Guztira 55 emakumeri egin dizkiete elkarrizketa berezi eta patxadatsuok Aitziber Zapirainek eta Mirari Martiarenak, Arrosa Sareko irratietan. Bi esatariek eta Nekane Zingunegik elkarri eginiko elkarrizketek itxiko dute zikloa.
"Emakumeak eta euren lana erdigunera ekartzea izan da Amapola Morearen helburua" adierazi digu Mirari Martiarenak: "Gonbidatu guztiek utzi dute gugan zerbait, oso pozik eta eskertuta gaude horrekin. Eta Argiako Saria jasota ze esanik ez!". Bi esatarien proiektu pertsonala izan da Amapola Morea, beren lanetatik aparte egindakoa.
Elkarrizketa bereziak dira, ordubetekoak, eta bukaera ere berezia izango zela erabaki zuten: "Saioa hasi genuenean garbi genuen noizbait bukatzekotan elkar elkarrizketatuz izango zela eta norbaiti laguntza eskatzekotan Nekane Zinkunegiri eskatuko geniola". Duela 15 egun Aitziber Zapirain elkarrizketatu zuten Zinkunegi eta Martiarenaren artean, eta asteazkenean Mirari Martiarena elkarrizketatuko dute beste bi kideek.
Amapola more artean, zebra
Nekane Zinkunegi Arrosa Sarean Zebrabidea saioa gidatu duen esataria da, eta berak ere aurreko ostiralean agurtu zuen Zebrabidea. Saioa irailean itzuliko dela iragarri zuten, beste ahotsen batek gidatuta. Berezia izango da, beraz, hiru hauen elkarrizketa entzutea.
Arrosa Irrati Sareak Nafarroan ospatuko du lehen aldiz komunikazio librearen aldeko eguna. Mende laurdena bete berri duen Esan Erran irrati txikian dute hitzordua, apirilaren 13an, Basaburuan. "Guretzat elkartzeko egun bat da, elkar gehiago ezagutu eta elkarlanaz... [+]
Ikasturtearen hasieran zibereraso bat jasan eta hainbat astez webgunea berreskuratzeko lanetan jardun ondoren, bueltan da Hala Bedi irratiaren web orria. Dagoeneko hasi dira ohiko edukia argitaratzen: Arabako aktualitate albisteak, magazinen edukiak, irratsaioen podcastak,... [+]
Hala Bedi Irratiak 40 urte bete dituela ospatu zuen abuztuaren 6an, lau hamarkada lehenago lehen irrati emisioa egin zuen egun berean.