Aroztegia proiektuaren aurkako zazpi herritarrek bake epaitegira aurkeztu behar izan dute

  • Kontziliazio hitzordu bat medio aurkeztu behar izan dute, Aroztegia...eta gero zer? plataformak salatu duenez. 50.000 euroko kalte ordaina eskatu diote bakoitzari.

Ane Urkola Agirrezabala @irrikaz
2016ko maiatzaren 13a
Herritar ugari hurbildu da epaitegi aurrera gertaerak salatzera eta kaltetuak babestera. Argazkia: Aroztegia...eta gero zer? plataforma

Palacio de Arozteguia S.L. enpresak ezarritako kereila kriminalaren "hasierako pausotzat" jo dute. "Zigor penalaz gain", 50.000 euroko kalte ordaina eskatu diete Aroztegiaren aurkako plataformako zazpi kideri, "prentsaurreko batean parte hartzeagatik".

Herritar ugari hurbildu da epaitegi aurrera gertaerak salatzera eta kaltetuak babestera. Salatu dute kereila horien helburua dela herri mugimendu eta jendarte osoa kriminalizatzea eta isilaraztea: "Hor ditugu UGPSaren kontra bildutako 900 sinadurak, 1.500 pertsona bildu zituen manifestazioa, proiektua zalantzan jartzen duten ahots guztiak, eta oro har, herri galdeketaren aldeko mugimendu osoa".

Herri galdeketa "trabatzea" dute helburu, "gatazka soziala sortzen duen proiektua" bada ere. Horren adibidetzat jo dute Manu Aierdi Nafarroako Gobernuko presidenteordeak asteartean izandako jarrera. 

Aierdi egitasmoaren bultzatzaileekin elkartu zen Lekarozen. Herritarrak proiektuaren aurka bildu baziren ere, "presidenteordeak ez zuen hitz erdi bat ere egin Aroztegiako afera kudeatzeko moduak ekarri duen gatazka sozialari buruz". 

Horrek "argi" erakusten du "herritarron interesen gainetik, bere kargu publikoa baliatzen duela bere ingurukoen alde lan egiteko", gehitu dute plataformako kideek.

 

Kanal honetan artxibatua: Baztango Aroztegia

Baztango Aroztegia kanaletik interesatuko zaizu...
2017-09-01 | Xalba Ramirez
Palacio Aroztegiak Baztango Udalari salaketa jarri dio protestak baimentzeagatik

EH Bilduk eta Ezkerrak prentsaurrekoa eman dute Aroztegiako proiektua aurrera eramaten ari den enpresak salaketa jarri dielako bost hautetsiri. Elizondoko herriko plazan protesta egiten ari direnei argindar publikoa erabiltzeko baimena emateagatik jarri diete salaketa, prebarikazioa delakoan.


Aroztegiaren aurka Sustrai Erakuntzak jarritako helegitea atzera bota du epaileak

Epailearen ustez, "erabat justifikatua" dago udalerriz gaindiko izaera. Aroztegia eta zer? plataformak berretsi du "inposatutako" proiektu bat dela Aroztegian egin nahi dutena. 


Komantxeen lurraldea

UPNko gobernuaren proiektua zena orain Geroa Baikoak egin du bere: Lekarozen luxuzko hotela, golf zelaia eta 228 etxebizitza egitea. Geroa Baiko eledun Koldo Martinezek, Aroztegiako proiektuak euskaran izanen duen eraginaz galdetuta, erreserba hitza aipatu zuen. Ez zekien laguntzen ari zela mugimendu berri bat sortzen. Aroztegiako komantxeek deituta, asteburuan Elizondoko plaza okupatu dute 50 gaztek. Baztan errotik aldatuko lukeen proiektuak eskualdean duen aurkakotasuna irudikatu nahi izan... [+]


2017-06-12 | Elurre Iriarte
Komantxeen kanpaldia Aroztegiako proiektuaren aurka

Batzuetan ez dugu jakiten gure hitzen ibilbidea zein izanen den. Koldo Martinez, Geroa Baiko eledunak, Aroztegiako proiektuak hizkuntzan izanen zuen eraginari buruzko txioan erreserba deitu gintuen. Ez zekien komantxeen kanpaldi bat antolatzeko bidea sortzen ari zela.


2017-05-25 | ARGIA
Kanpaldia deitu dute Elizondoko plazan, Aroztegiko proiektu urbanistikoaren kontra

Ekainaren 9tik 11ra kanpaldia egingo dute Elizondoko plazan, Aroztegiako Komantxeak plataformak deituta, Lekarozen egin nahi duten proiektu urbanistikoaren aurka protesta egiteko.


"Alkate joan eta mutil-dantzan ez parte hartzea ez zen aukera"

2013an Elbeteko mutil-dantzan irainka hartu zuten Baztan bailarako alkate eta ordezkari gorena. Garbiñe Elizegik esku bete lan izan zuen lau urteko agintaldian: ohiko eginbeharrak ez ezik, mutil-dantza parekidearen aldeko borroka eta Aroztegia kudeatu behar izan zituen. Hertsi gabeko zauriak dira biak ere Baztanen.


2017-02-28 | Erran .eus
Aroztegiko proiektuaren jarraipen-batzordea "pozoinduta" dagoela salatu dute

Azken asteetan Aroztegiko proiektuari buruz izan diren gertakarien inguruan oharra kaleratu du Aroztegia...eta gero zer? plataformak


"Hirigintza pelotazo" esateagatik isuna jarri diote Baztango alkate ohiari

Auzitegiek zigortu egin dute Garbiñe Elizegi Baztango alkate izandakoa Aroztegia proiektua "hirigintza pelotazo" izendatzeagatik.  


Aroztegiaren inguruko galdeketaren emaitza onartzeko eskatu diote hamar alkatek Nafarroako Gobernuari

Ekainaren 5ean egin zuten galdeketa Baztanen eta 228 etxebizitza, luxuzko hotela eta golf zelaia eraikitzearen kontrako hautua gailendu zen, alde handiz: bozka eman zuten %80 azaldu ziren aurka.


Aroztegia Jauregia Sozietateak demanden mehatxupean dituela salatu dute Baztango hainbat herritarrek

Nafarroako Gobernuak Aroztegiko urbanizazio lanen txostena onartu eta baimena eman du hirigintza plana aurrera emateko. Ekainaren 5ean proiektuari buruzko herri galdeketa egin zuten Baztanen, eta aurkako aldea nagusitu zen.  


Azkenak
EGILEA
Eguneraketa berriak daude