Bartzelonako atentatuaren ostean 51 lagunek jarraitzen dute ospitalean, hamar oso larri
Kataluniako Generalitatak baieztatu du Bartzelona eta Cambrilseko atentatuen ostean, 51 direla oraindik ospitalean ingresatuak jarraitzen dutenak, horietatik hamar oso larri. Azken balantzea egin zenetik jaitsi dira ingresatu eta larri kopuruak.
Bartzelonan 47 dira ingresatuak eta Tarragonan lau. Hamabost pertsona egoera larrian daude eta 25 pertsona “ez hain larrian”. “Arin” bakarra dago. Altan emandakoen zifrak gora egin du: 81 dira dagoeneko.
Bi atentatuetan izan ziren 14 gorpuen identifikazioarekin gaur bukatzea espero dute Mossoek. Igandean hiru gorpu identifikatu dituzte: italiar bat, belgikar bat eta haur australiar bat.
Atentatuen ikerketari dagokionez, astelehen goizean Kataluniako barne kontseilariak baieztatu du Bartzelonako furgonetaren gidaria Younes Abouyaaqoub izan zela. Ihes egitea lortu zuen eta ezin dute baieztatu espainiar lurraldean dagoenik ere. Europa osora zabaldu dute bere kontrako bilatze eta atxilotze operazioa.
CUP ez da erregearekin batera manifestatuko
Hainbat mobilizazio egiten ari dira azken egunotan Bartzelonan. Larunbatean hainbat faxistek deituriko kontzentrazioa zapuztu zuten ehunka bizilagun eta ekintzaile antifaxistek, “ISIS ez, faxismorik ere ez” afixekin.
Datorren astebururako instituzioetatik “terrorismoaren kontrako” martxa bat deitu dute eta itxura guztien arabera, Espainiako erregea eta Mariano Rajoy izango dira bertan. CUPek gogor kritikatu du Saudi Arabiari armak saltzen dizkion berak, bakearen izenean martxa egitea, eta erregeak parte hartzen badu beraiek ez direla joango adierazi du. Poble Lliure koaliziotik desmarkatu eta manifestazioa babestuko du. Mossoek, taxi gidariek eta osasun langileek irekiko dute manifestazioa, Generalitateak eta Bartzelonako Udalak hala adostuta.
Astelehen arratsaldean “terrorismoaren kontrako” musulmanen kontzentrazioa izango da. Azken egunetan kriminalizazio eta estigmatizazioa jasaten ari da kolektiboa, eta beraien ahotsa altxatu nahi dute islamofobiaren eta biolentziaren aurrean.
Jose Manuel Villarejo espainiar polizia ohiak adierazi ostean Espainiako inteligentzia zerbitzuek 2017ko atentatuak gerta zitezen utzi zutela, Kataluniako Gobernuak zer gertatu zen ikertzeko exijituko dio Espainiako Gobernuari. Halakorik egin ezean, auzia nazioarteko... [+]
Público egunkariak hori frogatzen duten dokumentuak argitaratu ditu. Dokumentuen arabera, poliziak zelatatuak zituen atentatuak burutu zituzten gazteak, eta horien ustezko buru Abdelbaki es Satty Espainiako zerbitzu sekretuen (CNI) isil-mandataria zen.
Bartzelonako Udaleko Immigrazio, Kultura Aniztasun eta Dibertsitate zinegotzia da Lola Lopez (Galizia, 1957) antropologoa. Bizikidetzaren alde eta islamofobiaren kontra ibilbide luzea egin du Kataluniako hiriburuan, eta aurretik Kataluniako Ikus-entzuneko Kontseiluan (CAC) eta... [+]
Kataluniako erasoen ostean, batasun abstrakturako eta –inork ezagutzen ez dituen– Mendebaldeko baloreen defentsarako deiek estali nahi izan dute jihadismo globalari buruzko eztabaida. Sakoneko azterketa saihestu nahian, testuingururik gabeko kontakizun apolitiko eta... [+]
Freddy Mercury eta Montserrat Caballé irudikatu ditut abuztuaren 17ko gauaren minean, Rambla gainetan eta Cambrilsko itsasertzean, No tinc por bi bozetan kantatzen. Mina hazi zait bihotzaren sakonean: masa hilketen zerrenda emendatzen ari da, Parisko Charlie Hebdo-ren... [+]