Austeritateari aurre egiten hasi da Portugalgo gobernu berria

  • Errenta aitorpenari aplikatzen zaion %3,5eko zerga murriztuko duela iragarri du Portugalgo gobernu sozialistak. Krisi ekonomikoaren eta finantza erreskatearen ondorioz abian jarritako austeritate neurriei buelta ematea helburutzat finkatu du exekutiboak. Aipatu neurriak estrategia horri erantzuten dio, Herald Standard kazetak jaso duenez, zergaren murrizketak jendeak patrikan diru gehiago izatea ahalbidetuko baitu.


2015eko abenduaren 18an - 10:28
Antonio Costa, Portugalgo lehen ministroa.

Gai fiskalen estatu idazkari Fernando Rocha Andraderen arabera, urtean 7.000 euro baino gutxiago irabazten dituzten familiei zerga osoki kenduko zaie, eta 7.000 eta 20.000 euro arteko diru-sarrerak dituztenei %1era murriztu. Etxeen %20 inguru leudeke bi kasu horien barruan.

Soilik urtean 80.000 euro baino gehiago irabazten dituztenei –12.000 familia inguru–mantenduko zaie %3,5eko zerga. Rocha Andraderen esanetan, neurriak osotara 430 milioi euroko kostua izango du Estatuko Altxortegiarentzat.  


Kanal honetatik interesatuko zaizu: Portugal
Eskuinak irabazi ditu Portugalgo hauteskundeak, eta eskuin muturrak emaitzak laukoiztu ditu

Eskuin muturrak elkarrekin gobernatzeko gonbita luzatu dio eskuinari. Luis Montenegro irabazleak adierazi du hauteskundetan egindako promesari eutsiko diola, eta bakarrik gobernatuko duela. Alderdi Sozialistak gainbehera handia izan du.


Tasa gehigarria ordaindu beharko dute etxebizitza turistikoek Portugalen

Mas Vivienda programaren parte dira neurriak, “etxebizitzarako sarbidea errazteko” asmoz hartuak. Besteak beste, %15eko tasa gehigarria ordaindu beharko dute etxebizitza turistikoek eta etxeen erosleentzat bidaiatzeko urrezko bisa murriztuko du.


Suteek 43 hildako eragin dituzte Mediterraneo inguruko herrialdetan

Tenperatura altuek eta lur eremu lehorrek eragin dituzte suteak asteartean. Ondorengo herrialdeak izan dira kaltetuenak: Kroazia, Aljeria, Tunisia, Siria, Italia, Grezia eta Frantzia. Azken orduetan, Portugalen eta Kanariar Uhartean ere zabaldu dira suteak.


Eguneraketa berriak daude