Hiru familia Bilboko Mena kaleko beren etxeetatik kanporatu ditu Ertzaintzak Banco Popularren aginduz , Twitter bidez egiten ari diren jarraipenaren arabera.
Goizeko 9:00ak aldera kalearen sarreran hogeita bost lagun inguru lurrean eseri dira, ertzainen furgonetei bidea galarazteko. Uriola hedabideak Twitter bidez azaldu duenez, ia ehun pertsonak egin dute bat protestarekin eta desjabetu nahi duten etxe-atariaren inguruan familiei babesa erakusten ari zaizkie.
9:30ak ingururako ertzainek babestuta zerbitzu judizialetako langileak Mena kaleko hirugarren atarian sartu dira txistu eta oihu artean .
10:30etarako bi familia kaleratu dituzte eta hirugarrenaren berri argirik ez dago oraindik.
Maite Asensio Berriako kazetariaren esanetan asteartetik aurrera udal etxebizitza batean sar litezke. Ordura arte pentsio batera eramatea pentsatzen ari direla eta etxeko altzariak aterazen hasiko direla adierazi du kazetariak.
EAJren asmoa da legezko aldaketa azkar bati ekitea, 48 orduko epean etxegabetzeak egin ahal izateko etxebizitzak okupatzen diren kasuetan.
Bilatu dituzten beste etxeetako jabeek ez diete etxerik alokatu nahi izan familia ugaria, soldata bakarra eta atzerritar jatorrikoak izateagatik.
Pasaiako portuko langileen familiak bizi diren Trintxerpeko etxebizitza bloke bat bota nahi dute Pasaiako Portu Agintaritzak eta Euskal Trenbide Sareak, 400 metro inguruko trenbide zati bat egiteko. Lau hilabetetan etxea utzi behar dutela ohartarazi diete.
Ostiral goizerako zegoen ezarrita etxegabetzea eta horren kontrako protestara dei egin du Bilboko Etxebizitza Sindikatuak. Protestan ari direnen aurka oldartu da birritan Ertzaintza, eta dagoeneko pertsona bat atxilotu du, Gedar-ek jaso duenez. Etxegabetzea burutu dute.