Badago beste alternatiba bat: borroka, amnistia

  • Euskal preso politikoen gaiari erreparaturik, topikoak nagusitzen dira etengabe boterearen menpe dagoen edozein komunikazio-tresnatan. Hala, inolako suspenserik eragiten ez duten emanaldikako albiste bihurtu dira.

Jon Iurrebaso Atutxa
2017ko maiatzaren 30a

Ezer berezirik albistegiari dagokionez, arduratzen, kezkatzen eta motibatzen gaituen zerbaitengatik izango ez balitz: geure euskal preso politikoak. Aipatu komunikazio-tresnek hizkuntza bikoitza darabilte baina leku berean amaitzen dira. “Demokrazian ez dago preso politikorik”. “Ez dago preso politikorik espainiar estatuan eta frantses estatuan”. “Terroristak dira”. “Biktimek erreparazioa exijitzen dute”... Halakoak mezuaren oinarrizko zati bihurtu dira. Hau da, mezu politiko gogorra, epai-emailea eta mutu uzteko moduko errepresalia mugagabea.

Bigarren zatia, alegia, “Haien eskubideen jabe dira”. “Etxetik hurbilago ekarri behar dituzte”. “Legea bete beharra dago”. “Espetxe-erregelamendua bete beharra dago” lehen zati nagusiaren kamuflaje-jantzia besterik ez da, betiere legalitatearen eta giza-eskubideen ikuspegitik. Izan ere, mezuaren lehen zatia isilean gordeta, jendartearen sentsibilitateari sakon eragiten diote.

Ezkutaketan jolasten ari diren bitartean, erantzunak lapurtu egiten dizkigute. Hau da, ba al dago demokrazia Euskal Herriarentzat? Zinez, ba al dago, arrazoi politikoak tarteko, presorik? Ziur da preso politikorik ez dagoenik espainiar estatuan eta frantses estatuan? Zer da terroristen kontu hori? Biktimek erreparazioa exijitzen dute, eztabaida interesgarri eta garrantzitsua edozein gatazka politikotan, baina gaurkoak ez du denerako ematen.

Aldiz, iritzi baten mezu kikilduari eta beldurtuari jarraiki, kamuflatu egiten ditugu halako galderak eta behar diren erantzunak, zorigaiztoko kontuetan sartu gabe gure okupatzaile, zapaltzaile eta esplotatzailearen eskubidez aritzen dena. Hala izanik, jende asko aritzen da etsaiak justu nahi duenaz, guztion etsaia bada ere, edo hala ulertzen dut nik.

Hala, urruti dagoen baina antzekoa den beste esparru bati erreparatuta, miresteko modukoak dira Ekialde Ertaineko errefuxiatuekiko solidaritatezko sentimenduak, baina Mendebaldeak eragindakoak, beti lapurretan aritu baita: gasa, ur naturala, petrolioa, metal preziatuak, lurralde geopolitiko estrategikoa eta abar. Ulertzeko moduko sentimenduak, kasualitatez, Mendebaldeak Asian, Afrikan eta Ekialde Ertainean, laburbilduz, eragindako hondamendi handien, inbasioen eta sarraskien ostean agertzen direnak.

Stop ez da eskatzen herrialde libreetan egindako injerentziari, sakeoari, gaizkiaren hatzaparretatik askatzeko inbasioei, inperialismoari… Lehenengoz gerrak eta inbasioak egiten ditugu, eta ondoren, inbasoreek nahiz sarraskitzaileek inolako erantzukizunik hartu gabe, “denon” baimenarekin egindakoaren ondorioak guztioi dagozkigula onartzen dugu, aintzat hartu gabe hondamendien eragileak estatuetako benetako botere ekonomikoak direla.

Horrenbestez, espainiar estatuari eta frantses estatuari interesatzen zaizkien giza-eskubidez aritu beharrean, zergatik ez dugu hitz egiten preso politikoak egoteko arrazoiei buruz eta, zehazki, euskal preso politikoei buruz? Zergatik ez gaztaka politikoaren existentziaz eta beraren ondorioz dauden errepresaliatu politikoez?

Diogu, era berean, gauza bat direla errepresiogile, okupatzaile eta esplotatzailearen  mesederako egindako giza-eskubideak, xede berarekin laudatuak izaten direnak, eta beste gauza bat dira gutariko askok gogoan ditugunak, benetan guztionak eta guztiontzat direnak, hau da, giza-eskubideak eta eskubide politikoak: etxebizitza, hezkuntza, osasun-prestazio guztiak, ikasteko eskubidea, atsedenaldia, kultura antipatriarkala, solidarioa izatekoa eta tiraniari aurre egitekoa, askatasuna, inbaditua eta masakratua edo herritik desplazatua ez izatea, immigrazioa, erbesteratzea…

Halaber, gizabanakoen eskubide indibidualak zein kolektiboak: hizkuntza, etnia, kokapen geografikoa, garapena, sexua, sinesmena, pentsamendu politikoa, ados ez egoteko eta desberdinak izatea, internazionalismoa… Horren arrunta eta argia den zerbait kamuflatu edo ukatu egiten da.

Euskal Herriari badagozkio aipatu eskubide guztiak, bai eta, euskal langileei eta presoei ere. Halaxe diogu, besterik gabe, eta hitz guztiekin ere bai. Modu horretara, batzuek eta besteek, defendatzen den sistemak eta beraren aurka egin nahi ez dutenek (sufrimendu eta ziurgabetasun handia dakarrelako) sortutako zurrunbilo horretan nahaste-borraste handia dago.

Gogoan dugu amnistia eta hala diogu modu argian, gairik zuzenena eta solidarioena izateaz gain, gure borroka politiko eta sozialerako onena delakoan gaudelako betidanik. Hori da militanteen duintasuna eta Euskal Herriko etorkizuna kaltetzen ez dituen bide bakarra. Alabaina, ez gara sartzen estatuek gure preso politikoak askatzeko eska ditzaketen premisetan, mahai politikoaren gainean ez daudelako, ez eta, duintasunaren mahaiaren gainean ere.

Euskal presoak preso politikoak dira, hain zuzen ere, askok aldarrikatzen dugun etorkizun aske eta sozialistaren aldeko eta dena eman duten militante politikoak. Kalean izan behar dute, modu horretara, Euskal Herria sozialistaren aldeko prozesu iraultzaileari jarraipena emango diote, eta hori guztia ezin daiteke aldarrikatu amnistiarik gabe.

Amnistiaren bidez ez bada, ez dago bestelako irtenbide globalik preso politiko guztientzat. Oso gutxitan, preso bati edo besteari aukera indibidual polita aterako bazaio ere, arautegia bete ezean, gainerakoak boletorik gabe geratuko dira. Azken finean, espainiar estatua eta frantses estatua dira arautegia eta gradua nahiz haren aplikazio-denbora ezartzen dituztenak, eta loteria ez zaie guztiei egokitzen, ezta ametsetan ere!

Era berean, gure ustez, lehen mailakoa den gai bat aipatu nahi dugu, nahita edo nahi gabe isilpean gordetzen dena. Esan beharra dago, gure preso politikoen alde egiteko, etsaiaren giza-eskubideak aldarrikatzen dituen borondate oneko jendea dagoela. Dena dela, legea bete behar dela esaten dugunean, noizean behin deseroso eta errebelde edo bizitza osoan erresistente izateagatik, asimilatu, alienatu eta zigortzen gaituen legea aplikatzea esaten diogu okupatu eta zapaltzen gaituen sistemari.

Espetxe-erregelamendua bete behar dela esaten dugunean, jakitun izan behar dugu euskal preso politikoak eta beste batzuk gizagabeko baldintzak pairatzea exijitzen ari garela, besteak beste,  hormigoizko blokeetan giltzapeturik, inor ikusi gabe eguneko 24 orduetan kartzelariak edo beste presoren bat bi ordutan izan ezik, soinurik gabeko zulo zikin-nazkagarri batean, zeru laukiduna ozta-ozta ikus dezakegu gure buruen gainean dauden barrote edo sare metalikoen artetik, bakartasuna eta isiltasuna dira nagusi, halaber, mehatxuak eta mespretxua eguneroko kontuak dira, bai eta, zigorrak ere, pertsona, euskaldun eta iraultzaile izateari eusteagatik.

Espainiarren eta frantsesen legeria zein euskal eta espainiar burgesiarena iraultzailea eta erresistentea zigortzeko eginak dira, eta frantses nahiz espainiar arautegi horiek ez dute eskubide edo printzipio etiko zein demokratiko izpirik ere, etxetik gertu izatea komenigarri da bai, baina hori irabazi egin beharko duzu, horretarako, arauak bete behar dituzu eta ondoren zure espetxe-egoerak hobera egingo modu progresiboan (edo ez).

Horrelako xantaiaren bidez sistemak jokaera egokirik izan ote duzun baloratuko du, hala, egunero zure euskaldun-mailak behera egiteko, zu baino egoera kaskarragoan dauden lagunekiko solidaritatea gutxiagotzeko, herrikide euskaldunentzako eta beste batzuentzako borroka-eredurik ez izateko, zure ongizatean pentsatzeko besterik ez. Guzti horrek garrantzi handia du euskal borrokalarien belaunaldi berrietan, bai gure gudariek amore eman duten kasuan, bai eutsi egin badiote eta haien hatzaparretatik askatzen ditugun kasuan ere. Edonola ere, funtsezko da gehien maite dugunaren aldeko borrokari eusteko, hau da, gure Euskal Herriko langileen alde.

Errenditu zirenek erabakirik okerrena hartu zuten, hau da, errendizioaren bidea. Bizitza osorako hartutako erabakia da, eta eskakizunak, erreklamazioak edo aldarrikapenak bideratuak eta neurtuak izaten dira. Halako bidea hartzen duen oro besoak eta hankak lotuta geratzen da betirako Euskal Herriaren askapen soziala eta nazionala lortzeko borroka-eskema planifikatu nahi badu. Berriz diogu: errendizioa aukera bat da, hala ere, aukerarik okerrena da, okupa gaitzakete baina horrek ez du esan nahi garaitu egin gaituztenik.

Bestalde, okerretan txikiena ez dugu nahi, ustez, bideragarri den beste aukerarik ez dagoelako. Era berean, ez dugu nahi posible dena, gainerako guztia ezin daitekeelako lortu, haiek dioten bezala. Arrazoi argia dago horretarako, lehenik, gure grinei inolako mugarik jarriko ez diegulako, eta pentsatzea eta nahi duguna desiratzea galarazten duen polizia errepresiborik onartuko ez dugulako gure baitan.

Ez diegu burdin sarerik jarriko gure atzetik etorriko direnei. Gu ez gara izango askapen-prozesu historikoa etengo dutenak, gure atzetik datozenek aurrera egin beharko dute, bai eta, haien ordezkoak ere. Argi eta garbi, jaun-andre erreformistak eta norberaren ongizatearen zaleak (espainiarra, frantsesa edo euskalduna). Guk ez dugu alferrik galduko libre izateko aukera, burokraziak hala erabaki badu ere.

Gure jardunbidean aintzat hartuko dugu, euskal langileei begira, guretzat onuragarriena dena, bai eta, zuzenena, solidarioena, etikoena, bidezkoena eta arrazoizkoena ere. Baina aurrean izango ditugu, zuzenean edo zeharka, hurrengo hauek ekarri edo ekarriko dituztenak: alienazioa, “norberak bere burua salba dezala”-ren filosofia, solidaritaterik eza, mirabekeria kamuflatua, burgesiaren demokrazia, isiltasuna basakeriaren aurrean, inperialismoaren konplize izatea eta abar. Azken batean, gehienentzat ezereza da.

Guztiok badakigu beste alternatiba bat daukagula. Ez da erraza eta ezin daiteke epeka erosi bazar merke batean. Borroka da geure eta hainbat lagunen alternatiba (bai eta, une hauetan  nekatuta, desengainatuta, gogaituta, nahastuta… dauden askorena ere). Borrokan jardungo dugula beti ondo dakigu guk. Gure kuttunekiko, maite gaituztenekiko edo gutaz arduratzen direnekiko maitasuna bezalakoa da. Horiei euskal langileak  gehituko dizkiogu eta, haien bitartez, munduko langile-klasea eta Lurreko zapaldu guztiak maitatzen ditugu ere.

Txikitorekin telefono bidez berba egin/komunikatzea debekatzen duten laugarren euskal herritarra nauzue, Iñaki Bilbao Goikoetxea, "Txikito" euskal preso politikoak 33 urte eta erdi daramatza barruan, eta bion artean espetxe-plantoak prestatu izanaren salaketa izan da komunikazioa galarazteko arrazoia

Post-data: Txikitorekin telefono bidez berba egin/komunikatzea debekatzen duten laugarren euskal herritarra nauzue, Iñaki Bilbao Goikoetxea, Txikito euskal preso politikoak 33 urte eta erdi daramatza barruan, eta bion artean espetxe-plantoak prestatu izanaren salaketa izan da komunikazioa galarazteko arrazoia.

Orain arte bost minutu kardiakotan hitz egiten genuen hitzak ia amaitu gabe utzita, ahalik eta denborarik gehien aurrezte aldera. Bost minutu haien ostean, eguna dardaraka geratzen zitzaigun. Baina debekuaren benetako arrazoia Bilboko ekainaren 24ko manifestazioarekiko Txikitoren atxikimenduan datza. Manifestazioak honako  goiburu hauek ditu: inoiz ez makurturik, denon artean lortuko dugu, AMNISTIA OSOA. Hortxe dugu zergatia, giza-eskubidez eta eskubide politikoz beterikoa, hain justu.

Utz ezazue alde batera espainiar eta frantses legeria eta indarrean dauden espetxe-erregelamenduak betetzeko eskaera, hori dela kausa, gure preso politikoen egoera ere dagoen moduan dagoelako. Zehazki, 33 urte eta erdi horietan isolamendu, jipoi eta gose-greba ugari nozitu ondoren, oraingoan berriro sailkatu dute Txikito lehen graduan, hau da, espainiar espetxe-erregelamenduaren lehen fasea. Etengabeko jazarpena makurrarazi ezin dutenentzat eta gorrotatzen dutenentzat, horrez gain, beste batzuekin batera, borroka-eredu bihurtuko ote den beldur dira.

Oso lagun gutxik dugu Txikitorekin komunikatzeko pribilegioa, eta gutariko batek “Zelan?” galdetu diogun bakoitzean, “Ni ondo. Nigatik lasai eta aurrera, borrokak askatuko gaitu eta!” erantzuten du tonu apalean, eta gure bihotza gelditzeko zorian dago.

Jon Iurrebaso Atutxa ETAko preso politiko ohia

Kanal hauetan artxibatua: Iritzia  |  Euskal preso politikoak

Iritzia kanaletik interesatuko zaizu...
2018-05-27 | Adur Larrea
Ez hanka ez buru
Hitza hits

2018-05-27 | Mikel Zurbano
Lidergo globala

Ameriketako Estatu Batuek (AEB) Txinako produktuen inportazioei ipinitako mugak arrabotsa sortu du zergen inguruan. Zurrunbiloaren hasieran, Txinako aluminioaren eta altzairuaren inportazioei arantzelak igoko zizkiela iragarri zuen Donald Trumpek. Txinaren erantzuna AEBetako 128 ondasunen inportazioak zamapetzea izan zen. Ondoren, Washingtonek erabaki zuen Txinatik inportatutako ondasun ugarirentzat muga zergak handitzea. Lehia arriskutsua ireki da inondik ere.

Nolanahi, Txina bi arlotan... [+]


2018-05-27 | I˝aki Antiguedad
Perspektibaz, inoiz baino gehiago

Heldu da. Heldu behar zen momentua heldu. Luzea izan da azkeneko partea, dinamika askoren mugatzaile sekundarioa. Iraganean da, urtu da erakunde zena. Zer berok urtu duen nork bere kontakizuna, intereseko eztabaidagai dudarik ez, baina urtu. Jakin beharko da kudeatzen iragan hori, eta besteak, baina ezin hori orainaldiaren ardatz jarri.

Erakundeak ez direla zertan betirako izan seinale; politikoak ere ez. Helbide izan daitezke, unean unekoak, norabidean asmatu edo ez, baina inoiz ez helburu... [+]


Ardoa, minagre

Sarako Joanes Etxeberrik, gauzak modu ilunean eta era desegokian azaltzen ibiltzea irudikatzeko, honela idatzi zuen hamazortzigarren mendean: “Arnoa kridatzen dute, eta minagrea saltzen”. Hau da, ardoa aldarrikatu, eta, haren ordez, ozpina eman.

Segitzen du Etxeberrik bere irakurketarekin: “Sugearen propietatea dute (ardo-saltzaile horiek): sugeak xistuz dagoela ausikitzen du”. Hartara, txirulari txerrena, delako suge hori.

Exeberriren narrasti musikaria kiribildu... [+]


Hedabideen manipulazioa: adibide bat

Pasa den maiatzaren 9an Diario de Navarra egunkarian Iruñeko gaztetxeetako batek, Errotxapea auzokoak, orrialde oso bat hartu zuen: “Vómitos, ruidos y hurtos, el colmo vecinal por el gaztetxe”.

 Artikulua irakurtzen hasi eta auzokideak ez dira antolatu, ez da inolako prentsaurreko edo adierazpenik egon, ez istilurik. Berri hau argitaratzeko ez dago motibazio agerikorik. Kazetaria auzora hurbildu eta galdera batzuk egin ditu.       ... [+]


Hil ondorengo mamuak

ETAk, bere kabuz, hirurogei urteko ibilbideari amaiera eman dio eta oinordeko frankistek, edo gerra zikinak bultzatu zituztenek ez bezala, eragindako kalteei buruzko autokritika egin du. Alabaina, nago, ETAren mamua, Cid Campeador-ena bezala, zenbait esparrutan –gerra dialektikoaren zelaian, besteak beste– erabilia izango dela, etekina ateratzeko asmoz, hain zuzen ere.

Literaturan, esate baterako. Aspaldiko salaketa da Euskal Gatazkari buruz gutxi eta ahots apalez hitz egin... [+]


2018-05-25 | Hainbat egile*
Feministok gerrari planto!

Bortxaketa masiboak, giza trafikora eta salerosketara behartutako nesken areagotzea, ikusezintasuna, biktimizazioa, leku aldatze behartuak, indarkeria matxistaren areagotzea...


#M25KoloreBizia

Stop racial segregation oihukatu ahal dute Ipar Karolinako eskoletan, edo Brusela, Paris, London, Sofia, Madril, Girona, Basauri, Atarrabia, Arrasate, Baiona eta Gasteizkoetan. Gure hiriko kasuan guraso etorkinak dituzten umeen %83,1 sare publikoan ari da ikasten, bai eta, baliabide ekonomiko gutxiago duten familia gehienak ere. Badira gaur egun zenbait eskola umeen %100 familia etorkinen umeak dituztenak, eta beste hainbatek bide bera hartu dute. Gasteiz #Whitecapital ez da soilik neguko... [+]


Akordioak eta urardotzea

Hona behin eta berriro entzuten dugun mantra: “Politika akordioetara iristea da”. Nire uste apalean, kalte izugarria egiten du. Izatekotan, honako honetan bihurtu da politika: printzipioen salerosketarako azoka.


QuÚ pone en tu DNI

Afera dagoeneko ez da Espainiako Estatuaren “problema territoriala” konpondu nahi izatea arazoa bera ukatuz, askoz harago joan da Rivera, problema guztiak ukatuz, baina ez munduaren mundutasun globalean urtuz, baizik eta bandera nazionalarekin urkatuz.


Azkenak
EGILEA
Eguneraketa berriak daude