Euskalerria Irratiaren emisioek ez zieten enbarazu egiten hegazkinei

  • Espainiako Auzitegi Nazionalak Euskalerria Irratiari arrazoia eman dio eta esan du irrati horren interferentziek ez zutela oztopatzen Erreniega menditik igarotzen ziren hegazkinen eta Noaingo aireportuaren arteko komunikazioa.


2013ko abenduaren 20an - 00:00
Azken eguneraketa: 2015-02-26 13:37:33
Euskalerria Irratiari 30.000 euro itzuli beharko dizkiote. Argazkia: Dani Blanco.

Euskalerria Irratiak 30.000 euroko isuna ordaindua du, Espainiako Estatuak interferentziak sortzeagatik zigortu zuelako. Orain Auzitegi Nazionalak ebatsi du oztoporik ez zela sortu irratiaren erruz. Horixe bera frogatzen saiatu zen Euskalerria Irratia, baina ez zuen lortu eta epe laburrean 30.000 euroak inguratu behar izan zituzten. Isuna ordaintzeaz gain, Erreniega menditik emititzeko aukerarik gabe geratu zen irratia.

Euskalerria Irratiak Nafarroako eta Espainiako Gobernuen erruz mila eta bat fronte irekita baditu ere, urtea ez da ilun-iluna izan irratiarentzat. Europan bi aldiz izan dira eta harrera beroa izan dute. Krisiak krisi bazkideek, iragarleek eta entzuleek gogor eusten diote. Eta sententziaren ondorioz 30.000 euro itzuliko dizkiote. Azaroaren 7an 25 urte bete ditu Iruñerriko irratiak.


Kanal honetatik interesatuko zaizu: Euskalerria Irratia
35 urteurrena emanaldi berezi batekin ospatuko du gaur Euskalerria Irratiak

1988ko azaroaren 7an egin zuen lehen emisioa Iruñerriko irratiak. Urteurrena aitzaki hartuta, Zentral aretoan “musika eta hitza” uztartuko dituen ekitaldi bat antolatu dute.


Euskalerria Irratiak podcasten aldeko apustua eginen du denboraldi honetan

Irrati urtea astelehenean, hilaren 18arekin, abiatuko dute, albistegiak eta arratsaldeko magazina indartuta. Azaroaren 7an, irratiak 35 urte beteko ditu eta hainbat ekimen gauzatuko  dituzte urteurrena ospatzeko.


Hedabideak publizitate instituzionalik gabe Iruñean
Langa bat gehiago

Kalkulua zehatza da. Iruñeko biztanleen %10,5 da euskalduna. Navarra Sumak gidatutako Iruñeko Udalak publizitate instituzionala lortzeko gutxienez audientzia osoaren %10 izatea exijitu die hedabideei. Euskarazko hedabideek publizitatea lortzeko hiriko biztanle... [+]


Maiaren publizitate banaketaren aurka helegitea aurkeztu du Euskalerria Irratiak

Euskalerria Irratiak helegitea aurkeztu du Nafarroako Auzitegi Administratiboaren aitzinean, Iruñeko Udalaren publizitate instituzionalaren esleipenaren kontra.


Eguneraketa berriak daude