Autodeterminazio eskubidea eztabaidagai Espainiako Kongresuan

  • Amaiur koalizioak, Kataluniako ERC-k eta Galiziako BNG-k autodeterminazio eskubidearen gaia eramango dute gaur Madrilgo Kongresura, legez besteko proposamen baten bidez. Erreferendumak antolatu ahal izatea bozkatuko dute diputatuek.


2013ko urriaren 08an - 00:00
Azken eguneraketa: 2015-02-26 13:37:33
Errekondo, Iñarritu eta Larreina, proposamena aurkezten.

Galdeketa deitzeko hiru bide aurreikusten ditu proposamenak: erkidegoko gobernuak bere kabuz deitzea, erkidekoko parlamentuak hala erabakitzea, edo bozkatu dezaketen biztanleen %20ak erreferendumaren alde sinatzea. Behin galdeketa eginda, bozkatu dezaketen biztanleen erdiak baino gehiagok parte hartu badu, emaitza loteslea izango litzateke.

Indar soberanista guztien botoak

Amaiurrek adierazi duenez, "indar soberanista guztiek", EAJk eta CIUk barne, proposamenaren alde bozkatzea espero du. Ekimenaren bultzatzaileek ez dute uste proposamena aurrera atera ahalko denik, baina bozketak argi erakutsiko du "Euskal Herriko eta Kataluniako gehiengoak hartutako bidea batetik, eta Estatutakoak hartutakoa bestetik. Gizarte ezberdinak garela erakutsiko dugu", atzoko prentsaurrekoan Xabier Mikel Errekondo, Jon Iñarritu eta Rafael Larreina diputatuek adierazi zutenez.

Errekondoren hitzetan, "herrialde ikuspegiarekin egin behar dugu lan, eta ez eskualde ikuspegiarekin". Autodeterminazioaren gaian "anbiguotasunerako tokirik" ez dagoela azpimarratu zuen.

Iñarrituren gaineratu zuenez, gaia "borondate politikoarekin lotuta dago, ez ekintza juridikoekin".

Gogoratu behar dugu talde mistoko hiru alderdiak erabakitzeko eskubideari buruzko lege proposamena aurkezten saiatu zirela aurretik, baina Kongresuko Mahaiak ez zuen onartu, Konstituzioaren aurkakoa zela argudiatuta. Orain, autodeterminazio eskubidea aldarrikatuko dute hiru alderdiek, horretarako galdeketak egin ahal izatea eskatuz.


Kanal honetatik interesatuko zaizu: Burujabetza
‘Hamarreko bitxia’ ipuin liburu kolektiboa argitaratu du Udalbiltzak

Udalbiltzak 2021etik antolatzen du Geuretik Sortuak sormen beka. Oraingoan, literaturaren alorrari dagokion Hamarreko bitxia ipuin liburua aurkeztu dute Donostian.


2023-12-07 | Kronika
Energia bulegoa ireki da Hernaniko Burujabetzen Etxean, Iturolan

Herritarrei eta Hernaniko enpresei energia aholkularitza eskainiko die.


2023-12-06 | ARGIA
Gaur, abenduak 6, ARGIAn lanean ari gara normaltasunez

Abenduaren 6an Konstituzioaren Eguna ospatzen da Espainiako Estatuan. ARGIAn aspaldi egin genuen hautua gure egutegi propioa landu eta jai inposatzaile eta arrotzak ez onartzeko; horregatik, asteazken honetan normaltasunez ari gara lanean, ez dugulako ezer ospatzeko.


Ekonomialari Euskaldunen III. Biltzarra egingo dute Gasteizen: ura, elikagaiak, energia, garraioa, klima...

Ostiral honetan ekonomialari euskaldunek zita garrantzitsua dute Gasteizko Euskaltzaindiaren egoitzan. Ekonomialarien Euskal Elkargoak eta Udako Euskal Unibertsitateak antolatuta, biltzarra egingo dute hirugarrenez. Euskal Herrian estrategikoak izan daitezkeen hainbat gairen... [+]


Eguneraketa berriak daude