Argindar kontagailu inteligenteak

Herri Berri taldea kexu, Donibane Lohizuneko Herriko Etxeak ez duelako informaziorik helarazi 'Linky' kontagailuez

  • 'Linky' izeneko kontagailu elektromagnetiko inteligente berriak ika-mika iturri dira Ipar Euskal Herrian. Erabiltzaileen inguruko datu pribatuak bildu eta osasunerako kaltegarriak izan daitezkeelakoan, etxeetan kontagailu horiek ez instalatzeko eskatu diote zenbait eragilek Enedis enpresari.

ARGIA @argia
2017ko irailaren 12a
Apurka-apurka, Ipar Euskal Herriko geroz eta etxe gehiagotan ari dira instalatzen 'Linky' kontagailuak. (Arg.: France Bleu)

Pasa den uztailean, Arbonako Herriko Etxeak salatu zuen Enedis konpainiak 'Linky' kontagailuak instalatu zituela herrian, Herriko Etxeak berak hala egitea debekatu zion arren. Donibane Lohizunen, bestalde, Herri Berri oposizioko taldea kexu agertu da, Herriko Etxeak eta Enedis enpresak ez dutelako informaziorik helarazi Ichaca auzoan instalatu dituzten kontagailuen inguruan.

Herri Berri ez da kontagailuen aurka azaldu, baina gardentasun eza kritikatu du. "Gai horri buruzko ikerketa kontajarri anitz burutu dira; ez gara adituak, beraz ezin dugu erran nork duen arrazoia. Hala ere, ezjakintasun horren aitzinean prebentzioa hobesten dugu", dio taldeko kide Peio Etcheverry-Ainchiartek, Kazeta.info-k jaso duenez. Instalazioek eragin dezaketen kostu ekonomiko eta ekologikoaz ere zalantza agertu du Herri Berrik.

Hain justu, zalantzak argitu aldera, gaiari buruzko bilkura publikoa egingo da urriaren 24an Donibane Lohizunen, Bizi! elkarteak deituta.


Argindar kontagailu inteligenteak kanaletik interesatuko zaizu...
Osagarria eta bizi pribatuaren errespetua zalantzan

Izan partikularren zein udalen partetik, Linky deitu argindar kontagailuaren aurkako jarrerak biderkatuz doaz Ipar Euskal Herrian. Bi kezka nagusi daude errefusaren oinarrian: batetik, dakarren bizi pribatuari buruzko informazio bilketa; bestetik, hedaturiko uhin elektromagnetikoen kaltegarritasuna.


2017-09-14 | Euskal Irratiak
Xiberoko hiru auzapez deituak dira Paueko auzitegi administratiborat Linky kontagailuen aferagatik

Xiberoko 3 auzapez deituak dira Paueko auzitegi administratiborat ostiralean arratsaldeko 2etan, Linky elektrika kondagailuen kontra hartu dutelako delibero bat.


Eguneraketa berriak daude