Maiatzaren 26an Itziarren atxiloturiko Gabi Daraspe GKSko militante urruñarra ekainaren 1ean atera da kalera, Martuteneko kartzelan sei egun pasaturik. 2018ko kondena etetea onartu dio epaileak. Ikasle greba bateko gertakariak zirela-eta jarri zioten zigorra 2018an.

Ipar Euskal Herriko Kontseilu Sozialistak finkatu manifestazioa mantendua da: ostiralean abiatuko da 19:00etan Baionako San Andres plazatik. Hain zuzen, beste bi auzi dauzka irekita Daraspek bere aurka.