BBCko kazetari batek kargua utzi du lan beragatik gizonek baino gutxiago irabazten duelako

  • Carrie Gracie BBCren Txinako arduradunak lan postuari uko egin dio, lan berdina egiteagatik gizonezkoek soldata handiagoa jasotzen dutela argudiatuz. Bi errealitateen arteko aldea “nabarmena” dela berretsi du Graciek. 30 urte daramatza Erresuma Batuko kate publikoan lanean eta orain arte soldaten bereizketa gauza jakina zela onartu arren, gaur egun egoera onartzeko ez dagoela prest nabarmendu du.

Miren Osa Galdona @Mirentx_U
2018ko urtarrilaren 08a

Hiru hamarkadetako esperientzia, mandarinean hitz egiteko nahiz idazteko gaitasuna eta erabateko inplikazioa ez dira nahikoak izan BBCko arduradunek kazetariaren hitzak kontuan hartzeko. 2017an hedabide publikoak urtean 150.000 libra (169.000 euro) baino gehiago irabazten zituzten kazetarien zerrenda argitaratu zuenean ohartu zen Gracie bere egoeraz: lan berdina egiten zuten gizonezkoek, gehiago irabazten dute; zehazki, lanpostu bereko bi emakumek baino %50 gehiago.

BBCri kontuak eskatu zizkion kazetariak eta lau profesionalen lan baldintzak berdintzeko eskaera egin zion. Hedabideak muzin egin zien Gracien hitzei eta lau kazetarien soldatak igo zituen, soldaten arteko bereizketa areagotuz.

“Ez nabil diru gehiago eskatzen, hedabide publiko batean lan egiten dudala jakinda nahikoa irabazten dudalakoan nago. BBCk legea betetzea nahi dut eta emakumeak nahiz gizonak berdin baloratzea”, dio dimisioa aurkeztu berri duen kazetariak bere blog pertsonalean, La Vanguardiak jaso duenez.

Urte hasierarekin emakumeen eta gizonen arteko soldata bereizketengatik ematen den bigarren albiste esanguratsua da: Islandiak lan bera egiteagatik legez debekatu du gizon eta emakumeei soldata ezberdina ematea.

Kanal hauetan artxibatua: Erresuma Batua  |  Hedabideak  |  Sexismoa

Erresuma Batua kanaletik interesatuko zaizu...
2018-01-04 | ARGIA
Enpresa handietako zuzendariek jada irabazi dute langileen urte osoko soldata

Urte berria hasi denetik lau egun besterik ez dira pasa, baina dagoeneko Erresuma Batuko ehun enpresa handienetako nagusiek irabazi dute, batez beste, herrialdeko langileen urte osoko soldata adina. Egoera salatzeko "handikien eguna" izendatu dute ostegun hau.


Eguberriak debekatuta

Londres, 1643ko abenduaren 19a. Ingalaterrako Parlamentuak ordenantza bat jarri zuen indarrean, Eguberriak ospatzea debekatzen zuena. Ingelesak ordurako zatituta zeuden parlamentuzale eta erregezaleen artean, anglikano berri eta katoliko zaharren artean, eta neurriak zatiketa areagotu besterik ez zuen egin.


Errege alferren neurriko maratoia

Grezia, K.a. 490. Maratongo guduan greziarrek persiarrak mendean hartu zituzten. Herodotok, Plutarkok eta Luzianok jaso zuten garaipenaren berri eta, bertsioak bertsio, kondairak dio Filipidesek Maratonetik Atenaserako bidea korrika egin zuela albistea jakinarazteko, eta misioa bete ondoren hil zela. Horixe da maratoi modernoaren oinarria eta askok uste dute probaren 42,175 kilometro horiek Maraton eta Atenasen arteko distantzia direla. Baina bi puntuen artean 200dik gora kilometro daude.


2017-12-21 | Miren Osa Galdona
Erresuma Batuko bi supermerkatuk belarrietako plastikozko kotoi-zotzak debekatuko dituzte

Hondakin asko sortzen dutela eta, Erresuma Batuko bi saltoki handienek plastikozko kotoi-zotzak ekoizteari utziko diote. 2017a amaitu baino lehen paperez eginikoak saltzen hastea aurreikusten dute. Talde ekologistek hartutako konpromisoa txalotu dute.


Brexit-a baliatuz 2023ko Europako Kultur Hiriburua kendu diote Erresuma Batuari

Erresuma Batutik dator notizia: Europako Batzordeak esan du estatu horretako hiriek ezin izango dutela 2023an Europako Kultur Hiriburutzarik eduki.


Bai ala ez baino harago

Aurreko mendeko 80ko hamarkadan jakin zuten zientzialariek emakume bat norberaren obuluz ernaldu ez zen umeaz erditu zitekeela. Orain herritarron ahotan dago gaia, gure ingurukoek egin dutelako edo egin nahi dutelako, eta batez ere, aldeko eta aurkako iritzi abaniko handia dagoelako. Euskal Herrira 250 haur inguru datoz urtero atzerriko emakumeen umetokietan hazita. Hemen debekatuta dago. Eztabaida ez da legeztatu edo debekatu, hori baino askoz korapilatsuagoa da. Konplexutasun hori ulertzeko... [+]


Amiantoaren kontrako militanteok: industriaren infiltratu bat daukazue

Bere jokabide atsegin eta jatorragatik lortuko zuen edo eta kanpainetan erakusten zuen kemenagatik, baina amiantoaren aurkako mundu mailako liderrek lau urtez konfiantza eduki zuten Robert Moore ingelesarengan. Ekintzaile kualifikatuenen artean azpilanean ari zen mundua oraindik material kutsakorrez betetzen duen industriarentzako. Asbestoa hilgarria dela jakin eta mende bete geroago, herrialde gehienetan haren ekoizpen eta salmenta ez etetea lortu dute.


2017-09-12 | Xalba Ramirez
100 atxilotutik gora Londresko armen nazioarteko ferian

Bi urtean behin egiten den Nazioarteko Defentsa eta Segurtasun Hornikuntzen feriaren (DSEI) kontrako protesta astean 100 lagunetik gora atxilotu ditu Londresko poliziak. Armak bertara iristeko errepideak blokeatu nahi izan dituzten ekintzaile baketsuak izan dira atxilotuak.


DSEI azoka Londresen: gerra hemen hasten da, hemen gelditu dezagun

DSEI Defence and Security Equipment International deitzen da munduko arma ferietan handiena eta Londresko ExCeL erakustazoka erraldoian irailaren 12tik 15era egingo da, jendeak hiltzeko teknologiarik sofistikatuenen inguruan tratuak egin ditzaten mundu osotik iritsitako ekoizle, erosle, bitartekari, agintari eta militarrek. Atarian zain edukiko dituzte gerraren erregaia den arma trafikoa gelditu nahian hurbildutako ekintzaileak.


Azkenak
EGILEA
Eguneraketa berriak daude