Arantzazuko harrobiaren handitzeak eztabaida sortu du Oñatiko udalbatzan

  • Proiektuaren kontrako mozioa aurkeztu du Oñatiko EH Bilduren udal gobernuak; azken urte eta erdian bestelako gestiorik egin ez izana leporatu dio EAJk.

Artikulu hau CC BY-SA 3.0 lizentziari esker ekarri dugu.

2016ko irailaren 29an - 09:39

Oñatiko Udal Gobernuak (EH Bildu) mozioa aurkeztu zuen asteartean egindako osoko bilkuran Arantzazuko harrobia handitzeko dagoen proiektuaren aurka. EAJ ere handitzearen kontra dago, baina urte eta erdian handitze horren kontra Jaurlaritzarekin gestio zuzenik ez duela egin kritikatu zion udal gobernuari, eta eztabaida piztu zuen horrek alderdi bietako bozeramaileen artean.

Egun harrobia kudeatzen duen enpresak txosten bat egin du handitzeak naturan ze inpaktu, eragin, izan dezakeen jasotzeko. Abuztuan iritsi zen txosten hori Oñatiko Udalera, eta horren kontrako alegazioa jarriko du orain udalak, forma kontuengatik bakarrik ikusten delako orokortasunean oinarritutako txostena dela. Mikel Biain alkateak azaldu duenez moduan, txosten horrek ez du jasotzen inguruko faunan eta floran izan dezakeen eragina, ezta ur baliabideen gaineko azterketarik ere, eta ez dago eginda horrelako proiektuak egin ohi diren eskalan.

Oñatiko Udalak salatu du txosten hori ez dagoela eskuragarri, inon ezin daitekeela ikusi, edozein herritarrek ikusi eta aztertu gura izanez gero, ez dagoela ikusgai. Biologo baten laguntzarekin, txosten horren kontrako alegazioa ari da prestatzen eta datorren astean aurkeztuko du.


Kanal honetatik interesatuko zaizu: Aztarna ekologikoa
Adrián Almazán
"Gizartearen logika algoritmikoarekin, gizakiak esplotatzen jarraituko dugu"

Fisikan lizentziatua eta Filosofia doktore, Gasteizen du ohiko bizitokia Adrián Almazánek (Madril, 1990), baina egun Madrilgo Carlos III Unibertsitatean ematen ditu klaseak. Digitalizazioak ingurumenean, energian eta gizartean sortzen dituen eraginak izan ditu... [+]


2023-11-08 | ARGIA
Aztarna ekologikoa murrizteko neurriak hartzen hasi da ARGIA liburuen eta aldizkariaren ekoizpenean

Kataluniako Ekoedizioaren Institutuko bazkide egin da ARGIA, Europako bakarra, eta Euskal Herrian halako urratsa eman duen lehen eragilea da. Zigilu baten bidez, bere argitalpenen aztarna ekologikoa neurtu eta garbi adieraziko du hemendik aurrera. Dagoeneko sei liburu ekoeditatu... [+]


2023-08-22 | Ilargi Manzanares
Andreu Escrivà: “Kapitalismoaren jasangarritasunak gaur egungo egoera mantendu nahi du, eta sostengaezina da”

El Salto-k Andreu Escrivá ikerlari eta ingurumen-adituari elkarrizketatu du, bere azken liburuaren harira, "Contra la sostenibilidad". Bertan, kapitalismo berdeak bere burua indartzeko erabiltzen dituen estrategiak azaldu ditu, eta nola jasangarritasunaren ideia... [+]


Amazoniako indigenen lurrak deforestatzaileen esku utzi ditzakeen legea onartu du Brasilgo Kongresuak

Amazoniako lurrak demarkatu eta indigenenak direla aitortzeko muga gehiago jarriko dituen legea onartu du Brasilgo Kongresuak. Luiz Inácio Lula da Silvaren gobernuak legea kritikatu du eta "araututako genozidio" bat dela esan du. Indigenek hainbat egun daramate... [+]


Eguneraketa berriak daude