Atxilotze agindua jaso dute Leioako istiluen harira inputatutako sei gazteek
2016an EHUren Leioako campusean izandako protesten ondorioz inputatutako sei gazteek epailearen aurrera joateari uko egin diote, ondorioz deklaratzera eramateko atxilotze agindua jaso dute.
2016ko apirilaren 26an manifestazioa egin zuten Leioan San Mameseko Herri Unibertsitatean izandako gertakarien harira, unibertsitateari exigitzeko hainbat ikasleren kontra zabaldutako zigorrak bertan behera utzi eta indar polizialak fakultateetatik kanpo gera zitezela. Manifestazioan zehar izandako istiluen ondorioz hainbat ikasle atxilotu zituen Ertzaintzak eta orain inputatu egin dituzte.
Gazteok epailearen aurrean ez agertzea erabaki dute eta jakinarazi dutenez orain deklaratzera joateko atxilotze agindua jaso dute. Ikasle Abertzaleak erakundeak bere Twitter kontuan sei inputatuen idatzia zabaldu du: hauen esanetan manifestazio hark izaera politikoa zuen eta horregatik "erreprimitu, atxilotu eta epaituko gaituzte". Ikasleek ez dituzte inputatzen dizkieten karguak "onartzen" eta "autodefentsa mekanismoak" sortzen jarraitzeko deia egin dute.
Deklaratzera joateko atxilotxe agindua jaso dute Leioako 6 inputatuek, 2016ko Apirileko istiluen harira. Animo gazteak!
Elkartasuna, antolakuntza, batasuna eta iraultza! pic.twitter.com/zKWOU9qxqc
— Ikasle Abertzaleak (@IAbertzaleak) 2017(e)ko azaroak 16
Grebara jo dute bigarren hezkuntzako, lanbide heziketako eta unibertsitateko ikasleek. Ikastetxeen ohiko jarduna gelditu eta kaleak hartu dituzte “negozioen eta inposizioen” hezkuntzaren kontra Bilbon, Donostian, Gasteizen eta Iruñean. Goizeko aurreneko... [+]
Ikasle Abertzaleak taldeak grebarako deia egin du martxoaren 20rako. Negozioen eta inposizioen hezkuntza borrokatu goiburuarekin manifestazioa ere eginen dute 12:00etan Iruñeko Foruen Plazatik aterata. Unibertsitatera sartu aurretik eta goi mailako ikasketak egiterako... [+]
Asteazken gaueko gertakariak salatzeaz gain, Polizia unibertsitatetik “kanporatzea” exijitzeko eta EHUren “erantzukizuna” seinalatzeko mobilizazioa egin dute.
Eusko Legebiltzarraren aurrean elkartu dira Ikasle Abertzaleak-eko kideak martxoaren 13rako ikasle grebara deitzeko. “Azken hilabeteetan borroka prozesuak martxan jarri ditugu Euskal Herriko ikastetxe eta campusetan eta, orain, pausu bat gehiago emateko unea dela uste... [+]
Sabai zati bat erori da berriki EHUren Ibaetako campusean, eta ez da lehen aldia. Azpiegituren "egoera kaskarra" salatu dute, itogin ugari eta berogailu matxuratuak tarteko (ikusi irudiak albiste bukaeran). "Arazoei aurre egiteko aurrekontua egina zutela esan... [+]