Final gaztea izan dela nabarmendu du jendeak, bai taula gainean bai eta publikoan ere. Batzuk beldur ziren, aurtengo txapelketako finalistek maila emango zuten, baina bertsolariek eurek eta jendarteak aitortu gisa, erakutsi dute, bai, maila dutela; duinetik gorakoa, balekotik gorakoa, izan da gaur arratsaldeko saioa.

 

Txapeldun berria dugu: Arkaitz Estiballes. Akatsik gabeko saioa egin du. Txukun bete dute lana gainerakoek ere, batzuetan hobexeago besteetan beherago. Hori bai, nork bere estiloan, zein baino zein: Etxahun puntuak biltzen-biltzen, ariketa guztietan; Miren, bertsomolde gozoz, publikoaren bihotzetara helduta; Onintza, ofizioko saioetan bere errolean ederto sartuta; Beñat, bertsolari zirtolarien paperean, plazako kantari legez; Jone, zirikatzaile ofiziotan; Peio, natural-natural; eta berdin Eneko, barru-barrutik eta urteetan egindako lana erakutsi guran.

Horiek saio-osteko gogoetak. Bertsoak eta sentsazioak digerituta, astelehenean, gehiago eta sakonago, ARGIAn.