Egoera hobetzeko neurriak abiatzea galdegin du Central de Trabajadores de la Argentinak Maiatzeko Plazan egindako elkarretaratzean.
“Politika ekonomikoa aldatzen ez bada, geldialdi eta mobilizazio bidez etengabeko borroka biziko da herrialde guztian”. Pablo Micheli Central de Trabajadores de la Argentina (CTA) sindikatuko idazkari nagusiak iragan ostiralean Associated Press-i eginiko adierazpenak dira, Martxa Federala deiturikoaren amaiera ekitaldian.
Maiatzeko Plazan bildu ziren herrialde osotik iritsitako manifestariak, elkarretaratze bateratua egiteko. Protestariek bi egun eman zituzten bidean, gobernuaren “politika neoliberalak” salatu asmoz. Ekintzak sindikatuen eta ezkerreko taldeen babesa jaso du.
Micheliren arabera, Macriren neurriek egoera okertu dute, eta ohartarazi du “aldaketarik ezean, greba orokorra” deituko dutela. Zerbitzu publikoen zergak igotzea, ekonomiaren egokitze plana eta kaleratzeen igoera mespretxatu zuen CTAk. Argentinan %9,1era igo da langabezia: 1,16 milioi pertsona daude lanik gabe.
Manifestazioak Buenos Airesko zenbait hiribide garrantzitsu itxi zituen, eta Puerto Madero aberatsen auzoa blokeatu.
Ez du irabaziko, erotuta dago, esaten ari dena ez da posible. Edonork ikusten du ez dagoela estatu bat gobernatzeko prestatuta. Teoriko bat da, ez dauka errealitatearen kontzientziarik. Feminismoak emandako pausoak atzeraezinak dira, herritarrek ez dute onartuko zenbait eskubide... [+]
Argentinako Lanaren Apelazioen Ganberak behin-behinean atzera bota du Argentinako presidenteren lan-erreforma, CGT Lanaren Konfederazio Orokorra sindikatuaren salaketari esker.
Argentinako presidente kargua hartu du Javier Mileik igandean. Bere hitzaldian adierazi du "aldaketa erradikal" bat izango dela herrialdean.
Abenduaren 10ean hartuko du Argentinako presidente kargua Javier Milei ultraeskuindarrak, eta hautatu dituen gobernukideak zeresana ematen ari dira: Rodolfo Barra estatuko abokatuen buru izango da, iragan nazia duena; Patricia Bullrich, Segurtasun ministro; María Eleanora... [+]