Azpeitiko Dinamoa Sormen Gunearen behin betiko proiektua babestu dute dozenaka herritarrek

  • Kultur Mahaiak eta Udalak zehaztu dituzte sormen gunea izango denaren oinarriak eta helburuak, herriko kultur taldeen, bestelako eragileen eta norbanakoen nahiak eta beharrak ezagutu ostean. Hilabete luzeetako lana eta gero, atzo aurkeztu zuten etorkizuneko Dinamoaren behin betiko proiektua. Udalaren asmoa da 2018ko aurrekontuekin sormen guneko obrei ekitea.

Uztarria
2017ko uztailaren 14a
Ehun lagun inguru hurbildu zen atzo Dinamoan egin zuten aurkezpenera eta Sormen Gunearen Proiektuari babesa ematera. (Maialen Etxaniz)

Hilabeteetako lanaren ostean, Dinamoa Sormen Gunearen behin betiko proiektua aurkeztu zuen Kultur Mahaiak atzo, uztailak 13, Soreasuko sorgintza gunean bertan. Herritar ugari bertaratu zen 19:00etan abiatu zuten aurkezpenera. Bilkuraren ostean, egitasmoari babesa erakusteko argazkia atera zuten bertaratu ziren dozenaka lagunek.

Etorkizunean sorgintza gunea izango denaren behin betiko proiektua garatzeko denbora asko behar izan dute Kultur Mahaiak eta Udalak. Batzar asko egin behar izan dituzte eragileekin, norbanakoekin eta kultur taldeeekin. Izan ere, duela urte pare bat piztu zitzaien kultur mugimenduaren nahiak eta beharrak ezagutzeko grina.

2013an, Kultur Mahaiak "publiko orokorrarentzako espazio falta" identifikatu zuen, eta hori lantzeko beharra azaldu zuen urte hartako bazkideen ohiko batzarrean. 2015eko udazkenean, Azpeitiko Udalak Soreasuko eraikinean sormen gune bat martxan jartzeko asmoa azaldu zuen, Azpeitiko kultur mugimendua "indartsu eta antolatuta" zegoela ikusita. Orduan, sormen gunearen proiektua osatzeko foroa Kultur Mahaiak izan behar zuela iritzi zion Udalak. Hari proposamena luzatu ostean, Kultur Mahaia "gogotsu" hasi zen lanean.

Aurreneko urratsak egiteko, parte hartze prozesuari ekin zion Kultur Mahaiak, Udalarekin elkarlanean, herriko kultur taldeen, bestelako eragileen eta norbanakoen nahiak eta beharrak ezagutu asmoz. Urte eta erdi inguru iraun zuen prozesu horrek, eta denbora horretan zehaztu ziren sormen gunearen helburuak eta oinarriak. 

Parte hartze prozesua aurrera zihoan bitartean, sormen gunearen espazio bat martxan jartzea erabaki zen, besteak beste, "komunitatea osatzen joateko". Espazio horretako ateak –Gaur egungo Dinamoarenak– 2016ko azaroan ireki zituen Kultur Mahaiak. Orduz geroztik, ekitaldiak, tailerrak eta kultur proiektuen aurkezpenak egin dira bertan. Horrez gain, lanerako toki bezala hartu dute herriko hainbat taldek eta norbanakok.

Sormen gunearen oinarriak

Soreasu eraikinaren 0 solairuan (egungo Dinamoan) eta aurreneko solairuan kokatuko da sormen gunea, eta eremuka antolatuko da: arte eszenikoak, hitza, irudia eta soinua. Kultur Mahaiak atzo azaldu zuenez, "lanerako tokiak izango dira, guztienak eta irekiak, eta bertan tokia izango dute taldeek zein norbanakoek". Horrez gain, azpimarratu zuten proiektuaren xedea edo asmoa dela sormena sustatzea eta babestea, "sortzaileen komunitatea indartuz, formazioa eta lanerako tokia eskainiz, diziplinen arteko nahasketa eta elkarlana sustatuz eta transmisioa bultzatuz". 

Kultur Mahaiaren nahia da sormen guneko eremu bakoitzak antolaketa propioa izatea, eta bertako kideen esku egotea. Era berean, sormen guneak dinamizatzaile bat izango du, proiektuaren jarraipena eta koordinazioa egiteko. Gainera, Udalak, Kultur Mahaiak eta dinamizatzaileak osatutako zuzendaritza batzorde bat egongo da, "irizpide orokorrak" zainduko dituena.

Sormen gunean tokia izan nahi duen orok, izan talde zein norbanako, bere proiektua aurkeztu beharko du: zer egin nahi duen, zer espazio eta material behar duen eta zenbat denboraz erabiliko duen azaltzeko. Ez da epe edo deialdirik egongo proiektuak aurkezteko, hau da, eskaerak nahi direnean egin ahalko dira.

Proiektu teknikoa, martxan

Sormen gunearen nondik norakoak bilduko dituen proiektua osatzearekin batera, hori gauzatzeko bidea zehazten ere hasi dira Udala eta Kultur Mahaia, lan-espezializazio horretan diharduen enpresa batekin. Hark garatutako proiektuak jasoko du zein izango den eraikinaren nondik norakoa (banaketak, sarrera-irteerak, materiala…). Udalaren asmoa da proiektu hori urte amaierarako egitea eta 2018ko aurrekontuekin sormen guneko obrei ekitea.

Albiste hau Azpeitiko Uztarriak argitaratu du eta Creative Commons lizentziari esker argitaratu dugu.

Kanal hauetan artxibatua: Azpiegitura kulturalak  |  Azpeitia

Azpiegitura kulturalak kanaletik interesatuko zaizu...
2017-10-18 | Estitxu Eizagirre
Gasteizko Zapateneoak XV. urteurrena ospatzeko egitarau zabala antolatu du

Urriaren 16tik 31ra bederatzi ekitaldi antolatu dituzte. Horiek denak eta pegatina politikoen erakusketa, Zapatari kaleko 93. zenbakian.


Zabaltegik berriz aurkitu du bere bidea

Bere izaera berreskuratzeko lanean ari da Donostiako Zinemaldiko Zabaltegi saila, zenbait urtez beste jaialdietan nabarmendutako perlekin espazioa konpartitzearen eraginez apur bat desitxuratuta geratu ondoren.


Euskal Herriko 14 film Zinemaldian, erdia baino gehiago euskaraz

Zinemaldiak asteazken honetan aurkeztu du aurtengo festibalaren Euskal Herriko eskaintza: etxeko bi ekoizpen izango dira Sail Ofizialean eta 14 filmetatik 8 dira euskaraz osorik edo hein batean.


2017-08-17 | Eneko Barberena
Bada autopista bat Durangotik Santanderrera...

Eta bide kaxkarrez joan behar dugu, sasirik sasi Baxenabarrera. Egunkari baten orri politikoenak politika ataletik at direnak badira, azpiegiturek mapan egiten duten lerro zuzena ez du Jainkoaren eskuak marraztu. Hark egin zituen bereak Maradonaren gol ospetsuan.


"Editatze-gelan egiten da zinema"

Deborah Stratman (Washington, AEB, 1967) zientziaren bidez iritsi zen zinera. Fisika ikasteari utzi zion, bukatutakoan industria militarrarentzat lan egin beharko zuelakoan eta Arte Eskolan zinearekin egin zuen topo. Gustatzen zitzaion guztia zeukan zineak: optika, erlatibitatea eta mekanika; teknologiarekin erlazioa, bai eta Tarkovskyk deskribatutako “denbora zizelkatzeko” aukera ere. Ekainaren 17an Tabakaleran izan zen Deborah Stratman berari eskainitako fokuaren saio bat... [+]


2017-06-30 | ARGIA
Abkhazia Donostian: aitortu gabeko estatu bat, hango Atzerri ministro ohiaren begietatik

Maxim Gvinjia Abkhaziako Atzerri gaietarako ministro ohiak enbaxada berezia eduki du aste honetan Tabakalera Donostiako Kultura Garaikideko Nazioarteko Gunean. Ostiral honetan Xabier Madariaga kazetariak elkarrizketatuko du jendaurrean.


2017-06-27 | Kanaldude.tv
Etxauzia zabal eta bizi
MULTIMEDIA - erreportajea

Baigorrik Etxauzia jauregia bereganatu nahi du. Irailaren 15erako 500.000 euro lortu nahi dituzte kanpainaren ondoko fasera hupatzeko. Azken hilabeteetan animazio, bidaia eta hitzordu franko antolatu ditu elkarteak Etxauzia gaztelua herritarrei emateko. Kanaldudek zuzeneko emanaldia egin du proiektuaren inguruan.


Hautsitakoa puskaka erakusteaz

Tabakaleran programatzen dituzten pelikulei beti jarri behar zaie arreta, areto komertzialetan nekez ikusi ahal izaten ditugun lanak eskaintzeaz gain, arriskatzeko joera izaten baitute, aukera emanaz lengoaia zinematografiko ezohikoak pantaila handian ikusteko. Joan den larunbatekoa ez zen salbuespena izan: Angela Schanelec zuzendari alemaniarraren Der traumhafte Weg (Bide onirikoa) proiektatu zuten, egilearen azken lana, zeinean bi bikoteren hausturak kontatzen diren elkarren arteko 30 urteko... [+]


"Merkatuak ezin du irentsi literatura aldizkari bat euskaraz, baina euskal kulturak behar du"

20 urtez, Koldo Mitxelena Kulturuneko zuzendari aritu da Frantxis Lopez Landatxe (Donostia, 1953). Pasa den abenduan utzi zuen postua, nahiz eta ibili, badabilen oraindik, han eta hemen. Anekdota adierazgarri bat: hizketan aritu garen ordubetean, bost lagunek eten digute haria, Frantxis agurtu eta erretiroa zer moduz doakion jakin nahi zutela-eta.


Tabakalerako zine-eskola berriko zuzendariak ez daki euskaraz

Carlos Muguiro izango da Tabakalerako zine-eskola berriko zuzendaria. 1966an Elizondon jaioa, Madrilgo Erkidegoko Zine Dokumentaleko Eskolan (ECAM) aritu da orain arte. Medioetan hainbeste komentatu ez dena zera da: Muguirok ez dakiela euskaraz.


Azkenak
EGILEA
Eguneraketa berriak daude