Arma atomikoak debekatzeko negoziaketak hasi dituzte Nazio Batuen Erakundean

  • Aste honetan zehar, martxoaren 27tik 31era, arma atomikoen debekuaz adostasunera iristeko negoziaketen lehen saioak ari dira burutzen New Yorken NBE Nazio Batuen Erakundearen egoitza nagusian. NBEko batzar nagusiak abenduan herrialdeen gehiengo handiaren botoz erabakitako negoziaketak dira. Potentzia atomiko handiak boikotatzen ari dira negoziaketa historikoa eta hedabide nagusietan ez da haren oihartzunik entzuten.

Pello Zubiria Kamino @pellozubiria
2017ko martxoaren 30a
Biltzarrean parte hartu duten agintarietako bat da Eskoziako lehendakari Nicola Sturgeon, argazkian Hiroshimako bonba atomikoaren superbibienteekin ageri dena. (Argazkia: ICAN)

2016ko urriaren 27an, urte luzetako lanen ostean, NBEren Armagabetze eta Segurtasun batzordeak bozkatu zuen gerra nuklearraren debekua itun bihurtzea. Lurra planeta osoko 123 estatuk eman zuten baietza baina ezezkoan tematu ziren potentzia nuklearrak, tartean, bonba atomikoa aspalditik daukan Frantziak eta NATOen kide izateagatik arma nuklearren erabileran esku hartzen duen Espainiak, NBEan euskaldunak ere ordezkatzen dituztenak.

Urriko bozketa historikora iristeko sei urtez lana beltz egin behar izan dute mugimendu bakezaleek eta gerra atomikoaren kontra mobilizatzen diren militante eta pertsonalitate ezagunek. Rebecca Johnson ekintzaile pazifista eta berdeak Open Democracy gunean azaldu duenez, 98 herrialdetako 440 gizarte erakunde aritu dira gaia astintzen ICAN Arma Nuklearrak Debekatzeko Nazioarteko Kanpainarekin batean, 15 Nobel saridunek sustatuta.

Aste honetan burutzen ari diren negoziazioen jarraipen oso gertukoa egiten du ICAN Arma Nuklearrak Debekatzeko Kanpaina erakundeak bere webean. Parte hartzen ari dira mundu osoko gobernu eta administrazioetako ordezkari politikoak baina baita herri mugimendu asko ere. Deialdian azpimarratu zuten debekuen inguruko adostasunera iristearen urgentzia larria:  "Arma atomikoek dakartzaten arriskuak onartezinak dira, pentsaezinezko katastrofe bat saihesteko modu ziur bakarra da armok osoki desegitea. Arma nuklear bakar batek suntsitu dezake hiri oso bat bere biztanle gehienak hil eta bizirik ateratakoei laguntzea ezinezko eginez. Gerra nuklear batek ordu bakar batean jende gehiago hil lezake II. Mundu Gerra osoan hil zutena baino”.

Kanal honetan artxibatua: Arma nuklearrak

Arma nuklearrak kanaletik interesatuko zaizu...
2017-10-06 | ARGIA
Arma nuklearrak indargabetzeko kanpainak irabazi du 2017ko Bakearen Nobel saria

Arma hauen “eragin katastrofikoa” azpimarratu dute Bakearen Nobel saria ICAN elkarteari emango diotela jakinarazi dutenean. Horrez gain elkarte honek arma hauek debekatzeko egindako lan eskerga ere eskertu dute.


Trump eta Kimek nola ekarri gaituzten gerra nuklearraren atariraino

Ez zaie jaramonik egin behar Ipar Koreako diktadura barregarri uzten duten irudiei: herrialde txikiaren eta munduko potentzia nagusiaren arteko tirabirak 2017ko udan mundua eraman dute krisi atomiko larri baten ateetaraino. 1962an Kubako misilen krisian AEBek eta Sobietar Batasunak gerra atomikoa ia piztu zutenetik ez omen da hain egora arriskutsua bizi izan. Udazkena iristear, ez da ikusten nola baretu Ekialde urruneko sute arriskutsua.


Bonba atomikoaren aurkako emakumeen martxa prestatzen ari dira ekainaren 17rako

Bakearen eta Askatasunaren aldeko Emakumeen Ligak antolatu du bonba atomikoaren debekua aldarrikatzeko elkarretaratze erraldoia AEBetako New Yorken, ekainaren 17rako. NBEen batzar nagusian herrialde gehienak negoziatzen ari diren debekuari sostengu soziala eman nahi diote.


2017-02-05 | Edu Zelaieta
Botoia

Botoi gorriaren mamuak zeharkatu zuen gure haurtzaroa, gero eta urrunago dagoen 80ko hamarkadan. Nik ordukoaz gogoratzen dudanaren arabera, gerra hotzaren ondorioz, halako botoi gorri batzuk irudikatzen genituen munduko (eta batez ere munduaren) agintari ahaltsuenen bulegoetan. Esan gabe doa, iparramerikarrek egindako pelikulak lagun, errusiarrak hartzen ohi zirela mehatxu nagusitzat planetaren hondamen nuklearra ekartzeko.

Haurtzaroaren mamua berritu dit iparramerikarrek eskaini diguten... [+]


Txina hesitu ostean, haren kontrako gerrara nola garamatzaten

Abendu hasieran aurkeztu da Londresen John Pilger kazetari australiarraren dokumental berria: “Txinaren kontra datorkigun gerra”.  Haren arabera, AEBek urteak daramatzate Txina inguratzen base militarrez eta neoliberalek gaina hartu ahala militarrek galdu dituzte bonba atomikoa erabiltzeko erreparoak. Hedabide nagusien isiltasuna eta manipulazioa salatzen ditu kazetari mitikoak.


2017a izan liteke (edo ez) NBEk arma atomikoak debekatuko dituen urtea

Abendu honetan erabaki historikoa har dezake Nazio Batuen Erakundeko Batzar Nagusiak: berresten badu Armagabetze eta Segurtasun batzordeak urriaren 27an gehiengoz onartutakoa, 2017an hasiko dira negoziatzen mundu osoan arma atomikoak debekatzeko ituna. Kontra bozkatu duten potentziek –euskaldunok ordezkatzen gaituzten Espainiak eta Frantziak barne– lortuko ote dute zapuztea?


Frantziako 101 diputatu eta senatarik arma atomikoak debekatzeko erreferenduma eskatu dute

Frantziako legebiltzarreko 82 diputatu eta 19 senatarik sinatu dute –orain artean– arma atomikoen debekuaz herritarren iritzia erreferendum bidez galdetzeko eskaria. Horrekin sustatu nahi dute Nazio Batuen Erakundearen batzar nagusiak 2017an lehenbiziko aldiz debeku horretaz egingo duen debatea.


Palomares garbitu zuten militarrak, minbiziaren biktima 50 urte beranduago

The New York Times-ek argitaratu berri duen erreportajeak erakutsi du Palomareseko istripuaren ondoren garbiketa lanetan ibili ziren militar estatubatuarrek osasunean kalteak jasan dituztela, eremuko erradiazioarekiko esposizioagatik.


2015-08-06 | Garazi Zabaleta
Hiroshimatik 70 urtera, 15.850 arma nuklear dituzte bederatzi herrialdek

Hiroshiman eta Nagasakin bonba atomikoak jaurti zituztenetik 70 urte bete dira aste honetan. Bigarren Mundu Gerra amaitzear zela AEBk Japonen egindako sarraskia gogoratzen den egun hauetan, munduko bederatzi herrialdek 15.850 arma nuklear dituzte eskura. 


Zeintzuk dira Irango akordio nuklearraren irabazle eta galtzaileak?

The Guardian egunkari britainiarrak astelehenean Iran eta 5+1 taldearen artean sinatutako akordioan, irabazle eta galtzaileen inguruko analisia egin du.


Azkenak
EGILEA
Eguneraketa berriak daude