Sabadell Bankuan zituen 209.201 euroak Fiare banku etikora eraman ditu Mañariko Udalak

  • Mañariko Udalak Banco Sabadellen zituen 209.201 euroak Fiare banku etikora eramatea erabaki du. Ebatzi horren bidez, “gizartea eraikitzeko bidean ­—gizartean balio justu, solidario eta humanoak sakontzeko bidean— gure harritxoa jarri gura izan dugu”, adierazi dute udal ordezkariek ohar batean.


2018ko otsailaren 02an - 09:53
Mañariko plaza eta udaletxea. Arg: bizkaia.eus

Etekin irizpideen arabera bakarrik funtzionatzen duten eredutik irten eta beste adierazpide baten aldeko apustua egin dute. “Fiare banku etiko, herritar eta kooperatiboaren aldeko proiektua da. Helburu nagusia da pertsona zein antolakundeen aurrezkiak ekonomia sozial eta solidarioko proiektuen zerbitzura bideratzea”, diote.

Mañariko Udalaren oharrean azpimarratu dute "finantza erakundeak merkatu neoliberalaren oinarrizko zutabeetariko bat” direla eta horren ondorioz, bankuek eta kutxek eragiten duten “bidegabekeria larria” salatu dute, etxegabetzeak tarteko. Giza eskubideak urratzen dituzten arloetan inbertitzen dutela gaineratu dute, hala nola, etxebizitzen espekulazioa edota armagintzan.

Fiarera aldaketa egin dute, Udalaren balioekin bat egiten dutelako. Banku etikoaren helburu nagusia da aurrezkiak ekonomia sozial eta solidarioko proiektuen zerbitzura bideratzea,  mozkin ekonomikoei baino aurrerapen sozialei lehentasuna emanez.

Fiare banku etikoari buruzko informazio gehiago kanal honetan: www.argia.eus/fiare

Jatorrizko albistea Anbotok argitartu du eta Creative Commons lizentziari esker ekarri dugu.


Kanal honetatik interesatuko zaizu: Fiare
Banku etikoak hiru bider errentagarriagoak dira ohiko bankuak baino Lehman Brothers erori zenetik

Europako parlamentuan aurkeztu duten txosten batek erakusten ditu finantza etikoen azken hamar urteetako hazkunde datuak.


Microcredits from Fiare Ethical Bank against Social Exclusion

Andoain Town Council (Gipuzkoa, Basque Country) has signed an agreement with Fiare. Socially excluded citizens, and those in danger of being so, will be able to ask for loans from the ethical bank without the guarantees required by traditional banks.


2016-03-20 | Lander Arretxea
Finantza etikoak
Eta zure aurrezkiek, zer sustatzen dute?

Sinplea dirudi: ohiko finantza erakundeek gure aurrezkiak baliatzen dituzte maileguak eman eta inbertsioak egiteko. Hori dute lehengai eta botere iturri. Gure ekarpena ezinbestekoa izanagatik ordea, inoiz gutxitan dakigu jarri ditugun sosek zein ibilbide egiten duten. Ez al dugu... [+]


2015-05-15 | Igor Agirre
Krisia hasi zenetik 6 aldiz handitu dituzte aurrezkiak banku etikoek Espainiako Estatuan

2008tik 2014era 1.500 milioi euro bildu dituzte Espainiako Estatuko banku etikoek. 2012an Rajoyren gobernuak EBri ia 220.000 euroko erreskatea eskatu zionetik gaur arte, 75.000 bezero inguru lortu dituzte eta dagoeneko 187.383 pertsonak dituzte aurrezkiak banku horietan.


Eguneraketa berriak daude