Aske geratu da AHTri buruzko adierazpenak egiteagatik atxilotutako tolosarra
Xabier Otegi tolosarra astearte gauean aske geratu da. Guardia Zibilak atxilotu zuen, Info7 irratian AHTri buruz egindako adierazpen batzuengatik.
Irratian esandakoekin “terrorismoa goratzea” leporatu zioten. Intxaurrondoko komandantzian deklaratu ostean libre utzi dute, baina diligentziak Espainiako Auzitegi Nazionalera bidaliko dituzte.
Otegiren etxe inguruan AHTk egindako kalteak
Xabier Otegik AHTk kaltetu duen Tolosa-Hernialde zatiko lurjabe gisa parte hartu zuen aipatutako irratsaioan.
Atxiloketaren ondoren, Tolosaldeko AHT Gelditu elkarlanak argitaratutako oharrean tren lasterrak Otegiren etxe inguruan eragin dituen kalteak seinalatu ditu.
Adierazpen askatasun falta ere salatu du mugimenduak: "Onartezina deritzogu, AHT bultzatzen ari direnek egiten dituzten legez kontrako ekintzengatik zigorrik ez izatea eta, AHTren aurkako borrokan ari direnek errepresio lazgarria jasan behar izatea, mugimendua behin eta berriz kriminalizatuz".
Manifestazio jendetsua egin dute Altsasun AHTren lanak gelditzea eta gaur egungo trenbidea hobetzea eskatzeko.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
Muru Artederreta herrian, Murugain izeneko muinoan, Burdin Aroko herrixka baten horma agerian geratu da, AHTren lanentzako laginak hartzen ari zirela. Bizilagunen hango elkarteak salatu du trenarentzako tunel baten ahoa eraikitzeak harresiaren zati bat suntsituko lukeela.
Abiadura Handiko Trenaren inguruan mintzatu dira zenbait ekintzaile asteazkenean Iruñeko Zabaldin osatu duten hitzaldian. Italiako Val Susa bailarako adibidea bertatik bertara ezagutzeko aukera ere izan dute han sortutako mugimenduaren ordezkari bat etorri delako... [+]
Eusko Jaurlaritzako Garraio sailburuak onartu du herritarrak "nekatuta eta haserre" daudela obren iraupenarekin. "Euskal Y" deiturikoaren hormigoizko azpiegituraren lanak 2025ean amaituko direla hitz eman du, baina gaineko egitura guztia eta hiriburuetarako... [+]