Gasteizko Udalak beloa debekatu nahi du igerileku publikoetan
Gamarrako igerilekuetan jantzita eta beloarekin bainatzen ari zen emakume baten argazkia jaso eta gero, Javier Maroto (PP) Gazteizko alkateak kaleko arroparekin bainatzen den edonor uretatik ateratzeko agindu die sorosleei.
Marotok gogoratu du Udalaren araudiak kaleko arroparekin bainatzea debekatzen duela, “eta are gutxiago beloarekin”. Gasteizko alkatearen adierazpenek eta hartutako neurriak polemika handia sortu dute, emakume musulman asko baztertzen dituelako.
Alkateak Radio Euskadin adierazi du ez duela ulertzen oposizioak eta SOS Arrazakeria bezalako elkarteek bere erabakia kritikatu izana: “Arrazoi higienikoengatik kaleko arroparekin bainatzea debekatuta dago. Araudia berdina da guztientzat eta gustoko ez duenak badaki zer egin, ez etorri”.
Udalak jantzita bainatzen den jende gehiago ezagutzen duela aitortu dio EFE albiste agentziari. Neurriak, ordea, beloa jantzita bainatzen ari zen emakumearen argazkia agertu eta gero hartu dituzte.
Lazarraga kultur elkarteak jaso du udalaren eskutik 2023ko dirulaguntzaren zuriketaren xedapena: 112.000 euro itzuli beharko ditu. Elkarteak adierazi du “udalaren borondate faltak” Gasteiz Antzokiaren proiektua kolokan jarri duela eta “udalak sortutako... [+]
Gasteizko Haur eta Lehen Hezkuntzako ikastetxeetako baratzeak ikertu ditu Iratz Pou EHUko ikasleak. Zenbat eskolek dute ortua? Nolako erabilera ematen diote, zein helburu eta asmorekin? Probetxu pedagogiko eta didaktikoa ateratzen al diote baratzeari? Pourekin eta Igone Palacios... [+]
Lazarraga elkarteak du Gasteiz antzokia kudeatzeko ardura eta programazioa antolatzekoa. Antzokiak 2023an ateak ireki behar zituen, baina oraindik ez dago martxan. Elkarteak 2023ko diru-laguntzari zegozkion 52.000 euro itzultzea proposatua zion udalari. Elkarteak... [+]