Astean ezagutuko dira Kataluniako erreferendumaren data eta galdera

  • Aste erabakigarria izango da honakoa erreferendumaren bidean: astearte honetan bilduko da Erreferendumaren Aldeko Itun Nazionala eta, seguruenik, Generalitateak bihar ezagutaraziko ditu erreferendumaren data eta galdera.


2017ko ekainaren 06an - 09:16
Kataluniaren erabaki eskubidearen aldeko guztiak biltzen ditu itunak.

Gaur arratsaldean bilduko da Erreferendumaren Aldeko Itun Nazionala Kataluniako Legebiltzarrean eta, seguruenik, Ignasi Elena plataformako lehendakari eta PSCko parlamentari ohiak bukatutzat emango du bere lana. Horrek, dena den, ez du esan nahi desagertu egingo denik, 500.000 sinadura bildu ditu erreferendumari sostengua emanez eta aurrera begira ere zaintza lanetan geratuko da, behar denean bildu eta subiranismoari babesa emateko.

Bilkuran Kataluniako alderdi independentista eta subiranistak bilduko dira eta ikusgai da En Comú-k zer egingo duen, aldebakarreko erreferenduma sostengatu ala ez. Ada Colauren alderdiak orain arte defenditu du erreferenduma adostua egin behar zela eta ezin bada, horrela izan dadin lan egitea. Hainbaten ustez, ordea –tartean Vicent Partal Vilawebeko zuzendaria– En Comúkoek dagoeneko egin dute hurbilketa bat aldebakarreko erreferendumerantz.

Urriaren 1ean edo 8an

Erreferenduma ordea adostua dago jada eta esaten da Carles Puigdemontek eta CUPek data ere finkatua dutela jada. Seguruenik asteazkenean jakinaraziko dira dataren eguna eta galdera. Gobernua urriaren 1ean edo 8an egitearen aldekoa da, irailaren 24an Bartzelonako patroia den Marcéren jaia delako. Beste iturri batzuen arabera, eguna eta ordua ostiralean jakinaraziko dira.

Galderari dagokionez, “bakarra eta argia” izango dela azpimarratu du sarri Puigdemontek. Esate batera, Aljazeera telebista katean egindako elkarrizketa batean balizkoak izan litezkeen batzuk bota zituen: “Nahi al  duzu Katalunia estatu independentea izatea?” “Nahi al duzu Katalunia errepublika independentea izatea?”. Eta Espainiaren adostasunarekin izatekotan halako zerbait ere izan zitekeela zioen: “Nahi al duzu Kataluniak Espainian jarraitu dezan?”, baina azken horretako moldekoak baztertuak dira jada, joan den astean Madrilek erreferendum adostua guztiz arbuiatu ondoren.

Aste garrantzitsua izango da hau, erreferendumaren data eta galdera ezagutzeaz gain, igandean ANCk, Omniumek eta Independentziaren Aldeko Udalerriek ekitaldi subiranista antolatu dutelako erreferendumari babesa emateko. Generalitatearen aldetik une honetan zalantza bat da nagusi: ea Espainiako Gobernuak indarra erabiliko duen erreferenduma egin ez dadin. Espainiako Gobernuak aspaldi esana du ez dela egingo eta erabili beharreko legezko bitartekoak erabiliko dituela horretarako.


Kanal honetatik interesatuko zaizu: Katalunia independentziarantz
Junts-PSOE akordioa
Amnistia legea eta negoziazio mahai berria, legealdi akordioaren truke

Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.


'La Directa' babestu dute ARGIAk eta beste hainbat hedabidek: "Kazetaritza ez da terrorismoa"

La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]


La Directako kazetari bat ere "terrorismoagatik" inputatu dute Tsunami Demokratikoaren auzian

Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]


Puigdemont eta Rovira inputatu ditu Auzitegi Nazionalak Tsunami Demokratikoagatik

Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.


Jordien indultua egokia dela onartu dute eta Miquel Buch kontseilari ohia lau urtera zigortu

Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]


Eguneraketa berriak daude