8 milioiko gainkostua luke Baionan okupazio dinamika egin den auzoa berreraikitzeak
Baionako Plantoun auzoan diru publikoarekin finantzatutako 39 etxe ekologiko eraiki ziren 2009an. Handik gutxira, horietako hainbatek makurgune itsusiak zituztela ohartu ziren eta etxeak haustuarazi zituzten. Horiek berreraikitzeko 8 milioi euro beharko liratekeela jakinarazi dute orain.
Adituek osatutako txostenak dioenez onena litzateke etxeak partzialki eraitsi eta berriro eraikitzea. Horrek 8 miloi euroko gainkostua izanen luke, izan ere eraisketa gauzatzeko 900.000 euro beharko lirateke eta berreraikuntzarako 5 miloi eta erdi.
Horretaz gain, beste 1,6 miloi euro beharko lirateke seguruak ordaindu eta bertako auzokideei obrak iraun artean bizilekua emateko. Proiektua onartuz gero guztira 8 miloi beharko dira hortaz, orain lau urte 6,6 miloi euro balio izan zuen auzoa berreraikitzeko.
Plantoun auzoko kasua Baionako auzitegian dago; eta hark erabaki beharko du nor den akats horien erantzulea. Arkitektoa, promotorea, eraikuntza enpresak edota proiektuan parte hartu duten beste hainbat eragilek.
Etxebizitzaren arazoa mahaigaineratzeko okupazio dinamika
Diru publikoaz finantzatutako eraikin ekologiko horiek hutsik geratzeak hainbat bizilagun asaldatu zituen, eta etxebizitzaren aferarekin kezkatutako lagun talde batek okupazio dinamika abiatu zuen problematika bistaratzeko.
Maiatzean Plantouneko 26. zenbakiko eraikina okupatu zuten, jendea teilaturik gabe dagoen bitartean inguruan etxe huts anitz dagoela salatzeko. Ika-mika ugari sortu du ekintzak baina azarotik aferak bere horretan darrai.
Azaroaren 15ean hustu behar zuten eraikina, epea luzatzeko jarritako helegitea ez baitzuen onartu Baionako auzitegiak. Hala ere, okupatzaileek bertan jarraitzen dute Baionako Herriko Etxeak konponbide bat aurkitu artean.
Euskararen Erakunde Publikoak (EEP) batzar orokorra izan du astelehenean 2024ko aurrekontua bozkatzeko. Alain Iriart, Euskal Elkargoko ordezkaria kontra bozkatu duen bakarra izan da.
1.700.000 ikustaldi izan ditu EiTBren emanaldiak –Hamaika TBrenak gehitu behar zaizkio–. Pozik agertu dira AEKko arduradunak: “Inoizko Korrikarik erraldoi eta anbiziotsuena lortu dugu, herria harro egoteko modukoa”.
11 egunetan bizipen hunkigarri asko bizi dituela esan du Ane Elordik Euskadi Irratian. “Aje emozionala, bi urtetan egindako lana, kideak ondoan izanik, eskertza, babesa, Euskal Herri osoa Baionan elkartu da... Momentu oso bereziak bizi izan ditugu azken egunean”.
2.700 kilometro eginda, igandean helduko da Korrikaren lekukoa Baionako Askatasun plazara, 12:30 inguruan, eta mezu sekretua irakurriko du egileak. Egun osoko festa handia antolatu dute kultur eragileekin auzolanean: Ibil Bedi, Anje Duhalde, Xiberoots, txarangak, haurrentzako... [+]
Martxoaren 6an numeriko edo digital iraunkorraren eguna ospatu dute Baionako Estitxu Robles kolegioan. Ordenagailu zaharrak berregokitzen ikasi dute eta Ilargikoop ikasle kooperatibaren berri jaso dute.