Artea merkatal guneko langileen deia gerentziari: errespetatu gure eskubideak

  • Leioako zentro komertzial pribatuko saltokiak lan-hitzarmena ez betetzera “animatu” ditu hango gerentziak, ELAren esanetan. Langileek bilkura egingo dute gaur, eguneroko oztopoekin amaitzea eskatzeko.

Urko Apaolaza Avila @urkoapaolaza
2017ko maiatzaren 24a

Duela 20 urte sortutako Leioako Artea merkatal gune erraldoiak “maila altuko zerbitzuak” eskaintzen ditu, baina hor lan egiten duten pertsonen asebetetzea gero eta eskasagoa dela dirudi. Asteazkenean, eguerdiko 12:30ean langileek bilkura egingo dute ELAk deituta, gerentziaren jokabidea salatzeko.

Sindikatuak azaldu duenez, gerentziak zentroko enpresei eskatu die –109 saltoki baino gehiago daude eta 2.000 langile inguru– ez dezatela sektoreko lan-hitzarmena bete. Merkatal gunea jabeen-erkidego pribatu batek kudeatzen du, eta lokalak alokairuan emateaz gain, haien etekinetatik ere edaten du.

Besteak beste, ELAren esanetan gerentziak saltokiak presionatu ditu udako sasoian larunbata arratsaldez ordu gehiagoz irekitzeko –Ehunen Merkataritzako hitzarmen kolektiboak dioenaren kontrara–, eta Eguberritako egun jakin batzuetan ere gauza bera egiteko eskatu die enpresariei.

Langileek egunerokoan gero eta oztopo gehiago dutela ere salatu dute. Parkingaren adibidea jarri dute horretarako. Langileentzako plazak egoera oso kaskarrean daude, autoek matxurak izan dituzte, lapurretak ere izan dira eta orain arteko sarbidea itxi egin diete: “Jendea oso haserre dago kontu horrekin”, azaldu dio ARGIAri Deiane Arrieta ELAko delegatuak.

Bilkurarekin, hori guztia salatzeaz gain, merkatal guneko langileen arteko batasunean urratsak eman nahi dituzte, “sektorialki oso bananduta” baitago orain.

Kanal hauetan artxibatua: Merkataritza  |  ELA  |  Langile borroka  |  Leioa

Merkataritza kanaletik interesatuko zaizu...
2017-11-10 | Axier Lopez
Bilboko Mercadonak ateak itxiko ditu Udalak legez kontra lur-saila birkalifikatzeagatik

Miribillako Urretxindorra Ikastolaren patioa zenaren lurren kalifikazioa aldatu zuen Bilboko Udalak, Mercadonak bere supermerkatua egiteko. Lurrak legez kontra birkalifikatu zituela ebatzi du EAEko Auzitegi Gorenak. Beraz, supermerkatu kate handiak ateak itxi beharko ditu Bilbon.


Hondarribia-The Village Outlet Shopping, EAJk aurrera atera nahi duen astakeria urbanistikoa

40.000 metro koadro, 100 saltoki, 1.000 autorentzako aparkalekua eta urtean 5 milioi bisitari aurreikusten ditu Zaldunbordan (Hondarribia eta Irun artean) egin nahi duten megaproiektu burugabeak: Espainiako Estatuan Bartzelonak eta Madrilek baino ez duten moduko outlet merkataritza-herri bat. Hondarribiko EAJk burutu duen esleipenaren atzean irregulartasunak eta interes ilunak salatu dituzte.


Zer dago Mercadonaren irabazi ekonomikoen atzean?

Mercadonaren arrakasta ekonomikoaren atzean laneko erasoak, elikagaien inportazioa eta merkataritza txikiaren eragozte eta oztopatzea daudela azaldu du Esther Vivasek bere blogean.


Era askotako enpresak bilduko ditu Ekonomia Solidarioaren IV. azokak Bilbon

Ekonomia Solidarioaren IV. azoka  ospatuko da azaroaren 19 eta 20an Bilboko YIMBY gunean. Merkatu sozialean parte hartzen duten enpresen “erreferentzia gune” izatea du helburu ekimenak.


2016-09-14 | Hiruka .eus
Berangon eraiki gura duten merkatalgunearen kontrako sinadurak biltzen dabiltza

Berangoko Udalak iaz jakinarazi zuen Mercadona supermerkatu katea eta Decathlon arropa denda Landaida Goikoa sektorean ezartzeko baimena emana zuela.


Garbera merkatal gunea handitzeko lehen pausoa eman du Donostiako Udalak

Hiria Antolatzeko Plan Orokorreko (HAPO) izapide berriek ahalbidetuko dute aldaketa. Eremu komertziala 25.000 metro koadro handituko da; beste 80.000 gehiago izango dituzte aparkalekuek.


2016-03-29 | Hamaika Telebista
Merkataritza txikia: herriaren plaza
MULTIMEDIA - Ertzak

Merkataritza txikiaz aritu gara Imanol Esnaola Gaindegiako kidearekin. Nolakoa da merkataritza txikiaren argazkia Euskal Herrian? Zein da bizi duen egoera? Erantzunak erradiografia bat eginez jaso dituzte Ertzak saioan.


2015-11-30 | Sorginak gara
"Jendea arropa kontsumo ikaragarriaz jabetzea nahiko nuke”
MULTIMEDIA - Sorginak

Arroparen berrerabilpena sustatzen duen Tolosako Zu Zeu dendako Lidia Deetz, Sorginak bideo-sortako bigarren alean.


2015-11-11 | Unai Brea
Bidezko Merkataritzaren XIII. Astea, azaroaren 15era arte Bilbon

Bidezko Merkataritzaren Bilboko XIII. Astea egingo da azaroaren 12tik 15era, Bizkaiko hiriburuko Areatzako kaian. Ohi denez, Bilboko Udalak antolatu du ekimena, nazioarteko elkartasunaren eta garapen-lankidetzaren alorrean lanean diharduten hainbat GKEren laguntzaz.


“IKEA efektuaren” beste aldea

Gaindegiak Euskal Herriko denda txikien erradiografia egin du. Azkeneko urteetan %10 jaitsi da herriak bizirik mantentzeko ezinbesteko diren saltoki horien kopurua.


Azkenak
EGILEA
Eguneraketa berriak daude