Eskandalu berean inplikatuta zegoen Pablo Zalba PPko eurodiputatu nafarra. Lau urteko kartzela zigorra jarri diote Ernst Stasser politikari austriarrari eskupekoak onartzeagatik.
Stasser Austriako alderdi kontserbadore popularreko kidea (OEVP) 2011ean diru truke Europar Batasuneko (EB) lege bati emendakinak egiten harrapatu zituzten lau eurodiputateutako bat da.
Pablo Zalba Nafarroako PPko eurodiputatuak ere Stasserrek bezala onartu zituen eskupekoak eskandalu berean, beheko bideoan ikus daitekeenez. Finantza inbertsioen inguruko lege europar bati zuzenketa aurkezteko prest agertu zen 100.000 euroren truke.
Europako Iruzurraren Aurkako Bulegoko ikerketak errugabetzat jo zuen Zalba.
The Sunday Times egunkariko erreportariek, finantza erakunde bateko ordezkari gisa jokatu zuten eta Europar Batasuneko legeei zuzenketak eskatzearen truke dirua emango zietela esan zieten hainbat eurodiputaturi.
Kartzela zigorra ezarri dioten Stasserrek salaketak gezurtatu zituen bere momentuan. Fiskaltzak berriz, Europako Parlamentuko legedian eragiteagatik 100.000 euroko ordainsariak eskatu zituela adierazi zuen.
Bere abokatuak helegitea jarriko duela adierazi du eta horren erantzuna jaso arte Stasserrek ez du kartzelara joan beharko.
Alexandra Maruna akusazioko kideak adierazi du Stasserrek “politikari europarrak kaltetu dituela” eta zigortu egin behar dutela funtzionario hautatuen konfiantzaz baliatu izanagatik.
904.000 milioi euro. Hori da ustelkeriaren kostua urtean Europar Batasunean, 2020an egindako ikerketa baten arabera. 2008. eta 2020. urteen artean 3.743 ustelkeria kasu plazaratu ziren komunikabideetan Espainiako Estatuan, horietatik 109 Hego Euskal Herriari zegozkien. Atzera... [+]
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
EH Bilduren helegite baten bidez, Gipuzkoako Lurralde Auzitegiak berriz ireki du Bidegi auziko bi kereiletako bat, AP1 autobidearen Eskoriatza-Arlaban zatiari dagokiona. Pasa den irailean Azpeitiko epaitegiak erabaki zuen kasua behin behinean artxibatzea. Orain, auzitegiak... [+]
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]
Ustelkeriaren kontrako Espainiako Estatuko fiskalak berretsi du Iberdrolak argindarraren prezioa manipulatu zuela 2013an, eta urtegietatik ura kentzen aritu zela frogatutzat eman du, konpainia elektrikoaren kontra egiten ari diren epaiketan.