Aurten badakigu zer egin Euskararen Nazioarteko Egunean

  • Aurten gehiegi pentsatu beharrik ez dago, zer egingo dugu bertso saioa, ginkana, txokolate jana, mosaikoa, lipduba? Horiek ere egingo dira, baina herri dezentetako herritarrek eta euskalgintzak motorrak berotuta dituzte. Kalera aterako dira egun osoz euskaraz egiteko asmoz.

Onintza Irureta Azkune @oirureta
2017ko abenduaren 01a
Aiaraldean aktibazio ekimena bultzatzen. Argazkia: Bego Guillen.

Errodajerik handiena Egia, Añorga, Hernani, Donostiako Piratak, Lasarte-Oria, Astigarraga, Agurain eta Arrigorriagakoek daukate. Herri horietan, hainbat egunez hizkuntza ohiturak aldatzeko saioak egin zituzten.

Herritarrek eta euskalgintzak oso baliagarritzat jo dute ekimen hori eta 2017an herriz herri zabaldu da. Hainbat herrik 2017ko hondarrean, abenduaren 3ko Euskararen Eguna baliatuz, eguneroko bizitzan etenik gabe euskaraz aritzeko hautua egin dute. Abenduak 3 egun sinbolikoa izango da haientzat, erronka baten amaiera, eta garrantzitsuena egun horietan natural-natural euskaraz aritu izana da, auzoko dendariarekin, euskaraz gutxitxo egiten duen lehengusuarekin, sekula euskarari heltzen ez dion lagunarekin. Herri dezentetan azaroaren 27an hasi ziren ekimenarekin eta abenduaren 3an bukatuko dute.

Euskaltzaleen Topagunea ari da ekimenen bilketa egiten eta 2017ko hondarrean ekimena egin duten edo egiten ari direnen zerrenda (den-denak ez dira) azaldu du: Donostian Intxaurrondo eta Altza auzoak, Deustu, Aiaraldea, Lizarra, BAM (Baiona-Angelu-Miarritze) eta Derio.

Abenduaren 3aren bueltan aurten aktibazio sozialeko ekimenak egiten ari diren asko 2018ari begira ari dira. Izan ere, hizkuntza ohiturak aldatzeko ekimena instituzioei ere gustatu zaie eta besteak beste, Topaguneak eta Eusko Jaurlaritzak bat egin dute 2018ko urte bukaeran antzeko ekimena antolatzeko. Euskal Herri osorako deialdia da eta Topagunea deialdia ontzat hartu eta batzordeak sortzen ari diren herrien zerrenda egiten hasia da. Aipatu berri ditugun herriez gain ondoko udalerrietan sortu dira batzordeak 2018ko Euskaraldia ekimena prestatzeko: Arabako lautada, Getxo, Elgoibar, Iruñea, Bilbo, Gasteiz, Soraluze, Atarrabia, Errenteria, Ermua, Lasarte-Oria, Baztan, Tolosaldea eta Durango.

Egiatarrek antolatu zutenaren moduko ekimenen berri izan nahi baduzu Egia eredua kanalera jo dezakezu.


Euskararen Nazioarteko Eguna kanaletik interesatuko zaizu...
2017ko Euskararen Eguna Valentzian
MULTIMEDIA - bideo herrikoia

Valentzian ere ospatu dute Euskaren nazioarteko eguna. Euskal dantzen ikastaroa, mintzagune mailakatua, kanta herrikoiak, Argia aldizkariaren aurkezpena eta ale banaketa, euskal musika... Mediterraneo aldean ere euskara bizirik dagoela erakutsi nahi izan dute.


2017-12-05 | Euskal Irratiak
Euskararen Nazioarteko Egunaren jatorriaz, Peio Etxeberri

Zergatik ospatzen dugu abenduaren 3a? Noiz sortu zen Euskararen Nazioarteko Eguna ospatzeko ideia? Peio Etxeberrik xehetasunak azaldu dizkigu.


2017-12-04 | Miren Osa Galdona
Euskararen eguna: ezberdinen arteko elkarlana ardatz aurrera jarraitzeko

Herri ekimenez eta ekitaldi instituzionalez bete dira Euskal Herriko txokoak Euskararen Nazioarteko Egunean. Iñigo Urkullu lehendakariak “hizkuntza ohiturak” aldatu behar direla nabarmendu du.


2017-12-01 | Antxeta Irratia
Jaurlaritzari hizkuntza perfilak berraztertzeko eskatu dio Irungo PPk, lanpostu publikoetan euskara traba delakoan

Irungo PP alderdiak hartu du hitza gaur, gazteleraz, denok aho bete hortz uzteko. Muriel Larrea, popularren bozeramaleak euskara ez dakitenek, berdin irundarrak eta euskal herritarrak edo baskoak direla aldarrikatu du, eta euskara eremu politikotik aldendu beharra dagoela nabarmendu du. Bestalde, Eusko Jaurlaritzari hizkuntzak perfilen sistema berraztertu beharko lukeela dio, lanpostu publikoetan, "euskara traba delako".


2017-01-26 | ARGIA
Abenduaren 3a 'Euskadiren Eguna' izendatzeko proposamena eztabaidatuko dute Eusko Legebiltzarrean

EH Bilduk aurkeztutako proposamenak dio datarik egokiena dela, “euskara euskal herritarron batasuna  sinbolizatzen duen ikur nagusia izanik”. EAJ abstenitu egin da eta PSE eta PP tramitazioaren aurka azaldu dira.


2016-12-05 | Pako Sudupe
Euskararen Egunaren biharamuna eta bestondoa!

Euskararen Nazioarteko Eguna iragan da. Alexander von Humboldten duela berrehun urteko iragarpena ez da oraindik bete. Alabaina, ezin ezkutatu zein soziologia espainola dugun Hegoaldean eta zein frantsesa Iparraldean! 


Euskararen Eguna, batzuentzat anekdota huts

Abenduaren 3 da Euskararen Eguna. EAEko Hizkuntza Politikarako Sailburuordetzak duela egun batzuk egin zuen adierazpen instituzionala. 700dik gora atxikimendu ditu. ELA eta LAB sindikatuek egin dute adierazpenaren kritika gogorrenetakoa. “Egia Euskaraz” estiloari segika, hainbat herritan euskaldunak aktibatzen ari diren eragileentzat berriz, esperientzia interesgarri baten helmuga baino ez da Euskararen Eguna.


2016-12-01 | Ainhoa Bretos
Euskara sustatzeko kanpaina abiatu dute komunikazio zientzietako hainbat ikaslek

Abenduaren 2rako egitaraua prestatu dute arduradunek. EHUko Leioako Campusean egingo dituzte ekitaldiak.  


2016-11-29 | ARGIA
Lan mundua euskalduntzeko egitasmo pilotua abiatuko dute ELAk eta LABek Urola Kostan

Lan mundua euskalduntzeko bidean egitasmoa bateratua aurkeztu dute ELA eta LAB sindikatuek, Euskararen Nazioarteko Egunaren (abenduak 3) ingurumarian. Azaldu dutenez, 2017ko urtarrilean jarriko dute martxan proiektu pilotua, Urola Kostan, eta Kontseiluarekin batera jardungo dute egitasmoa aurrera ateratzeko.


Azkenak
EGILEA
Eguneraketa berriak daude