Baiona 2014 zerrenda abertzaleak eta Front de Gauchek akordioa lortu dute

  • Baiona 2014 zerrenda abertzaleak eta Front de Gauchek astearte goizean emango dute udal bozen bigarren itzulirako lortu duten akordioaren berri.


2014ko martxoaren 25an - 00:00
Azken eguneraketa: 2015-02-26 13:37:33
Jean Luc Melenchon, Front de Gaucheko zerrendaburua (Argazkia: Paris Match)

Bi zerrendetako ordezkariek bilera egin zuten astelehenean, eta horren inguruko xehetasunak emango dituzte, Berria egunkariak dioenez.

Lehen itzulian bozen %10,3a lortu zuen Jean-Claude Iriart abertzaleak Baionan. %10eko langa gaindituta, bigarren itzulira joateko aukera lortu zuen. Zerrendako ordezkariek igandean adierazi zuten bigarren itzulirako ez zirela Etchegaray zentristarekin edo Etcheto sozialistarekin elkartuko.

Front de Gauche eta abertzaleen arteko balizko zerrenda bateratuari buruzkoak hauteskunde kanpainan ere entzun dira.

Bestalde, Silvie Durruty eskuindarra prest dago Baionan zentro-eskuinarekin akordioa lortzeko. "Hori hala, Henri Etcheto sozialistari zaildu egin zaio auzapez izateko aukera. Hura izan zen lehen indarra, baina aliantzarik ezak oztopa dezake udal gobernua osatzeko bidea", dio Berriak.

Baionan, Etcheto sozialistak bozen %35 eta Etchegarayren zentro-eskuinak %30 lortu zituzten lehen itzulian. Mikel Asurmendik ARGIAn plazaratutako analisian zioenez, "bozen parekotasunak bigarren itzuli hertsia iragarri dute; Iriarten jarreraz beste, eskuineko Durrutyrena (%19) ere ezagutu behar da auzapez berriaren izena ezagutzeko".

 

 


Kanal honetatik interesatuko zaizu: Herri bozak 2014
2016-05-29 | Mikel Asurmendi
Jean-Michel Coscarat, Baigorriko auzapeza
"Herritarren harremanak aldatzen ari dira, euskara orain ez da politika afera"

Baigorri, 1958. Bi urte auzapeza dela, Aintzina Baigorri hautagaitzaren izenean. Ez dago ezein alderdi politikori atxikia. Sukaldaritza Eskolako irakaslea da Donibane Garazin. Baigorri –herria eta eskualdea– ezaguna da, eta aurten are gehiago ezagutzera eman da: [+]


2014-04-06 | Mikel Asurmendi
Herri bozak iparraldean
Abertzaletasuna transbertsalitatearen eredu

Abertzaleek zirt edo zart egin behar zutela adierazi genuen bigarren itzuliari begira, baita egin ere. Abstentzioaren gorakada azpimarratu genuen eta %40koa izan da berriz ere. Argazki hau utzi digute Ipar Euskal Herriko udal hauteskundeek.


Eguneraketa berriak daude