Barkosen dieten aferan ez dagoela irregulartasunik dio Espainiako Kontuen Auzitegiak

  • Justitia et Veritas eskuin muturreko erakundeak jarri zuen salaketa 2013an eta, dagoeneko auzitegi ugarik atzera bota badituzte ere elkarte honen tesiak, gaia itxi du ostegun arratsaldean Kontuen ganberak emandako ebazpenak.

Xabier Letona @xletona
2017ko uztailaren 14a
Uxue Barkos, Nafarroako Gobernuko lehendakaria. (Arg.: Navarra.es)

Elkarteak 2013an jarri zuen salaketa eta honen arabera, Uxue Barkosek iruzur egin zuen 2008tik 2013ra Iruñeko Udaleko zinegotzia zela 208.000 euro eskuratzean. Udal bileretan parte hartzeagatik zinegotziei zegozkien dietak ziren, baina elkarteak salatu duenez, Barkosek ez zuen denbora nahikorik izan bilera horietan parte hartzeko, bai garai horretan Espainiako Kongresuko diputatua izan zelako eta baita minbiziak jota egon zelako ere.

Iruñeko Udaleko finantza zerbitzuek, Nafarroako Lurralde Auzitegiak eta Auzitegi Gorenak ere atzera bota izan dute salaketa lehenago. Orain Kontuen Ganberak esandakoaren arabera, Uxue Barkosek 55.398 mila euro kobratu zituen eta ez 208.000 euro, hau Geroa Baiko talde osoak eskuratutako dirua baitzen.

Horrez gain, ebazpenak dio ez duela ikusten Barkos bilera hauetan ez egoteko ezinezkorik eta,  gaia ikertu duen Espainiako poliziaren txostenek diotenez, hauek egingarriak zirela. Kontuen Auzitegiaren arabera, akusazioaren datuak akatsez josiak ziren: esate batera, Barkosek egindako bilerak ez ziren 700 izan, 497 baizik.

Sistema desegokia

Hori bai, eta auziak gai hau aztertu ez badu ere, ebazpenean argi aipatzen da 1999tik 2013ra dietak banatzeko Iruñeko Udalak izan duen sistema ez dela egokiena dieten ordainketaren kontrola ongi eramateko. Sistema honetan urteko udal bilera kopurua aurreikusten zen eta horren arabera zinegotziei dirua aurreratu egiten zitzaien, urteko bi ordainketa eginez. Ondoren, zinegotziak edo bere taldeko buruak, sinatzen zituen akten agiriak, esanez bertan egon zen ala ez; horren arabera, alkateak azken ebazpena ematen zuen ordainketa egiteko.


Uxue Barkos kanaletik interesatuko zaizu...
2017-10-02 | Xalba Ramirez
Urkullu eta Barkos Gurseko kontzentrazio eremuan izan dira biktimak omentzen

iñigo Urkullu eta Uxue Barkos Gurseko (Frantziako Estatua) kontzentrazio eremuan izan dira, bertan izandako biktima euskaldunak gogoan. 60.000 herritarretik gora izan zituzten bertan 1939 eta 1945 artean.


Uxue Barkosen "zapla" Martzillako UPNko alkateari euskara dela-eta

2017-2018 ikasturteari hasiera eman diete Nafarroako Gobernuko kideek. Ikastetxeetan haurrak eta irakasleak hasiak dira eta asteartean Uxue Barkos eta Hezkuntza kontseilaria, Maria Solana izan ziren ikasturte berria inauguratzen. Martziillako Marques de Villena ikastetxean egin zuten ekitaldia.


Atxiloketak ez zirela beharrezkoak berretsi du Barkosek

Ahal Dugu-ren iritziz, "larria" da gertakariak "terrorismotzat" jotzea eta EH Bilduk espetxeratuak askatzeko eskatu du.


Gobernu akordioaren "sendotasuna" goraipatu eta UPNk eragindako "suntsiketa" salatu du Barkosek

Foru erkidegoaren egoerari buruzko lehen eztabaida izan dute Uxue Barkos lehendakari izendatu zutenetik. 


2016-08-22 | ARGIA
[Bideoa] Uxue Barkos eta baztandarren arteko ika-mika Aroztegiko proiektu urbanistikoa dela-eta

Abuztuaren 19an Uxue Barkos Nafarroako lehendakariak Aroztegia proiektu urbanistikoaren aurka elkartuta zeuden zenbait baztandarrekin izandako eztabaidaren bideoa sareratu du Nafar Telebistak.


Nafarroak banku publiko baten sorreraren bideragarritasuna aztertuko du

Uxue Barkos buru duen gobernuak Nafarroan banku publiko bat sortzeko dauden aukerak aztertuko dituen txostena osatzeko agindu du. Irailean egingo da esleipena eta hamabi asteren buruan txostena bukatuta izango dela aurreikusten da. Orduan “asko eztabaidatu beharko da”, adierazi du Manu Aierdi Nafarroako Gobernuko ekonomia-lehendakariordeak.


Uxue Barkos: "Aldaketak egin behar ditugu gobernuan"

Kontseilaririk ez dute aldatuko, baina zenbait goi kargu bai, Euskalerria Irratian Nafarroako presidente Uxue Barkosek iragarri duenez.


2016-03-14 | ARGIA
Angel Berruetaren omenaldian izan dira lehen aldiz Nafarroako erakundeak

Espainiako polizia batek eta bere semeak Angel Berrueta Donibane auzoko okina zuenetik 12 urte pasa direnean izan dira lehen aldiz bere aldeko omenaldian Nafarroako Gobernuko ordezkariak.


Foruzaingoaren lana laudatu du Barkosek eta aurrekontua handituko diola agindu du

"Polizia maitea, hurbilekoa eta errespetatua" da Foruzaingoa, Barkosen aburuz. Bertako 1.076 funtzionarioen lana txalotu du. Ekitaldi batean hamabi domina eta 44 zorion agiri banatu dizkie.


Aurrekontuak adostu dituzte Nafarroako Parlamentuan

"Aurrerakoiak eta ausartak" dira 2016ko aurrekontuak Geroa Bairen ustez. Gobernua babesten duten alderdien botoekin atera da aurrera 4.005 milioi euroko aurrekontua.


Azkenak
EGILEA
Eguneraketa berriak daude