Zenbaki bikoitidun matrikulak dauzkaten autoek debekaturik dute astelehenean Parisko metropoli-eremuan zirkulatzea. Kutsadura atmosferikoa gutxitze aldera hartu du erabakia Frantziako Gobernuak.
Hiriburuan eta inguruko beste 22 hiritan aplikatuko dute neurria. Baldintza metereologikoak bere horretan mantentzen badira, asteartean ere aplikatuko da, kasu honetan zenbaki bakoitidun matrikulentzat.
Neurriak ez die eragingo, besteren artean, auto elektriko eta hibridoei, gutxienez hiru bidaiari daramatzatenei, larrialdi zerbitzuei, taxiei, garraio publikoari eta atzerrian matrikulatutako ibilgailuei.
Bigarrenez hartu du horrelako erabakia Gobernuak. Gaur arte 1997ko urriaren 1ean besterik ez zen aplikatu gidari askoren haserrea piztu duen neurria. Datu ofizialen arabera, trafikoak %20 egin zuen behera egun hartan, eta nitrogeno dioxido emisioak %15 gutxitu ziren.
Frantziako Ekologia ministro Philippe Martinen hitzetan, sei egunez jarraian gainditu egin da mikro-partikulek eragindako kutsaduraren alerta maila.
UMP alderdiak salatu duenez, erabakia berandu hartu du Gobernuak. ACA autoaren klubak ere gogor kritikatu du neurria. Salatu du autoak "errudun bakartzat" jotzen direla, euren esanetan partikulen %18 besterik emititzen ez duten arren.
Egoerari aurre egiteko hainbat alternatiba proposatu du elkarte horrek, esaterako: ibilgailu zaharren ordezkapena laguntzea, trafikoa denbora errealean kudeatzeko sistemak garatzea (aparkatzeko guneak, trafiko seinaleak eta abiadura muga aldakorrak jarriz besteak beste), energiaren konsumo eraginkorra lortzeko programa pedagogikoak babestea, eta hiri-logistika hobetzea (kamioientzako ibilbideak jarriz, besteak beste).
Euro 7 araua, isuriak murriztea helburu duena, aurreikusitakoa baino beranduago sartuko da indarrean: ibilgailu arinen kasuan 2027an eta 2029an astunen kasuan.
Ortuellako udalerria herritarren mobilizazio baten lekuko izan ziren atzo, Barguilla auzoan, Sader enpresaren instalazioa berria jartzeko proiektuaren aurka. Ortuellan Sader Ez auzo-plataformak deitutako manifestazio honetan, Ekologistak Martxanek ere laguntzen duena, fabrika... [+]
Aspaldi ez bezala gure etxean marrubiak (Fragaria x ananassa) jan eta jan ari gara udazkenaren sarrera ospakizun hauetan. Ez da gertaera makala, izan ere udazkena da marrubidian lanerako sasoi nagusia. Marrubidia osatu eta gaztetu edo erabat berritzeko landaketak orain egin ohi... [+]
Osasunaren Mundu Erakundeak (OME) airearen kalitateari buruzko gomendio berriak argitaratu ditu asteazken honetan, 2005az geroztik zituenak baino zorrotzagoak, kutsadurak mundu osoan eragiten dituen urteko zazpi milioi heriotzak geldiarazteko asmoz.
Aire Zaintzaileak ekimenak ezagutzera eman dituen datuen arabera, Espainiako Estatuan neurtu dituzten 28 udalerrietatik Erandio da aire kutsatuena duena, Madril edo Bartzelonaren aurretik. Ikerketa antolatu duten elkarteetako bozeramaileek azaldu dutenez, harrituta daude emaitza... [+]