Aske izan nahi duten gorputzak

  • Gure gorputza, gure erabakia egin dute oihu milaka lagunek Golem Zinemetatik abiatutako manifestazioan. Eta ez, ez da frankismo garaiko protesta baten kronika, gaur arratsaldean Iruñean egindako mobilizazio masiboarena baizik.

Saioa Alkaiza Guallar @SaioaAlkaiza
2014ko apirilaren 05a
Abortatzeko eskubidearen aldeko performancea egin dute erizainek jantzita. (Arg: Dani Blanco)

Adin guztietako pertsonak batu dira Donibane eta hiriko zentroa elkartzen dituzten kaleetan. Amalgama feminista polikromatikoak hartu du Baiona etorbidea. Izan ere, deialdian feminismoak batu dira horrela, pluralean, nor bere ertzetik abiatu eta bateragune den gorputzaren askatasunaren aldeko borroka zaharra berriz azalerazteko.

Ordua heldu da: 17:30ean. Eta gain egin dute norbanakoek. Gain egin du kolektibotasunak. Libre eta desiratutako amatasuna eta Ospitale publikoan abortatu nahi dugu aldarriak bota dituzte koloretako peluken jabeek.

Bollerak edo ama solterak

Abortatzeko eskubidearen aldeko protesta izanen zela irakurri ahal izan dugu hedabideetan. Eta hori ere izan da, baina ez hori bakarrik. Gallardonen lege egitasmo atzerakoia haserre kolektiboaren jo puntuan egon arren, gorputzak territorio libreak direla aldarrikatzeko gunea izan da.

Lesbianak ama izateko eskubidea dutela aldarrikatzeko tokia, amatasuna bera jendartearen ongizaterako derrigorrezko zerbitzu bezala ezbaian jartzeko unea… Finean, erabakitzeko eskubidearen aldeko zita.

Sarasate Pasealekura19:00ak aldera iritsi da jendetza. Batzuek Opus Deiren hiri nahi duten honetan, sexu eta ugalketa autonomiaren aldeko garrasiek hartu dute kalea. Oholtzatik abortua kode penaletik kentzeko exijitzeko oharra irakurri dute antolatzaileek, 100 eragile sozial eta sindikal baino gehiagok babestutako manifestazioa izan dela gogorarazi ostean.

Irakurketa eta gero, hasi da egun da santi mamiña eta musika txunteroa batzen dituen abestia bozgorailuetatik ingurua hartzen. Flash mob-a egin dute bertaratutakoek. Pauso arritmikoz edo erritmikoz gorputz ez-normatiboek alai eman diote amaiera protestari.

Pertsona askeez osatutako herri librea eraikitzeko beste pauso bat izan da, askoren aburuz.

Orain, herririk herriko dinamiketan dirau borrokak, antolatzaileek iragarri dutenez. Ekinaldi txikien bidez. Hurrengo deialdia Gasteizko campuseko feministek jakinarazi dute: asteartean hasita, abortatzeko eskubidearen aldeko itxialdiari ekinen diote, ostegunera arte.

Kanal honetan artxibatua: Abortu eskubidea

Abortu eskubidea kanaletik interesatuko zaizu...
Mugimendu feministaren beste garaipen bat

Maiatzean Irlandan egin bezala, Argentinan ere mugimendu feminista garaile atera da Eliza Katoliko atzerakoiaren presioen gainetik. Diputatuen ganbera abortu legearen alde agertu da, hamaika urtean sei aldiz baztertu ostean.


2018-06-14 | ARGIA
Argentinako diputatuen ganbera abortu legearen alde agertu da

22 orduz luzatu da diputatuen arteko eztabaida, hauek zer esango, kongresuaren aurrean jende andana bilduta zegoen bitartean.


2018-05-28 | ARGIA
Abortua despenalizatu dute Irlandan

Irlandako Errepublikako Gobernuak abortu legearen gaineko araudia aldatzeari buruz galdetu die herritarrei ostiralean egindako erreferendumean. Abortatu eskubidearen aldeko aldarria nabarmenki gainjarri zaio kontrakoari.


2018-05-25 | Amaia Lekunberri
Abortatzeko eskubidea eztabaidagai Irlandan

Erreferenduma egingo dute gaur Irlandako Errepublikan, abortua despenalizatu ala ez erabakitzeko.


Aurrera doa Polonian onartu nahi den legea: kartzela zigorra abortatzeagatik

Milaka emakume kalera atera dira asteburuan Varsovian, Poloniako Parlamentua eztabaidatzen ari den abortuaren legeari kontra egitera. Iragan astean, mundu osoko 200 erakunde baino gehiagok legea geldiaraztea eskatu zuten.

 


Irlandarrek abortua debekatzen duen lege zurrunenetako bat iraultzeko aukera izango dute

Abortuaren inguruko erreferenduma egingo dute Irlandan maiatzaren bukaeran, Leo Varadkar herrialdeko lehen ministroak jakinarazi duenez


2017-12-27 | Miren Osa Galdona
Eliza batean abortu eskubidea aldarrikatzeagatik, zigorra Mallorcako bost feministen aurka

Balear Irletako Probintzia Auzitegiak urtebeteko kartzela zigorra ezarri zien Herrialde Katalanetako bost feministei 2014an abortu legearen aurka eliza batean protesta egiteagatik. Errekurtso eskaera bertan behera utziz, Auzitegi Gorenak epaia berretsi du, askatasun erlijiosoaren aurkako ekintza izan zela argudiatuta.


2017-12-15 | Miren Osa Galdona
El Salvadorren 30 urteko kartzela zigorra berretsi diote nahi gabeko abortua izan zuen emakume bati

El Salvadorreko auzitegi batek erdigunean jarri du abortu eskubidearen auzia herrialdean eta  mundu mailan: 2008an Teodora Vazquezi, nahi gabeko abortua izan zuen emakumeari, 30 urteko kartzela zigorra ezarri zioten umekia hiltzeaz leporatuta. Defentsak apelazioa aurkeztu ostean, epaileak berretsi egin du orain zigorra.


Milaka lagunen manifestazioa Dublinen, abortatzeko eskubideari buruzko erreferendumaren atarian

Abortatzeko eskubidearen aldeko Martxak milaka lagun bildu ditu asteburuan Dublinen. Tradizio katolikoak pisu handia du Irlandan eta konstituzioak berak debekatzen du abortua, 14 urtera arteko espetxe-zigorrekin. Datorren udaberri-udarako gaiari buruz erreferenduma iragarri du Gobernuak.


2017-08-22 | Xalba Ramirez
Abortua hiru kasutan despenalizatu egin dute Txilen

Txileko auzitegi konstituzionalak ontzat eman du abortua hiru kasutan despenalizatzeko lege proiektua. Oposizioak hainbat errekurtso jarri ostean hartu du auzitegiak erabakia.


Azkenak
EGILEA
Eguneraketa berriak daude