Aristrain enpresariarentzat 64 urteko kartzela zigorra eskatu du fiskaltzak
ArcelorMittal-en jabe nagusietakoa den Olaberriako Jose Maria Aristrain enpresaburuak iruzur fiskal erraldoia egin zuen 2005etik 2009ra, Castellanako Paperetan ageri denez.
211 milioi euroko iruzurra egin zuen Aristrain altzairugileak 2005etik 2009ra Espainiako Ogasunaren aurrean. Besteak beste, joan de ekainean hainbat hedabidek zabaldutako filtrazioari esker jakin zen enpresariak ArcelorMittal-etik lortzen zituen dibidenduengatik ez zuela ezer ordaindu urte horietan, eta Herbeheretako, Suitzako nahiz Luxenburgeko ezkutuko sozietateak ere erabili zituela iruzurra egiteko. Sozietate horietako baten bidez, esaterako, bere etxebizitzak, aisialdirako yatea eta luxuzko autoen kolekzioa mantentzen zuen, Ogasunari ezer deklaratu gabe.
Madrilgo fiskaltzak 64 urteko kartzela zigorra eskatu du Aristrainentzat eta 1.190 milioi euroko isuna, baita 211 milioi euroak bueltatzeko ere.
Jose Mari Aristrain munduko aberatsenen zerrendan ageri da, Olaberriako altzairu fabrikari esker egindako fortuna dela-eta. ArceloMittalen %2aren jabe da, Zumarraga eta Sestaon ehunka langile kalean utzi dituen enpresarena.
Kazetarien Nazioarteko Partzuergoak filtratu du informazioa. Munduko buruzagien eta handikien sekretuak eta dirutzak erakusten ditu paradisu fiskaletan eta Amerikako Estatu Batuetan. 35 estatu buru eta estatu buru ohi, 330 funtzionario, enpresariak, artistak eta kirolariak daude... [+]
Zarata handia ateratzen ari dira zenbait eremutan, Espainiako Estatuan ustezko "iraultza elektriko" baten eta munduan egosten ari omen den beste "zerga iraultza" baten inguruan, hedabide handietako editorialek azpimarratu duten bezala. Propaganda gehiegi.
"Herri honetan zenbat eta gehiago eduki, orduan eta zerga gutxiago ordaintzen da, eta beraiek ordaintzen ez dutena beste batzuek ordaindu behar dugu", halaxe salatu du osteugn honetan Mitxel Lakuntza ELAko idazkari nagusiak Bilbon, erreforma fiskala bultzatzeko... [+]
1565ean Elisabet I.ak Sark uhartea feudo izendatu zuen, 40 lursail mugatu eta beste hainbeste familia ezarri ziren Sarken, jaun feudal berriaren agintepean. Praktikan ezer gutxi aldatu da: Sarkeko jaunak agintean jarraitzen du eta egun paradisu fiskal bat ere bada.
2001 eta 2008 artean egindako higiezin-operazioen ondorioz milioika euro legez kanpo lortu izana leporatu diote Vaticanoko bankuko buru ohiari. Zehazki, Erroma, Milan eta Genovako 29 eraikin salerosketagatik 70 miloi euro legez kanpo irabazteagatik, 9 bederatzi urteko... [+]