Baietz42! euskaldunen aktibazio kanpaina Zuian
Egiako, Hernaniko, Aguraingo ereduari jarraituz, Baietz42! euskaldunen aktibaziorako kanpaina antolatu dute Zuian ekainaren 21, 22 eta 23an.
42 orduz euskaraz bizitzeko hautua egingo dute. 150 herritarrek eman dute izena, eta oraindik ere nahi duenak aukera du parte hartzeko. Zuian %30,5ek daki euskaraz eta %51,5 dira euskara ulertzen dutenak, baina hizkuntzaren erabileraren azken datuek diote Zuian elkarrizketen %5,8 izaten direla euskaraz.
Parte hartzeko hiru modu
Hiru profil bereizi dituzte ekimenean parte hartzeko. Antolatzaileek prentsa-ohar bidez jakinarazi dutenez, batetik egongo dira AhoBizi-ak, euskaraz mintzatzeko gaitasuna dutenak, eta hauek 42 orduz euskara hutsean aritzeko konpromisoa hartuko dute; bigarrenik daude BelarriPrest-ak, euskaraz hitz egiteko zailtasunak dituztenak baina ulertzen dutenak, eta hauek euskaraz entzuteko hautua egingo dute; eta hirugarrenik dago BideLagun-aren profila, euskara ulertzeko zailtasunak dituztenak, baina hizkuntzarekiko errespetua eta begirunea dute eta beren inguruan euskara hitz egin dadila sustatuko dute hauek.
Udalbatzaren babesa
Udalbatzaren gehiengoak ekimenaren antolatzaileek aurkeztutako mozioa onartu du. Alderdi guztien babesa izan dute PPrena salbu, hau abstenitu egin baita.
Antolatzaileek azaldu dute “helburua ez dela euskararen aldeko jaia ospatzea, euskara eguneroko hizkuntza izan daitekeela erakustea da, baita Zuian ere”.
Ekimenaren informazio guztia baietz42.infozuia.eus helbidean ikusi daiteke.
Galiziako Oleiros udalerriko María Casares ikastetxe publikoko ikasleak dira. 12 eta 17 urte arteko 600 ikasletatik inork ez du eguneroko hizkuntza galegoa. Maiatzean erronka jo zuten hainbat irakaslek eta ikaslek: ea gai garen 48 orduz galizieraz aritzeko. 200 ikaslek... [+]
Azaroaren 23tik abenduaren 3ra bitarte egingo da 11 egun euskaraz ekimena. Eusko Jaurlaritza, Nafarroako Gobernua, Euskal Elkargoa, Euskararen Erakunde Publikoa eta Euskaltzaleen Topagunea dira antolatzaile. Beren datuen arabera,
60.000tik gora pertsonak eman du izena.
Ezohiko egitasmoa dute martxan Hernanin otsailetik: urte amaierara bitarte, orain arte dituzten hizkuntza ohiturak irauli eta harremanak euskarara ekartzeko ahaleginean ari dira ehunka herritar. Hilero, 100 norbanako gehitzen dira ekimenera eta dagoeneko 800 herritarrek baino... [+]
Nerea Redondo eta bere ahizparen asmoa triatloia probatzea zen. Hala gerturatu ziren ekainaren 23an Donostiako X. Emakumezkoen Triatloira. Epailearen hitzek harri eta zur utzi zituen: “Por mis cojones que vais a hablar en castellano”. Alegia, bi ahizpen artean... [+]
Lehenengo ehun erronkalariak otsailaren 3an hasiko dira. Gaztelaniaz dituzten harremanak euskarara ekartzen saiatuko dira. Hilero ehun pertsona gehitzea da helburua. Hala, 2018an 1.100 hernaniarrek hartuko dute parte aurrekaririk ez duen erronkan.