Arrazakeriari aurre egiteko eskola tailerrei laguntza kendu die Gasteizko Udalak
Eldiario.es egunkariaren arabera, Udalak ekintza hori ez du beharrezko ikusten “Gasteizen ez dagoelako arrazakeriarik”.
Argituz giza eskubideen aldeko elkarteak eta immigrazioaren inguruko gaiak lantzen dituen Norabide zentroak eskola tailerrak antolatu dituzte Gasteizen arrazakeriari eta xenofobiari aurre egiteko. Lehen fasea –helduentzat gizarte etxeetan egindakoa– jadanik bukatuta dago eta orain bigarren faseari ekin behar zioten, ikastetxeetarako egokitutako edukiekin.
Gasteizko Udalak bat-batean finantzazioa kendu die eskola tailer horiei, Eldiario.es egunkariak argitaratu duenez. Argituz elkarteak izena emanda zeuden ikastetxeei ohar bidez azaldu die “erabaki politikoa” izan dela eta ez dagoela batere ados hartutako neurriarekin.
Eldiario.es-en iturrien arabera Udalak erabaki hori hartu du ez duelako beharrezko ikusten halako ekintzarik hirian: “Gasteizen ez dago arrazakeriarik”, argudiatu omen du.
Argituzek azaldu du prest dagoela eskola tailerrekin segitzeko nahiz eta finantzazio faltak eragina izango duen hedapenean, ahalik eta ikastetxe gehienetara iristea baitzen hasierako helburua.
Hainbat herritarri suzko arma batekin tiro egin ostean bi pertsona zauritu zituzten udaltzainek, horietako bat larri, pasa den martxoaren 21ean, Barakaldon. Tirokatuak kalean bizi ziren magrebtar jatorrikoak izatea ez dela kasualitatea dio 77 elkartek sinaturiko adierazpenak:... [+]
Ostegun goizeko 8:00etatik 12:20era Polizia operazio handia egon da Donostiako Martutene auzoko etxe okupatu batean. Espainiako Poliziak, Ertzaintzak eta Udaltzaingoak elkarrekin egin dute operazioa, “atzerritarren bulegoaren operazioa” dela azaldu dute. Donostiako... [+]
Arrazakeria, diskriminazioa eta islamofobia salatu ditu langileak, eta Iruñeko Lan Ikuskaritzaren aurrean elkarretaratzea egin dute, SOS Arrazakeriak eta LAB sindikatuak deituta. Ikuskaritzak salaketa itxi du, eta onartu egin du Misericordia enpresaren argudiaketa, dioena... [+]
Donostiako Egia auzoan, azken hilabeteetan, bizilagunen artean segurtasunaren inguruko kezka handitu da, eta “beldur eta urduritasunak duen garrantzia aitortu eta sentimendu horiei lekua” egin behar zaiela aldarrikatu dute.