Bankuek zoru klausuletako dirua itzuli beharko diote jendeari osorik: 4.000 milioi euro

  • Europar Batasuneko Justizia Auzitegiak ebatzi du 2013tik atzerako hipoteketan kobratutako klausuletako dirua ere itzuli beharko dutela Espainiako Estatuko bankuek.

Urko Apaolaza Avila @urkoapaolaza
2016ko abenduaren 21a
Gehiegizko klausulen kontra Bilboko Arriaga antzokian egindako elkarretaratzea (arg.: Adicae)

Espainiako finantza entitateei borroka garrantzitsua irabazi diete zoru klausulek kaltetutako herritarrek. Europako justiziak haien alde egin du eta hipoteken gehiegizko klausula horien atzera-eraginkortasuna onartu du, Espainiako Auzitegi Gorenak 2013an egin ez bezala. Horrek esan nahi du, Espainiako Bankuaren kalkuluen arabera 3.000 eta 5.000 milioi artean itzuli beharko dietela bankuek bere bezeroei, kobratutako klausula horien kopuru osoa alegia.

Luxenburgok dio Espainiako Auzitegi Gorenaren epaia ez dela zuzena, ezin delako gehiegizko klausula baten babesa denboran mugatu: edo dena edo ezer ez, alegia. "Babes hori osatugabea eta eskasa da", dio ebazpen komunitarioak (pdf). Ondorioz, dirua osorik itzuli beharko dute bankuek, 2009an klausulak aktibatzen hasi zirenetik kobratzen segitu zutena, eta ez soilik 2013tik aurrerakoa.

2009an hipoteka indizeek –batez ere Euriborra– beherantz egin zuten nabarmen higiezinen burbuila lehertu ondoren sortutako krisi finantzarioaren ondorioz. Hala, bankuek abusuzko letra txikiari heldu zioten hipoteken interesak ez jaisteko eta herritarrei diru itzela kobratzen segitzeko.

Zenbait adituk iradoki dute 4.500 milioi euroko kostua izango duela dirua itzultzeak, eta batez ere BBVA, CaixaBank, Sabadell, Bankia eta Popular bankuei eragingo die, haiek dira herritarrekiko zordun nagusienak orain. Euskal Herrian, EAEn 80.000 pertsonak berreskuratu ahal izango dute euren dirua, Adicae elkarteak jakinarazi duenez. Bestalde, Kutxabanken eskuetan dagoen Cajasurrek ere diru kopuru handi bat itzuli beharko die bere bezeroei.

Adicaek Luxenburgoko ebazpena baloratzeko asteazken goizean egindako prentsaurrekoa.

Duela hilabete batzuk Europar Batasuneko abokatu nagusiak irizpen ez loteslea eman zuen Espainiako Auzitegi Gorenaren erabakiaren bat eginez. Bankuek garaipentzat hartu zituzten hitz horiek, baina orain behin betiko sententzia etorri da Luxenburgotik eta sekulako zaplastekoa eman die auzitegi horrek.

Erreakzioak bata bestearen atzetik izaten ari dira erabaki garrantzitsu hori dela-eta. Bankuek burtsan duten kotizazioa ere beherantz doa momentu honetan eta %11 galdu du zenbaitek.

 

Kanal honetan artxibatua: Finantza erakundeak

Finantza erakundeak kanaletik interesatuko zaizu...
Erantzukizun politikoak eskatu dituzte Kutxabank auzian herri akusazioaren sustatzaileek

Herri akusazio partikularra pozik agertu da egindako ibilbidearekin, baina lanean jarraituko du “beste ordainketa bidegaberik edo klientelismorik” egon den argitzeko. Erantzukizun politikoak eta penalak eskatu dituzte.


Kutxabank auzian, non dago Kutxabank?

Cabieces-Fernández affairean Kutxabank ez zipriztintzeko ahaleginetan ari dira, erakundea bera, eta baita akusatuen defentsa ere.


Kutxabankek pertsona bat etxetik bota nahi duela eta beste baten eskubideak urratzen ari dela salatuko dute

Etxe Kaleratzeak Stop plataformak salatu du Kutxabankek egoera prekarioan bizi den pertsona bat etxetik kaleratu nahi duela, eta beste baten hipoteka presioa arintzeari uko egin diola. Erantzuna emateko, kontzentrazioa eta prentsaurrekoa deitu du ostegunean, 10:45etan Donostiako Garibay kaleko Kutxabanken egoitza parean.


"Bost urtez ur eta argi gabe eduki nau eta atea blindatu dit Kutxabankek, etxetik botatzea lortu duen arte"

Kutxabankek etxetik kaleratu zuen arren, bertan bizitzen jarraitu du Juan Carlos Infante irundarrak. Bankuak du etxearen jabetza, baina justiziak ebatzi du pisuan bizitzen segi dezakeela Infantek eta negoziatzera derrigortu du Kutxabank.


"Bost urtez ur eta argi gabe eduki nau eta atea blindatu dit Kutxabankek, etxetik botatzea lortu duen arte"

Kutxabankek etxetik kaleratu zuen arren, bertan bizitzen jarraitu du Juan Carlos Infante irundarrak. Bankuak du etxearen jabetza, baina justiziak ebatzi du pisuan bizitzen segi dezakeela Infantek eta negoziatzera derrigortu du Kutxabank. Hala ere, bankuak ez duela negoziatu nahi, Kutxabanken aginduz urik eta argindarrik gabe eman dituela bost urte eta ateko sarraila bost aldiz aldatu diotela kontatu digu irundarrak. Pasa den urtarrilean, etxean ate blindatua jarri zion bankuak eta amore eman du... [+]


2017-01-26 | Aiurri aldizkaria
Banketxeei kalean kutxazain automatikoak edukitzeagatik tasa kobratzeko proposamena

Amasa-Villabonako EH Bilduk kalean kutxazain automatikoak edukitzeagatik banketxeei tasa kobratzea proposatu du Udalean, Madrilen eta Bartzelonan jadanik egiten denari jarraiki.


Zoru klausulen afera: bankuei arnasa emango dien lege dekretua prest du Espainiak

Zoru klausulen inguruan gobernuak, Ciudadanosek eta PSOEk adostutako lege dekretuaren zirriborroak ez ditu behartuko bankuak dirurik itzultzera. Halere, klausula horiengatik gehiegi kobratutakoa kalkulatzera behartuko ditu, salaketei atea irekiz.


Ez zenuke asmatuko Europako Bankuak diru merkez nor saritzen duen

Atzeraldi ekonomikoari aurre egiteko erreminten artean, Europako Banku Zentralak diru berria inprimatuta zorrak erosten ari zaizkie enpresa handiei, aurreko urteetan estatuei eta bankuei berenak arindu ostean. Hilean 60.000 milioi euro arteko erosketekin hasi zena iaztik 80.000 milioitaraino handitu da. Klimaren aldaketaren errudun nagusiak diren korporazio handiak dira dirutza hiper-merke horren onuradunak


2017-01-05 | Juan Mari Arregi
Sanchez Asiain ez zen inoiz ezkutatu

Jose Angel Sanchez Asiain hil da. Barakaldon jaioa, gurasoak merkatariak zituen eta irakasle, katedradun, Banco Bilbao (BB) eta Banco Bilbao Vizcayako (BBV) presidente izan zen.


2016-12-25 | Juan Mari Arregi
Nazioarteko Diru Funtsaren erasoa

Nazioarteko Diru Funtsak (NDF) berriz erakutsi du zeinen zerbitzura dagoen: Kapitala, banku handiak eta multinazionalak.


Azkenak
EGILEA
Eguneraketa berriak daude