Argentinako diputatuen ganbera abortu legearen alde agertu da
22 orduz luzatu da diputatuen arteko eztabaida, hauek zer esango, kongresuaren aurrean jende andana bilduta zegoen bitartean.
Milaka emakumeren problematikaren aurrean, IVE (Interrupción Voluntaria del Embarazo, Haurdunaldiaren Etenaldi Borondatezkoa euskaraz) lege proiektua eztabaidatzen ari dira Argentinan. Hamaika urtean sei aldiz baztertu ostean, lehen aldiz bozkatu du diputatuen ganberak beronen gainean.
Clarín egunkariak emandako datuen arabera, 257 aulki dituen ganberan lege proiektuaren aldeko 129 boz, kontrako 125 eta abstentzio bat zenbatu dira. Horrela bada, abortu legearen aldeko jarrera gailendu da.
Diputatuen ganbera IVE legearen alde posizionatu den honetan, lege proiektua senatuaren eskuetara pasako da. Bertako ordezkarien artean Eliza Katolikoaren eragina nabarmenagoa da.
Abortu Legal Seguru eta Doakoaren Eskubidearen Aldeko Kanpaina Nazionalak bultzatu du IVE lege proiektua, eta helburua emakumeek haurdunaldiko lehen hamalau asteetan abortatzeko aukera izatea da. Lege honen arabera, epealdi horren barruan abortatzea posible litzateke edozein kasutan, eta ez soilik bortxaketa kasu batzuetan edo emakumearen bizia arriskuan denean soilik, indarrean den legearen arabera gertatzen den modura.
Urtean 500.000 abortu klandestinotik gora egiten dira Argentinan, sarri emakumearen heriotza eraginez; 2016ko datuen arabera, 43 emakume hil ziren abortu klandestinoen ondorioz.
Abortuaren eskubidea Frantziako konstituzioan sartu da aste honetan. Baina abortatzeko eskubidea ez da gaur goizeko afera. Jadanik 1970. hamarkadaren hasieran mugimendu azkarrak izan ziren eskubide horren erdiesteko Ipar Euskal Herrian.
Senatuaren babesa jaso zuen joan den ostegunean, eta Kongresuak berretsi du astelehenean konstituzioaren aldaketa agintzen duen neurria. Frantzia da konstituzioan abortu eskubidea "bermatzen" duen munduko estatu bakarra.
267 senatarik alde bozkatu dute eta 50ek kontra. Frantziako Legebiltzarrak eta Senatuak alde bozkaturik, bi ganberak biltzen dituen Kongresuaren bozketa eskas da: martxoaren 4an eginen da, eta printzipioz aldeko botoa gailendu beharko litzateke.
Abokatu Kristauek "iraingarritzat" jo dituzte Donostian agertutako kartelak. Haien ustez, hiru delitu egin dituzte egileek: gorroto-delitua, erlijioen-sentimenduen aurkakoa eta egoera zibilaren usurpazioa. Ekintza anonimoa izan da, Askabide klinikaren ondoan jarritako... [+]
Espainiako Gotzainen Batzarraren izena daramaten kartelak agertu dira Askabide klinikaren ondoan: "Orain abortatzen baduzu, zer joko dugu larrutan hemendik 5 edo 6 urtetara?".