Asteazken goizean langile bat hil da Errenterian, Lezotik gertu, lanean ari zen aldamio batetik erorita. Urtea hasi denetik, Euskal Herrian beharrean ari zela hildako zazpigarren pertsona da.

Astebeteko epean, bost

Aurreko asteazkenean, urtarrilaren 11n, auto istripuan hil zen 44 urteko behargin bat Fuenesen. Igandean, berriz, Muxikan, 55 urteko langilea zendu zen traktorearen beharrean ari zela. Eta Arriben, astelehenean, teilatu batetik erorita hil zen 42 urteko langile bat. Bestalde, atzo, garraiolari bat hil zen Cadreitako istripu batean.