Ba al dakigu norenak diren Donostiako edo Bilboko erdialdean dauden etxeak?

  • Diru beltzarekin lortutako luxuzko etxeak erakusten dituen ‘tour’ turistikoak antolatu dituzte errusiar oposiziogileek Londresen.


2016ko otsailaren 11n - 11:32
Witanhurst luxuzko etxea, Londresko etxerik handienetarikoa.

Ez da gainerako ‘tour’ turistikoen berdina. Londres hiria ikusteko aukera ematen du, baina ez hiria ezaugarritzen duten eraikinik, ez Big Ben, ez Bukhingham Palace, ez eta Picaddily plaza ere. Autobusera igo, eta Monopoly jokoaren taula banatzen diete bisitariei. Ez da jolasteko, ordea; taulan agertzen dira Londres erdialdean dauden luxuzko etxeen argazkiak eta jabeen izenak. “Ongi etorri Kleptokraziaren tourrera”.

 

Londres erdialdean dauden luxuzko etxeen argazkiak eta jabeen izenak agertzen diren taula.

El Paísek eman digu albistearen berri. Hasi da tourra. Eskuinera, Igor Shuvalov Errusiako lehen ministroaren apartamentuak. Errusiak Ukrainiarekin zuen krisiaren garaian erosi zuen, 14,6 milioi eurogatik. Garai hartan eskatu zieten errusiarrei gerrikoa estutzeko. Hurrengo geltokia: Blegrave Square. 5. zenbakia Oleg Deripaska enpresari metalurgikoarena; beherago, Roman Abramovich Chelseako presidentearen bi etxeak; 26. zenbakian, Boris Berezovsky hildako oligarkaren etxeak. Ibilaldiaren amaieran, Witanhurst luxuzko etxea, Londresko etxerik handienetarikoa: 60 gela, 3.800 metro karratu, igerileku bat, eta 25 autoentzat parkinga. Andrei Gurieverena da, orain gutxi arte Errusiako senataria izan dena.

Zorrotz ari dira autobuseko gidak; Londres bihurtu da mundu osoko diru zuriketaren eta ustelkeriaren hiriburua: “Urtero bi milioi euro herrialde txiroetatik herrialde aberatsetara joaten dira, Londresera kasu; hamar etxebizitzetatik bat atzerritar konpainiena da. 122.000 milioi baino gehiagoko propietateak enpresa gutxi batzuen esku daude; bitartean, langileak hiriaren erdialdetik kanpoaldera doaz, etxebizitzen prezio altuen ondorioz”.

Londres bihurtu omen da XXI. mendeko ustelkeriaren hiriburua. Baina, norenak ote dira Donostiako edo Bilboko erdialdean dauden hainbat eta hainbat eraikin? Zenbat balio ote dute? Eta Gipuzkoako edota Bizkaiko hiriburuetan horrelako tourrak antolatuko balituzte?

 

 


Kanal honetatik interesatuko zaizu: Ustelkeria
Ustelkeriaren normalizazioa

904.000 milioi euro. Hori da ustelkeriaren kostua urtean Europar Batasunean, 2020an egindako ikerketa baten arabera. 2008. eta 2020. urteen artean 3.743 ustelkeria kasu plazaratu ziren komunikabideetan Espainiako Estatuan, horietatik 109 Hego Euskal Herriari zegozkien. Atzera... [+]


Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


'Bidegi auzia' berriz ireki eta txosten independentea egiteko agindu du Gipuzkoako Auzitegiak

EH Bilduren helegite baten bidez, Gipuzkoako Lurralde Auzitegiak berriz ireki du Bidegi auziko bi kereiletako bat, AP1 autobidearen Eskoriatza-Arlaban zatiari dagokiona. Pasa den irailean Azpeitiko epaitegiak erabaki zuen kasua behin behinean artxibatzea. Orain, auzitegiak... [+]


Jaurlaritzak ez zuen Zubietatik Artaxoara eramandako hondakinen karakterizazioaren berri

Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]


Iberdrolaren kontrako isuna 85 milioi eurotik 5,4 milioira jaistea eskatu du fiskalak

Ustelkeriaren kontrako Espainiako Estatuko fiskalak berretsi du Iberdrolak argindarraren prezioa manipulatu zuela 2013an, eta urtegietatik ura kentzen aritu zela frogatutzat eman du, konpainia elektrikoaren kontra egiten ari diren epaiketan.


Eguneraketa berriak daude