Barcinak 6.500 euro kobratu zituen Vinsa enpresa publikotik bileretara joan gabe

  • Yolanda Barcinak 6.500 euroko ordainketak jaso zituen 2009 eta 2011 artean Vinsa elkarte publikotik, bileretara joan ez bazen ere. Iruñeko alkate izateagatik batzordekide zen, baina bere sinadura ez da aktetan agertzen. 2009a baino lehenagoko bileretan izan zenik ezin izan du egiaztatu informazioa plazaratu duen Noticias de Navarra egunkariak.


2013ko martxoaren 11n - 00:00
Azken eguneraketa: 2015-02-26 13:37:33
Yolanda Barcinaren sinadura falta duen bilerako akta (Argazkia: Noticias de Navarra)

Oraingo Nafarroako gobernuko presidentearen egiteko bakarra aurrekontuei baiezkoa ematea zen. 2009ko martxoan Vinsako zuzendaritzako kideak elkartu ziren, baina Barcinak ez zuen akta sinatu. Dena den, zegozkion 3.500 euroak kobratu zituen. Beste hainbeste gertatu zen bi urte geroago. Orduan ez zen ohiko bilkurara azaldu, baina 3.000 euro jaso zituen. Urte berean ezohiko bilera batera agertu zen.

Bestalde, Barcinak, Sanzek eta Mayak azaldu dute CANen Sortzaileen Batzordean eta Batzorde Iraunkorrean parte hartzeagatik jasotako dietak itzuliko dituztela. Nafarroako presidenteak ez zuen hasiera batean halakorik zehaztu barkamena eskatzeko idatzi zuen gutunean. Gerora berriz, kontuak argitu behar izan ditu.

Oposizioarentzat dirua itzultzea ez da nahikoa. PSNk, NaBaik, Bilduk eta Izquierda-Ezkerrak Yolanda Barcinaren dimisioa eta hauteskundeak aurreratzea eskatu dute. PSNko Santos Cerdanek adierazi du erabaki hori hartzean “ezer ez egiteagatik kobratu izana” onartzen dutela.

Igandean UPNk barne kongresua izango du Iruñean. Yolanda Barcina edo Alberto Catalan, bietako bat aterako da alderdiko idazkari nagusi Baluartetik, baina itxura garbitzea eta sinesgarritasuna berreskuratzea dira euren erronka nagusiak.


Kanal honetatik interesatuko zaizu: Ustelkeria
Ustelkeriaren normalizazioa

904.000 milioi euro. Hori da ustelkeriaren kostua urtean Europar Batasunean, 2020an egindako ikerketa baten arabera. 2008. eta 2020. urteen artean 3.743 ustelkeria kasu plazaratu ziren komunikabideetan Espainiako Estatuan, horietatik 109 Hego Euskal Herriari zegozkien. Atzera... [+]


Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


'Bidegi auzia' berriz ireki eta txosten independentea egiteko agindu du Gipuzkoako Auzitegiak

EH Bilduren helegite baten bidez, Gipuzkoako Lurralde Auzitegiak berriz ireki du Bidegi auziko bi kereiletako bat, AP1 autobidearen Eskoriatza-Arlaban zatiari dagokiona. Pasa den irailean Azpeitiko epaitegiak erabaki zuen kasua behin behinean artxibatzea. Orain, auzitegiak... [+]


Jaurlaritzak ez zuen Zubietatik Artaxoara eramandako hondakinen karakterizazioaren berri

Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]


Iberdrolaren kontrako isuna 85 milioi eurotik 5,4 milioira jaistea eskatu du fiskalak

Ustelkeriaren kontrako Espainiako Estatuko fiskalak berretsi du Iberdrolak argindarraren prezioa manipulatu zuela 2013an, eta urtegietatik ura kentzen aritu zela frogatutzat eman du, konpainia elektrikoaren kontra egiten ari diren epaiketan.


Eguneraketa berriak daude