Atzerriko kazetariak, adi honi: Espainiari buruz ondo hitz egiteagatik dirua eman nahi dizue Moncloak
Espainiako Atzerri Ministerioak Vianako Jauregia Kazetaritza Saria sortu du, Espainiako Estatuari buruzko irudi positiboa ematen duten atzerriko kazetarientzat. Kataluniako urriaren 1eko erreferendumaren kontra erabilitako bortizkeriak nazioarteko medioetan asko kaltetu zuen Rajoyren exekutiboaren irudia eta horri aurre egiteko mugimendua dirudi.
12.000 euro jasoko ditu Espainiaren “izen ona” zabaltzen ekarpen handiena egiten duen atzerriko kazetariak. Beste 12.000 poltsikoratuko ditu prentsa idatzian Espainiaren atzerri-politikaz “artikulu onena” idazten duenak. Eta beste 12.000, kontzeptu bereko irrati edo telebista saioak saritzera bideratuko dira.
Sariek kritika gogorrak jaso dituzte berehala, tartean The Times egunkari britainiarrean Graham Keeleyk argitaratutako artikulua. Keeley da, hain zuzen, egunkari horren korrespontsala Madrilen eta argi adierazi du bere jarrera: “Espainiak ez du bere irudia hobetuko kazetariei dirua ematen” du titularra asteazken honetan publikatu duen artikuluak.
Keeleyk azaldu du kazetariek atsegin dutela sariak irabaztea: “Gure ego ahulei masajea ematen diete”. Baina kasu honetan, bere burua errespetatzen duen korrespontsal batek irabazi nahi ez lukeen saria dela adierazi du, kopuru ekonomikoa txantxetakoa ez den arren.
Gazako inbasioak aurrera darrai, Israelgo Gobernuaren aliatu estrategikoak direlako Mendebaldeko gobernuak, eta beraz, herrialde horietako hedabide nagusiak. Israel biktima bezala aurkezteko asmoa ondorioztatzen da diskurtso nagusien azterketa semantikoa eginez gero. Eta hala... [+]
Hauteskundeetan eragiteko edo bestelako helburuekin, zibernetikoki manipulazioa eta desinformazioa sustatzen, dokumentuak faltsifikatzen edota zuzenean dokumentuak lapurtzen ditu Tal Hanan enpresari israeldarrak. Ikerketa kazetaritza lan batek eman du argitara, eta Kataluniako... [+]
Carla Simóm zuzendariaren Alcarràs filma arrakasta izaten ari da, eta asteartean jakinarazi zen Oscar sarietarako hautagaia dela. Berria ezagutu eta gutxira, filmari izena ematen dion Kataluniako herriari buruzko Wikipedia orrian Urriaren 1ari buruzko... [+]
Miliziak armatu eta zibilak lehergailu inprobisatuak egitera animatzen ari dira kazetariak, normalean terrorismo gisa hartzen dituzten ekintzak.
Artikulu hau Middle East Eyek argitaratu du, hemen ikusi originala.
Madrilgo hauteskunde-kanpainan VOXek karteletan polemika eragin du adingabe migartzaileen aurka bete-betean jo duelako. Azken egunetan kartel honen edukia eta irudiaren atzean dagoen manipulazioa agerian geratu da.