Banatzaile handien inguruko hamar mito

  • Supermerkatu handien gehiengoak egiten dituzten abusuzko jardueren zerrenda egin du elsalmoncontracorriente.es webguneak. Hauek “merkatuan duten pribilegiodun posizioa” erabiltzen dute jarduerak aurrera eramateko, Luis Azorín egilearen ustez.

Iosu Alberdi Atxurra @atxurraa
2017ko urtarrilaren 23a
Juan Roig, Mercadonako zuzendari exekutiboa

Enpresa hauek hipermerkatu handiak eta auzoetako denda txikiagoak dituzte. Egun Espainiako Estatuko elikagai-banaketaren %75 zazpi enpresak kontrolatzen dute: Mercadona, Alcampo, El Corte Inglés, Eroski, Euromagi eta Iffa.

Ondorengo lerroetan enpresa hauen inguruan dauden baieztapen, sinesmen eta onuren analisia egingo da, hamar puntutan:

1-Banatzaile handiak merkeak dira

Produktuen eskari handiago bat egiten dutenez, merkeago erosten dituzte. Horrek salmenta prezioetan eragin zuzena eduki beharko luke, baina ez da hala. Kontsumitzaileen erakundeek egindako hainbat ikerketen arabera erlazio hori ez da hain zuzena, enpresa desberdinek produktu berdinetan dituzten prezio desorekak kontuan hartuta. Hauek hainbat produktu erabiltzen dituzte kako gisa erosleak erakartzeko, baina beste hainbat produktutan komertzio txikiek baino prezio altuagoak dituzte. Orokorrean merkeagoak diren arren, baliteke kasu konkretuetan hala ez izatea.

Horri hipermerkatuen barneko musika, erlojurik ez egotea, produktuen kokapena eta beste hainbat faktore gehitu behar zaizkio. Hauek kontsumitzailea beharrezkoa baino %20 gehiago erostera eramaten dute.

2-Banatzaile handiek lanpostuak sortzen dituzte

Hauen irekierak lanpostuak sortzen dituen arren, komertzio txikien itxiera dakar. 1998. eta 2004. urteen artean hauen inguruan kokatutako dendak 95.000 izatetik 25.000 izatera igaro ziren Espainiako Estatuan. Hainbat ikerketen arabera, banatzaile handiek sortzen duten lanpostu bakoitzeko bat eta erdi galtzen dira komertzio txikietan. Horrez gain, aberastasuna esku gutxi batzuetan pilatzea dakar.

3-Banatzaile handiak erosoak dira dituzten ordutegi zabalengatik

Orain arte astean zehar eta larunbat goizetan irekitzen zuten dendetan egin badira erosketak, beharrezkoak dira ordutegi zabalagoak?

Ordutegien mugaketak komertzio txikien aldeko erabakiak izan dira. Hauek ezin baitute ordutegi zabalagoa eskaini dituzten lanpostu kopuruekin. Ordutegi zabalketen alde egin dute Autonomia Erkidegoek lanpostu gehiagoren sorreraren aldeko apustua justifikatu dute. Aurretik azaldu bezala, ordea, sortu baino gehiago suntsitzen dituzte.

4-Banatzaile handiek deskontuak egiten dizkiete euren bezeroei

Enpresek fideltasun txartelak eskaini ohi dituzte, hauen bidez deskontu eta opariak eskainiz. Kontuan izan behar da eskaintza hauek bezero gutxien egoten diren egunetarako direla baliogarri, edo iraungi daitezkeen produktuetan. Halere, ongi ateratzen zaie, txartel hauen bidez, merkatuaren ikerketak egiten baitituzte.

5-Banatzaile handiak azkarrak dira

Hala uste da produktuak zuk zeuk hartu behar dituzulako, ilararik itxaron gabe. Halere, kontuan izan behar da bertara autoan joateko denbora edo produktu guztiak hartzeko behar dena. Are gehiago kontsumoa handitzeko eginda daudela kontuan izanda. Ondoren, normalean ilarak itxaron behar dira ordaintzeko, langile kopurua beharrezko gutxiengoa baita.

6-Banatzaile handiek aniztasun handia dute

Aniztasun horren baitan kontuan izan behar da produktu horiek sektoreko 3 edo 4 multinazionalen marka desberdinak izan daitezkeela. Produktu freskoetan ez da berdin gertatzen, hauen aniztasuna askoz txikiagoa da. Horrek, adibidez, nekazariak fruta edo barazki mota zehatz batzuk landatzera behartzen ditu.

Bestalde, Mercadona fenomenoak marka zurien gorakada eragin du, gainontzeko marken eskaintza gutxituz.

7-Banatzaile handiek bertako produktuak saltzen dituzte

Marketing era bat da. Produktu hauei lekutxo bat eskaintzen diete bezeroei lurraldera lotuak daudela pentsarazteko.

8-Banatzaile handiek jarduera jasangarriak sustatzen dituzte

Enpresa batzuk ingurumenaren aldeko jarduerak egiten dituzte: plastikozko poltsen erabilera murriztu, pilak jaso… Hauek ere marketing estrategia baten zati dira, bezeroen aurrean itxura hobea emateko, ingurumenaren aldekoa. Negozio era hau, ordea, ez da batere ekologikoa:

-Ez da bertako jatorria duten produktuen erosketa sustatzen. Hainbat fruta edo barazki beste kontinente batzuetatik ekarriak dira.

-Produktuek ontziratzeko plastiko edo kartoi gehiegi izaten dituzte.

-Hipermerkatuek autoaren erabilera ezinbestekoa den merkataritza sustatzen dute.

-Gehiegizko gastu energetikoa izaten dute.

- Zakarretan amaitzen duten produktu kantitate handia sortzen dute.

9-Banatzaile handiak solidarioak dira, alimentu bankuekin kolaboratzen dutelako

Irudi korporatiboa garbitzeko era bat da, inoiz ez baitute anonimoki egiten. Bestalde, iraungitzear dauden produktuak gainetik kendu eta dohaintzengatik desgrabazio fiskalak lortzeko erabiltzen dute.

10-Banatzaile handiek produktu ekologikoak saltzen dituzte

Etiketa hauek daramatzaten produktuak saltzen dituzte bezero kopurua handitzeko, zeliakoentzako produktuak saltzen dituzten bezala. Etiketatze horrek, ordea, produkzio sistemari bakarrik eragiten dio. Ekologikoa da hala ekoiztu den produktu bat, komertzializatzen duen enpresak ingurumenarekiko errespeturik ez badu?

Kanal hauetan artxibatua: Elikadura  |  Elikadura  |  Kontsumismoa  |  Enpresak  |  Eroski

Elikadura kanaletik interesatuko zaizu...
2018-02-11 | Garazi Zabaleta
Otsokop
Tokiko ekoizleen eta kontsumitzaileen arteko zubiak

Elkarlanean eta ingurumena errespetatzen duten produktuak eskuragarriago jarriz. Horrela ari dira lanean Otsokop elkarteko kideak. 2015ean sortu zuten hiru lagunek elkartea Angelun, eta denbora horretan jende berri asko batu zaie proiektura. “Gizarte lotura bultzatuko duen toki atsegina sortzea, bertako ekonomiaren alde eginez eta ekoizle eta kontsumitzaileen arteko merkaturatze bide laburren bidez”. Hori da asmoa, elkarteko webgunearen aurkezpenean azaltzen dutenez.

Internetetik... [+]

Esklabo lana behar da janari merkeak ekoizteko Europako masarentzat

Kopa bat ardo baino merkeagoko oilaskoa, hutsa balio duen saltxitxa, Andaluziatik edo Marokotik etorrita ere bertako sagarra baino gutxiago kostako zaizun marrubia... nola litezke hain prezio merkeetan supermerkatuan? Low cost elikagaiok ezkutatzen dituzte, banatzaileek baserritar txikiei egiten dieten bulling-az gain, nekazaritza industrialaren katean ari diren milaka langileren miseriazko soldatak. Esklabo lanean dihardute Mediterraneoan... baina baita Alemania aberatsean ere.


2018-02-06 | Antxeta Irratia
Labore Txingudik astean zehar erosketak egiteko aukera zabaldu du

Labore Txingudi kontsumo elkarteak erosketak astelehenetik larunbatera burutzeko aukera zabaldu du. Astean, Labore Txingudiren denda modu autonomoan kudeatuko da, hau da, bazkideek dendara sartzeko aukera izango dute, 10:00etatik 13:30ak bitartean. Ondoren, eskuratu diren produktuak dendan dagoen dokumentu batean zerrendatu beharko dira.


2018-01-28 | Garazi Zabaleta
Etxaldeko emakumeen auzolana Pikunieta baserrian

Elikadura burujabetzaren eta nekazaritza iraunkorraren bidean lanean diharduen dinamika da Etxalde mugimendua. Duela zenbait urte, mugimenduko emakumeek taldea osatu zuten emakume baserritarren problematikari erantzuna emateko eta baserritarren borrokaren eta feminismoaren arteko aliantzak sortzeko. Udazkenean antolatu zuten Etxaldeko emakumeen lehen auzolana, eta orain, berriz, negukoaren garaia iritsi da: urtarrilaren 27an eginen dute Antzuolako Pikunieta baserrian.

Baserria feministatzen,... [+]

2017-12-26 | ARGIA
Azalera handiko merkataritza guneen salmenta %2,5 hazi da 2017an EAEn

Eustat estatistika institutuak emandako datuen arabera, elikadura saltoki-kateek eta azalera handiko supermerkatu eta dendek hazkunde nabarmenarekin amaituko dute 2017 urtea. Hala, azarora arteko hamaika hilabetetan %2,5eko hazkundea izan dute eta azaroan igoera hori %3,4koa izan da gainera, aurreko urtekoarekin konparatuz.


2017-12-24 | Garazi Zabaleta
Ttak Kolektiboa
"Aliantzak dira proiektuak garatzeko aukera polit eta bakarrak"

Bizkaiko Ttak Kolektiboko kide da David Lopategi. Lantaldea osatzen duten zazpi lagunak lehenagotik ezagutzen baziren ere, Baserritik Mundura ikastaroko lehen edizioan hasi ziren elkarlanean. “Denok genbiltzan lehenagotik elikadura burujabetzaren eta agroekologiaren inguruan lanean: batzuk baserritarrak ziren, beste zenbait eragile sozialetako kide”, azaldu digu Lopategik. Badute batzen dituen beste zerbait ere: “Lan kolektiboaren sinesle amorratuak gara”. Lan kolektibo... [+]


2017-12-04 | Irulegiko Irratia
Lehen arno merkatua ontsa iragan da Donibane Garazin

Irulegiko arno sormakaren ezagutzeko jende andana pollita bildu da Donibaneko merkatu estaldian.


2017-12-03 | Garazi Zabaleta
Azpeitiko Elikargunea
Baserri eta kalearen arteko zubi

Azpeitiko Udalak azoka plazaren inguruan abiatutako parte-hartze prozesuan du oinarri Elikagunea proiektuak. Prozesuari jarraipena emanez, eskualdeko hiru gaztek Artxara Kooperatiba Elkarte Txikia osatu eta Elikagunea aurrera eramateko ardura hartu dute. “Bertako elikagaiak sustatzea da helburua, prezio eskuragarrian eskainiz eta, era berean, kontsumitzaileak kontsumo jasangarriaren inguruan kontzientziatuz”, azaldu du Xabi Izagirre Uranga kooperatibako kideak ekimenaren aurkezpen... [+]


2017-12-01 | Uriola.eus
Ostiralean zabalduko dute Labore Bilbo elkartea

Elikadura burujabetza bultzatzea eta saretzea xede duen proiektua da Labore Bilbo. Abenduaren 1ean irekiko ditu ateak denda itxurako kontsumo elkarteak Santuxun.


2017-11-02 | Unai Brea
Zergatik da hain garrantzitsua Monsantorentzat glifosatoa defendatzea?

2016ko hasieratik bosgarren aldiz, Europako Batzordeak ez du lortu EBko estatu kideen gehiengoa glifosato herbizidari baimena luzatzearen alde agertzea. Indarrean dagoen baimena aurtengo abenduaren 31n iraungiko da, eta beste hamar urterako berritu nahi du Batzordeak, erabilerari inolako mugarik ipini gabe.


Azkenak
EGILEA
Eguneraketa berriak daude