Bezeroei ustez erasoak egiteagatik, tatuatzaile bat atxilotu du Udaltzaingoak Donostian. Astelehen arratsaldean gertatu da, sare sozialetan bederatzi pertsonek tatuatzailea salatu ostean.
Pasa den astean emakume batek erasoaren berri eman zuen sare sozialetan. Oihartzun handia izan du mezuak. Guztira, bederatzi dira; ia guztiak emakumezkoak.
Mezuak zehazten duenez, dendan sartu bezain laster hitz “probokatzaileak” entzun behar izan zituen emakumeak – sexuarekin lotutakoak – eta tatuajea besoan bazen ere, ipurditik nahiz aldaketatik “sendo heldu” ziola adierazi zuen. Hainbat salaketek ondorio penalak izan ditzaketenez, epailearen esku utzi dute kasua.
Mugimendu feministak erantzuna eman die erasoei: pintadaz eta kartelez bete dute dendaren kanpoaldea. “Erasorik ez erantzunik gabe”, “alde hemendik” eta “zerria” bezalako mezuak idatzi dituzte, salaketa jarri duten emakumeei bakarrik ez daudela adierazteko.