Larunbatean Baionako festetan antolatutako bigantxetan, dozenaka lagunen aurrean bigantxetako bati bizkarrezurra txikitu zioten eta plazatik soka bati lotuta eraman zuten arrastaka. Han bildutakoen "jaia" ez eteteko, beste bigantxa bat atera zuten geroago. Nor talde antiespezistak zabaldu du albistea, Marion Vaccak egindako irudiekin lagunduta. Euskal Herriko jaietan gizakien entretenimendurako animaliak erabiltzen diren ohiko ekitaldietako bat dira bigantxak.