Atxikimenduak biltzen jarraitzen du Parisko presoen aldeko martxak

  • Larunbatean milaka euskal herritarrek manifestazioa egingo dute Parisen, presoen eskubideen alde. Frantziako Gobernuari pausoak eman ditzala eskatu diote bost parlamentarik, Frantziako Asanblea Nazionalean.

Andoni Mikelarena @andonimik
2017ko abenduaren 07a
Arg: Bakearen artisauak

62 euskal preso daude egun Frantziako kartzeletan, horietatik 29k erregimen berezia (DPS) dute. Asteazken arratsaldean Frantziako Asanblea Nazionalean zenbait parlamentarik  egindako prentsaurrekoan Frantziako Gobernuari eskatu diote euskal presoei ohiko legedia aplikatzeko. Azaroan zazpi euskal presori kendu zieten DPS estatusa.

Vincent Bru (Modem-eko diputatua), Florence Lasserre-David (Modem-eko diputatua), Frédérique Espagnac (Alderdi Sozialistako senataria), Max Brisson (Senatari Errepublikanoa) eta Denise Saint-Pé (Senataria) atera ziren prentsaurrera Asanblea Nazionalean. Dagoeneko mila hautetsi baina gehiagoren atxikimendua lortu dute larunbateko manifestaziorako.

“Presoen Luhuso” bihurtu nahi dute Paris Bakegileek. Behin ETAren armagabetzea eginda euskal presoen egoera konpontzeko beharra ikusi zuten, eta horretarako Frantziako Gobernua mugi arazi nahi dute.  Aldarrikapen horien bueltan eragile eta norbanako ugariren babesa jaso dute, azkenak, Christiane Taubira, Alain Lamassoure eta François Bayrou izan dira.

Informazio praktikoa 

12:30etan hasiko da manifestazioa Montparnasse tren geltoki ondoan. 11:30etan elkarretaratzea egingo dute “18 juin 1940” plazan. Manifestazioa abiatu bitartean Euskal Herritik iritsitako autobusei, trenei, eta espetxe martxari ongi etorria egingo diete. Aurreko egunetan Paris eskualdeko espetxeetan zehar martxa bat egingo dute.

Manifestaldian ez da animaziorik faltako. Joaldunak, txarangak, txistulariak, dantzariak… izango dira ibilbidean zehar. Horiez gain kamioi bat ere izango da, Bad Sound System, Fermin Muguruza eta Oreka TX igoko dira bertara besteak beste. 15:00etan amaituko dute elkarretaratzea. Amaitzeko gaualdia ere antolatu dute Pariseko euskal etxean.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Espetxe politika kanaletik interesatuko zaizu...
2018-07-08 | Lander Arbelaitz
Orain Presoak dinamika
"Salbuespen legedia alde batera utzi behar du Espainiako Estatuak"

Sara Majarenas (1980, Donostia) eta Felix Arrietarekin (1982, Donostia) bildu gara. Sarek bultza duen Orain Presoak dinamikan parte hartzen ari dira. Lehena preso ohia eta indarkeria matxistaren biktima, orain bi hilabete askatu dute; bigarrena, Deustuko unibertsitateko irakaslea da. Lau aldarrikapen zehatzen inguruan babesa bilatzen ari dira eta urriaren 20rako manifestazioa deitu dute Bilbon. Espainiako Estatutik aldaketaketor litezkeela sumatzen den egunetan mintzatu gara beraiekin.


Grande Marlaska tortura salaketen inguruan: "Egia bakarra egia judiziala da"

Espainiako Barne ministro Fernando Grande Marlaskak, zalantzan jarri du Eusko Jaurlaritzako tortura salaketen gainean egindako txostena. Eta gaineratu du ez dagoela ebazpen judizialik 4.000 edo 5.000 tortura kasuak eman direla esaten duenik.


2018-07-02 | ARGIA
Hegoaldeko sindikatu guztiak presoak hurbiltzearen alde azaldu dira

Eusko Legebiltzarrean ekainaren 13an eta Nafarroako Parlamentuan ekainaren 29an erdietsitako akordioen ondoren, Hego Euskal Herriko sindikatu guztiek espetxe politikaren aldaketa eta presoen hurbilketa eskatu dute.


2018-06-29 | ARGIA
Bizikleta martxa presoen egoera larria amaitzeko

Sarek euskal presoen salbuespenezko egoera aldatzeko helburuz bizikleta martxa bat antolatu du uztailaren 20tik 23ra bitartean. Txirrindulariak Landestako Mont-de-Marsango espetxetik aterako dira eta Arabako Zaballan amaituko da.


Euskal preso politikoen egoeran aldaketak iradoki ditu Pedro Sanchezek

Presidente bezala eman du bere lehen elkarrizketan Euskal Herriko eta Kataluniako preso politikoen egoeraz hitz egin du Espainiako Telebista publikoan.


2018-06-14 | ARGIA
Asier Ezeiza preso hernaniarra Mont-de-Marsan espetxera hurbildu du Frantziako Gobernuak

Tarascon kartzelan izan da Asier Ezeiza azken urtea, bere sorterritik 750 kilometrora, eta orain Mont-de-Marsenera aldatu dute Etxerat Elkarteak jakinarazi duenez.


2018-04-24 | Joxe Aldasoro
"Seme" proiektua

“Haurrek eskubideak dituzte eta, helduok, eskubide horiek betearazteko obligazioa” dio Francesco Tonucci psikologo eta ikerlariak.  Proiektuak helburu horixe du: Etxarriko haur baten eskubideak gauzatzea.


2018-04-06 | ARGIA
Beste bi euskal preso gerturatu ditu Frantziako Estatuak

Arkaitz Agirregabiria eta Iurgi Garitagoitia euskal preso politikoak Lannemezango espetxera lekualdatu dituzte, Etxeratek jakinarazi duenez. Agirregabiria Fresnesen zegoen preso, 930 kilometrora, eta Garitagoitia Poissyko espetxean, 950 kilometrora.


2018-04-05 | Hala Bedi
Dispertsioak eragindako urteko hirugarren istripua salatu du Etxeratek hiriburuetan

Dispertsio politikak Ibon Goieaskoetxea euskal preso politikoaren senideen istripua eragin zuen Aste Santuan. Elkarretaratzeak egin ditu Etxerat Elkarteak hiriburuetan.


2018-03-28 | Axier Lopez
Beste "motxiladun haur" bat jaio da espetxean

Irati Etxebarria Zapirain jaio da Aranjuezeko kartzelan. Guraso biak preso ditu haur jaio-berriak eta momentuz amarekin dago etxetik 500 kilometrotara, Sare ekimenak jakitera eman duenez.


Azkenak
EGILEA
Eguneraketa berriak daude