Asian eskean ibiltzen diren turista zuri horiek

  • Malaysia, Hong Kong edo Tailandia bisitatu, eta bidaiarekin jarraitu ahal izateko dirurik gabe geratzean, kale bazterrean eskean hasi. "Begpackers" delakoen fenomenoa geroz eta ohikoagoa da Asia hego-ekialdean. Turista zuriak eskean ikustea "bitxia" dela irizten diote hango herritar batzuek; errespeturik eza aipatuta, kritikoago agertu dira beste batzuk.

Jon Torner Zabala @jtorner
2017ko apirilaren 21a
"Dirurik gabe ari naiz bidaiatzen Asian. Lagundu, faborez", dio turista honen karteltxoak. / Rama Kulkarni

Sarra Grira kazetariak Les Observateurs webgunean plazaratutako kronikako argazkietako batean ikus daitekeenez, Hong Kongen dagoen turista batek, "dirurik gabe" bidaiatzen ari dela-eta, lagundu diezaioten eskatzen du. Beste bi irudiak Singapurren ateratakoak dira. Batean bikote bat ageri da musika jotzen; eta bestean, postaltxoak saltzen. "Munduan zehar egiten ari garen bidaia lagun ezazue", diote oinetan dauzkaten kartelek.

"Harrigarria iruditzen zaigu bidaiarekin jarraitu ahal izateko eskean ibiltzea", dio Maisarah Abu Samah gazteak. "Singapurren, eskean ibili edo kalean gauzak saltzea ez da errespetagarria. Hori egiten duten pertsonek benetako beharra dute. Jakiak erosteko, haien seme-alaben eskolatzea bermatzeko edo zorrak ordaintzeko ari dira eskean, eta ez luxuzko zerbait egin ahal izateko!". Dioenez, Singapurren jende gutxi aritzen da kalean eskean, jarduera hori arautzen duten arau zorrotzak daudelako. "Ikustekotan, hiri erdian ikusiko dituzu, eta ez klase ertaineko auzo bateko autobus geltoki batean".

"Zergatik ez duzu zure etxean gauza bera egiten?"

Louise K. emakume malaisiarrak ekonomia eta genero ikasketak ditu burutuak. Bere iritziz, Mendebaldearen eta Asiako kolonia ohien artean oraindik indarrean dagoen desoreka azaleratzen du jarrera horrek. "Jarrera mota honek agerian uzten du oraindik ere zenbat pertsonak begiratzen dion munduari ikuspegi orientalista batetik. Munduari begiratzeko modu bat zeinak exageratu eta distortsionatu egiten dituen 'ekialdeko' eta 'mendebaldeko' kulturen arteko desberdinatsunak. Asia ikusten dute deskubrimendu espiritualerako leku exotiko baten gisan".

"Horrek guztiak gure kontinentea karikatura bihurtzen du, abenturaz jositako lur mistikoa, beste hitz batzuetan, zurientzako haur-parkea. Autodeskubrimendu bidaian dator jendea hona, esperientzia exotikoak bizitzeko irrikitan. Batzuetan, zera galdetzea gustatuko litzaidake: Zerk eraman zaitu jarrera hau Asian normala dela pentsatzera? Zergatik ez duzu zeure etxean gauza bera egiten?".

Bere hitzetan, fenomeno honek agerian uzten du hegoalde globaleko turismo-industria izugarri kaltegarria dela, eta 'basati zintzoaren' mitoa hauspotzen duela, koloreko pertsonaren estereotipoa, adeitsua eta asmo onekoa dena, baina behartsu eta ezjakina, helburu bakartzat duena gizon zuria zerbitzatu eta bere herrialdera ongi-etorria ematea".

[Les Observateurs webguneko artikulua gaztelaniara itzuli du Pedro Perez Galdosek Borroka garaia da! blogerako]

 

Kanal hauetan artxibatua: Turismo masiboa  |  Asia  |  Neokolonialismoa

Turismo masiboa kanaletik interesatuko zaizu...
Herri boteretik "Euskal Erregimena" borrokatuz

Maiatzaren 19tik 27ra Bizitza Da Handiena kanpaina gauzatu dute Donostian. 63 herri mugimenduk eta sindikatuk “borroka sozialen astearekin” bat egin dute, eta “herritarron kapitala” aldarrikatu dute. Lubaki desberdinek fronte bakarra osatu dute. Ozenen entzun den oihua turistifikazioaren aurkakoa izan da, izan ere, Turismoaren Mundu Erakundeak goi-bilera hirian egin behar zuen egunekin bat egin du mugimendu desobedienteak.


Citizens of Donostia to the World Tourism Organization: "We don't agree"

The Bizitza da handiena ('Life is the Greatest Thing') campaign was held in Donostia from 19th to 27th May. 63 citizens' movements and trades unions joined in with the "social struggle week" and proclaimed the need for a "citizens' capital". Different trenches have made up a single front. The anti-tourism protest got its message across, the World Tourism Organization holding its highest level meeting in city during the same week as the protest movement.


Botereari erronka

Batek sudur gorriak, besteak buruberoki makarra. Trikitixa eta pandero hotsek girotuta, Bizitza Da Handiena asteari bide eman diote. 60 herri mugimendu eta sindikatuk deituta “boteretik herritarren aurka egiten ari diren politikei” aurre egingo diete. Lehen ekintza indartsu gisa, hamasei urtez hutsik izan den zortzi solairuko eraikina okupatu dute Donostiako erdialdean, turistifikazio prozesu basatiaren erdian, 300 lagun kalean bizi diren hirian.  Munduko Turismo Erakundearen... [+]


Turismo-eredu blindatua herri boteretik ziztatzen

Donostiako Idiakez kaleko eraikin okupatuak, Bizitza Da Handiena kanpainako kideek "Herritarron Etxea" izenpetu dutena, zutik dirau, borroka sozialen astearen sinboloak tinko mantendu ditu zimenduak. Zutik dirau Bizitza Da Handiena kanpainak berak, ez baitu imintzio dardaratirik erakutsi hamasei identifikazio, beste hainbeste borra-kolpe eta bi atxilotu jasan izanagatik ere.


2018-05-24 | ARGIA
Azken txanpan sartu da Bizitza Da Handiena: pentsiodunen manifestazioa eta okupazioaren azken gaua

Maiatzaren 19tik 26ra Donostiako kaleetara ateratzeko dei egin du Bizitza da Handiena kanpainak. "Agintetik aurrera eramaten ari diren herritarron aurkako politiken aurka" eta "herritarron kapitalaren alde" egitea du helburu, eta hainbat sindikatu eta herri mugimenduk atxikimendua adierazi dute sare sozialetan. Turismoaren Mundu Erakundea asteartean iritsi da Donostiara, eta Bizitza Da Handienak ekimen ugari antolatu ditu horren kontra.


2018-05-20 | Xabier Letona
Iru˝eko Alde Zaharra: turismo masiboaren atzaparretatik ihesi

Nor ez da turista gure Mendebaldeko gizartean? Gutxi batzuk. Nork ez ditu bisitatu nahi urruneko edo gertuko lekuak? Gutxik. Gero eta gehiago mugitzen gara, horra turismo masiboaren oinarria. Baina jakitun gara eta gero eta kontzientzia handiagoa dago turismo molde honen arazoaz. Iruñeko kasua aztertuko dugu hemen, arazoa larritzen ari da Alde Zaharrean eta bizilagunek eskatzen dute auzoa ostatu turistikoentzako eremu saturatua izendatzea.


2018-05-14 | Zuzeu
Norena da Donostiako Alde Zaharra

Oso txio kate adierazgarria plazaratu du asteon Xabi Muruak, udalak aurkeztutako dokumentu publikoetatik abiatuta, Donostia eta turismoaz mintzo garenean zertaz ari garen jabetzeko.


2018-05-09 | ARGIA
'Bizitza da Handiena' kanpaina
"Borroka sozialen astea" deitu dute Donostian, Turismoaren Munduko Goi Bilera hirian egin bitartean

Maiatzaren 19tik 26ra herritarrei kalera ateratzeko deia egin diete sare sozialen bidez, "Bizitza Da Handiena" lelopean. Bideo bat zabaldu dute.


2018-05-08 | Amaia Lekunberri
Turismoak beroketa globala bultzatzen duela azpimarratu du ikerketa batek

Berotegi efektua eragiten duen gas-igorpen globalaren %8 turismoari dagokiola azpimarratu du garraioa, janaria, ostatua eta bidaiarien erosketak kontutan hartu dituen ikerketa batek, Le Monde Diplomatique-k jaso duenaren arabera.


Azkenak
EGILEA
Eguneraketa berriak daude