Bankiak agindutako etxe kaleratzea eten nahi du ostiralean PAHk Errotxapean
Emakume bat hiru adin txikiko alabekin bizi den etxebizitzatik bota nahi ditu Bankia banketxeak. Ostiralerako deia egin du Hipotekek Kalteturikoen Plataformak elkarretaratzea egiteko.
Arrotxapea auzoko Martzelo Zelaieta kalean bizi da emakume bat hiru alaba adin txikikoekin. Bankia bankuetxeak agindua igorri dio: etxetik bota eginen du. Alokairua ordaindu ezinik dabil emakumea eta zenbait hilabetetan ordainketan huts egiteagatik etxetik kaleratu nahi du Bankiak. Hipotekek Kalteturikoen Plataformak eten egin nahi du. Familia horrek bere etxean segitzeko ahalegina eginen du. Horretarako ostiralean elkarretaratzea eginen du etxebizitzaren atarian, Martzelo Zelaieta kaleko 102. portalean goizeko 8etan.
Albiste hau Euskalerria Irratiak argitaratu du eta ARGIAra ekarri dugu CC by-sa lizentzia baliatuta
Babes Ofizialeko Etxebizitzetan bizi dira familiak, eta La Caixak ez dizkie alokairu-kontratuak berritu nahi. Bilboko Etxebizitza Sindikatuak salatu duenez, bizilagunak kaleratuz, "alokairu sozialetatik aberasten da" banketxea. "Etxegabetzeak berehala eta... [+]
EAJren asmoa da legezko aldaketa azkar bati ekitea, 48 orduko epean etxegabetzeak egin ahal izateko etxebizitzak okupatzen diren kasuetan.
Bilatu dituzten beste etxeetako jabeek ez diete etxerik alokatu nahi izan familia ugaria, soldata bakarra eta atzerritar jatorrikoak izateagatik.
Pasaiako portuko langileen familiak bizi diren Trintxerpeko etxebizitza bloke bat bota nahi dute Pasaiako Portu Agintaritzak eta Euskal Trenbide Sareak, 400 metro inguruko trenbide zati bat egiteko. Lau hilabetetan etxea utzi behar dutela ohartarazi diete.
