Balear Uharteetako irakasleek bertan behera utzi dute greba
Greba bertan behera uztea erabaki dute Balear Uharteetako hezkuntzako langileek, baina mobilizazioekin jarraituko dute. Ikasgeletara bueltatu arren, ez dute hirueledun hezkuntza eredua aplikatuko.
PPk ezarritako TIL (Tratamiento Integrado de Lenguas) legearen arabera, ingelesez, gaztelaniaz eta katalanez eman beharko dituzte klaseak Balear Uharteetako eskoletan. Sindikatuak eta hezkuntza arloko langileak neurriaren kontra azaldu dira, eta irailaren 16an greba mugagabea hasi zuten. Orain, klasera itzuliko badira ere, uko egingo diote hirueledun eredua indarrean jartzeari.
CCOO sindikatuak azaldu duenez, “behin behineko geldiunea” da, “estrategia birdefinitzeko balio duena”. Hala, argitu du protestak ez direla bukatuko. Era berean, PPren jarrera kritika du alderdi “arduragabea, totalitarioa eta intransigentea” dela esanez.
Grebak iraun duen asteetan, greba batzordeek eta Hezkuntza Konseilaritzak bilerak egin dituzte, arazoa konpontzeko asmoz, baina ez dute adostasunik lortu. Sindikatuek eta greba batzordeek Hezkuntza sailaren jarrera “ertsia” izan dela esan dute.
Guillem Estarellas hezkuntzako idazkari autonomikoak, aldiz, irakasleen jarrera salatu du. Idazkariak funtzionario guztiek legea bete behar dutela azpimarratu du. Ondorioz, TIL legea aplikatzea “derrigorrezkoa” dela jakinarazi die irakasleei.
Hilaren 13an, mobilizazioa
Murrizketak eta TIL ereduaren ezarpena salatzeko, hezkuntzarne aldeko martxa antolatu dute hainbat guraso elkartek “Batera hezkuntzaren aldeko bidea egiten” (Junts feim camí per´educació) lelopean. Hilaren 13an, igandearekin Mercadal (Menorca) herrira joatera deitu dituzte herritarrak.
Júlia Ojeda literatura-kritikariaren ahotsa garrantzitsua da gaur egungo Kataluniako hedabideetan, eta prozesu independentistaren osteko Katalunia birpentsatzen ari den ardatz ugarietako batera hurbiltzen laguntzen digu. Matriotes-eko kide ere bada, “feminista eta... [+]
Carme Junyent hizkuntzalari katalana hil zen pasa den irailean. Hizkuntza-politikari buruz esaten zituenak arretaz segitu ditugu hemen, haren proposamen batzuk noizbait gurean aplikatzera ausartuko ginelako itxaropenez-edo, beharbada. Aho-bizarrik gabe jarduten zuen. Aldizkari... [+]
Manuel Albares Atzerri Ministroak erabilitako arrazoiak dira, besteak beste, katalana lehenesteak prozesua arinduko duela eta katalanak beste bi hizkuntzek baino hiztun gehiago dituela.
Irailaren 3an zendu da pankreetako minbiziaren ondorioz. Katalanak desagertzeko dituen arriskuez zorrotz hitz egin izan du hizkuntzalariak eta haren mezu gordinek deserosotasun ugari sorrarazten zuten. Azken unera arte borrokatu da bere hizkuntzaren alde. Bizitzako azken uneetan... [+]
Andorrako katalanaren defentsarako lege berriak katalanaren oinarrizko maila eskatuko du bertan bizi eta lan egin ahal izateko. A2 titulua baino maila baxuagoa eskatuko dute.