleor auzoko argia mozteko operazioan, zuzenean informatzen ari zen Hala Bediko kazetari bat isuna jarri dio Ertzaintzak. Eusko Jaurlaritzaren Poliziak kazetari baten aurka Mozal Legea erabiltzen duen lehen kasua da. Isuna desobedituko duela dio Hala Bedik, “lege injustuak desobeditzeko herritarrok dugun legitimitatearen” izenean.


2017-07-17 | Xalba Ramirez
Hiru ertzain gehiago auzipetu dituzte Cabacas auzian

Lehendik zeuden hiru ertzainez gain, beste hiru auzipetzea erabaki du Bizkaiko Lurralde Auzitegiak, familiak aurkeztutako helegitearen ondorioz. Ertzaintzako sindikatuek gogor kritikatu dute erabakia eta erantzukizunak eskatu dizkiete arduradun politikoei.


2017-06-28 | Xalba Ramirez
"Rockeroen zeinuarekin agurtzeagatik" Mozal Legea aplikatu dio Ertzaintzak Bilboko tabernari bati

Ekainaren 23an, Bilboko Alde Zaharreko lagun bat "Rokanrrol!" oihukatuz eta rockeroen zeinu ezagunarekin agurtu ostean hainbat ertzainek identifikatu eta isuna jarri diotela jakinarazi du Bilboko tabernari batek.


2017-06-20 | JJ Agirre
Lehen Francok eta orain ETAk? Mesedez eta faborez...

Aurrekoan, aro berri bati eman dio hasiera Beltran de Heredia Segurtasun sailburuak: “ETAren errua” izango da aurrerantzean, eta ez diktadorearena, hainbat lagunek eta taldek euskara ikasi ez izanaren ardura, antza. Marka da gero!


Ertzainek euskaraz ez jakitea ETAri egotzi dio Beltran de Herediak

Estefania Beltran de Heredia Eusko Jaurlaritzako Segurtasun sailburuak Legebiltzarrean adierazi duenez "asko irabazten ari gara bakearekin, orain gutxira arte ertzainek beren ordu libreetan ezin zuten askatasunez joan euskaltegira", eta horrela arrazoitu du gaur egun ertzain guztiek euskaraz ez jakitea.


Argazkiak: Errekaleorreko erresistentzia

Ostegun goizean tentsio une handiak izan dira Errekaleor auzoan, lurrean eserita argindarraren mozketa eragotzi nahi zuten auzokideen aurka Ertzaintza oldartzen hasi zenean. Une horien lekuko izan da Kauldi Iriondo Galarraga.


Azkenak
EGILEA
Eguneraketa berriak daude