Arlo sozio-ekonomikoa euskalduntzeko egitasmoa jarriko dute martxan Urola Kostako eragile eta enpresek

  • Euskara, enpresaren lan eta komunikazio hizkuntza izan, eta horrekin batera langileak euskaraz lan egiteko eskubidearen alde ahalduntzea, da asmoa, baita, euskararen gaia ekintza sindikalean txertatzea ere.

Baleike @baleike
2017ko maiatzaren 11

Hizkuntza baten normalizazio prozesuan arlo sozio-ekonomikoak duen izaera estrategiakoa argia da. Arlo sozio-ekonomikoan lau zutabe nagusi ezarri zituen, euskalgintzaz gain, Kontseiluak 2013. urtean egin zuen Lan Mundua Euskalduntzeko Konferentzian. Enpresak, langileak, bezeroak eta administrazioa dira lau hanka horiek. Konferentziari begira, eragile horietako ordezkariekin harremanak izan ondotik, horietako bakoitzak bete beharreko funtzio nagusiak proposatu ziren.

Horren ondotik, arloz arlo ekimen eta lan desberdinak egin badira ere, oraingoan guztiek batera, elkarlanean, norabide eta tempus berean lan egingo dute Urola Kostan. Aitzindari izango da, hortaz, Gipuzkoako eskualdea eta ondoren, beste eskualde batzuetara hedatzeko helburua jarri dio bere buruari. Aitzindaritza, eragiletza eta elkarlana dira, beraz, ekimenaren ezaugarri nagusiak.

ELAko Leire Txakartegik, LABeko Edurne Larrañagak, Urola Kostako Mankomunitateko euskara teknikari Xabier Urdangarinek eta Zarauzko AEKko Amaia Olazabalek prentsaurrekoan aurkeztu dute Urola Aitzindari ekimena Kontseiluko Iker Salaberriarekin batera. Urola Kosta hautatu izana azaldu dute agerraldian. Eskualdeak aitzindari izateko ezaugarriak badauzka; hala nola, egoera soziolinguistikoa, euskalgintzaren elkarlana, sindikatuen indarra… eta eragile guztien prestutasuna euskararen normalizazioan urrats berriak emateko. 

Enpresen alorrari dagokionez, Kontseiluaren baitan sortutako Euskaragileak enpresa batzordea izango dute eredu. Bertan, lan-munduaren euskalduntzean aitzindari diren enpresak biltzen dira. Hau horrela, Urola Kostako enpresetako zuzendaritzak gonbidatuko dira batzorde bera, beren esperientziak eta egindako bidearen nondik norakoak ezagutzera.

Mankomunitateak eta eskualdeko udalek ere parte hartuko dute ekimenean, besteak beste, lagunduko dute Euskaragileak enpresa batzordearen aurkezpenak egiten. Aipatu aurkezpenak uda aurretik egitea aurreikusten da.

ELA eta LAB sindikatuetako ordezkariek ekimenean parte hartzeko arrazoiak eta helburuak azaldu dituzte. Hauek ere, lan munduaren euskalduntzearen garrantzia azpimarratu dute. Horrekin batera, hizkuntza-eskubideak eskubide sozial gisa euren borrokan txertatzea beharrezko jo dute. Euskaraz lan egiteko eskubidea aldarrikatu dute ildo horretan.

Ekimenaren bitartez, euskara, enpresaren lan eta komunikazio hizkuntza izatea bilatzen da. Horrekin batera langileak euskaraz lan egiteko eskubidearen alde ahalduntzea, kontzientzia hartze ariketa egitea, alegia. Bestetik, euskararen gaia ekintza sindikalean txertatzea eta azkenik, guzti hori langileen parte hartze zabalarekin egitea dituzte helburu.

Urola Aitzindari ekimenean enpresa hauek hartuko dute parte: Biele S.A., GKN Zumaia S.A., Sammic S.L., OBE Hettich, Hettich Iberia S.L., KSB ITur S.A., Industrias Auxiliares S.A.U., Panificadora Artadi S.A., Indaux, Azpeitiko eta Azkoitiko zaharren egoitzak, Astigarraga Kit Line (JJ Producciones). Sektore eta eskualdeko ingurune desberdinetan ari diren enpresak dira.

Dinamika garatzeko egitura eta guneak sortu dituzte enpresatan sindikatuek. Enpresa bakoitzean, adosguneak, eskualde mailako adosgunea, eskualdeko batzarra eta talde motorea egongo dira lanketa aurrera eramateko.

Lan egutegia ere finkatu dute arlo honetan. Honela bada, maiatza eta ekaina bitartean enpresetako adosgunean elkartuko dira, diagnostikoa eta lehentasunak finkatzeko. Uztailean, berriz, lehen aipatutako Antzuolako Elay enpresara bisita gidatua egingo da. Aitzindaria da Elay euskararen normalizazioa enpresan txertatzen eta Euskaragileak enpresa batzordeko kide da. Irailetik aurrera, berriz, plangintzaren garapenari ekingo diote. Urte amaieran ekimenaren balorazioa egin eta aurrera begirako urratsak definituko dira.

Kontsumitzaileen zutabeari dagokionez, berriz, AEKko kideak azaldu duenez, Kontseiluak Bai Euskarari Elkartearekin eta Hizkuntz Eskubideen Behatokiarekin batera sortutako Baduzu euskal kontsumitzaileen kluba izango da oinarria. Herritarren ahalduntzea eta aktibatzea bilatzen da ekimenarekin.

Baduzuren helburuak euskaraz saldu eta erosi nahi dutenak saretzea eta harremanetan jartzea da. Euskarazko kontsumo komunitatea eraiki eta aktibatzea. Eta herritarrak sentsibilizatzea euskara kalitatezko kontsumoaren ikur eta horretarako irizpide dela; finean, euskara kontsumo irizpidedun edo kriteriodunaren ezaugarri dela.

Urolako euskalgintzan herritarrengan eragiten saiatuko da. Horretarako kontsumo taldeen eratzeak bultzatuko ditu uda aurretik sor daitezen eta aipatutako tresna baliatzea bultzatuko du. Udazkenean, berriz, aurreikusten da herrietan ekimenak egitea.

Albiste hau Baleikek argitaratu du eta CC-by-sa lizentziari esker ekarri dugu ARGIAra.

Kanal honetan artxibatua: Euskara lan munduan

Euskara lan munduan kanaletik interesatuko zaizu...
Euskararen etorkizuna hiztunen esku bakarrik?

Bosgarren aldiz egin dira Inkesta Soziolinguistikoa eta Kale Neurketa eta hauen emaitzekin gaur egungo euskararen erabilera maila ezagutu da. Euskararen jakintza goraka doan heinean erabilera ez igotzea euskaldunen erantzukizuna al da?


2017-05-30 | ARGIA
Hizkuntza eskubideen aldeko borroka sindikala indartu nahi du ELAk

Ekainaren 2an, Donostiako Olarain Ikastetxean Euskara sindikatuaren erdigunera ekarri. Hizkuntza eskubideen alde borroka sindikala indartu lema harturik, mahai-inguruan arituko dira Joxerra Garzia, Lorea Agirre, Patxi Saez eta Sagrario Aleman.


Langile euskaldunak kontratatzea zergatik den garrantzitsua esplikatu du Lapurdiko esne-enpresariak

Esnea transformatzen duen enpresako zuzendariak hala esan du: “Nire ekoizpenez euskaraz komunikatu nahi dut, kontsumitzaileen parte bat euskalduna da eta”.


2016-11-29 | ARGIA
Lan mundua euskalduntzeko egitasmo pilotua abiatuko dute ELAk eta LABek Urola Kostan

Lan mundua euskalduntzeko bidean egitasmoa bateratua aurkeztu dute ELA eta LAB sindikatuek, Euskararen Nazioarteko Egunaren (abenduak 3) ingurumarian. Azaldu dutenez, 2017ko urtarrilean jarriko dute martxan proiektu pilotua, Urola Kostan, eta Kontseiluarekin batera jardungo dute egitasmoa aurrera ateratzeko.


Euskara ikasteagatik ARGIA opari

Bizi honetan batzuk zortekoak dira, irakurle. Nik behintzat ume umetatik ikaskide eta lagun batzuk izan ditut zozketa bakoitzeko zerbait tokatzen zitzaienak, eta ni berriz beti ondoan, esku hutsik normalean. Fagor enpresan euskara taldeetan dabiltzanen artean urtebeterako harpidetzak zozketatu dituzte, eta seguru nago hor ere badagoela aipatu zorteko pertsonarik. Baina tira, ez natorkizue zorteaz hitz egitera, zozketaz baizik.

Fagor kooperatibak lehendik bazuen ARGIArekin harremanik, baina... [+]


"Asko egin duten enpresak hasiak dira beren sabaietara iristen"

2015eko udazkenean, bere lantokian, Elgoibarko Makina Erremintako Institutuan, entzun genuen jardunaldietan. Euskalduntzean aitzindari diren enpresak zituen ahotan, eta tesi bat: langileen eta tresnen arteko hizkuntza-harreman konbinazioak kalkulatu behar dira, jakiteko zenbat euskara egin dezaketen. Horrek lagunduko du lorpenak fintzen. Fermin Lazkano IMHko Berrikuntzarako Tkgune Fabrikazio sareko zuzendaria da.


Beti euskaraz egingo lizukeen lankidea egunero alboan bazenu zuk zer egingo zenuke?

Fagor Arrasateko (Markina) eta JMAko (Arrasate) langileei esan zieten ea euskararen erabilera areagotzeko Eusle metodoa probatu nahi zuten. Eusleak, beti euskaraz egingo zuten langileak izango ziren, gainerakoentzat ez zen derrigorra izango euskaraz aritzea. Bi hilabeteko esku-hartzeek emaitza onak izan dituzte.


2016-01-12 | Sorginak gara
"Euskara ikasi nahi dut, lan munduan ateak zabaltzeko"
MULTIMEDIA - Sorginak

Edadetuekin bizi eta zaintzen ditu Aracellys Martínezek, Sorginak bideo-sortako seigarren atalean elkarrizketatu dute.


Euskara natur zientzietan
MULTIMEDIA - solasaldia

Natur Zientzien I. Topaketaren barruan UEUko Natur Zientziak sailak eta EuskalNatura taldeak antolatutako mahai-ingurua.

- Txema Pitarke (Fisikaria, nanoGUNE, UPV/EHU, UEU),
- Jose Ramon Etxebarria (ingeniaria, UEU, UPV/EHU),
- Juan Ignacio Perez Iglesias (Biologoa, UPV/EHU)
- Eider Carton (Kimikaria, Elhuyar)

2013ko azaroak 9 eta 10. Donostiako Eureka! Museoa


2015-10-23 | ARGIA
Irakaskuntza eta gero, enpresa euskalduntzea ote hurrengo erronka?

Patxi Saez soziolinguistak gogoeta interesgarria partekatu du euskalgintzan eragile diren ia 40 lagunekin. Saezen ustez, enpresa euskaldundu behar da orain, eta horretarako diru-pizgarriak eskaini behar dira.


Azkenak
EGILEA
Eguneraketa berriak daude